اركن على جنب !!!

[Yones]

الموضوع ده هنحكى فيه عن الاعطال المفاجئة اللى حصلتلنا سواء فى الشوارع او الطرق واتصرفنا فيها ازاى ومفيش مانع منها نفتكر ذكريات برضه وربنا ميجيبش اعطال ان شاء الله

[HotRide]

هقول ايه ولا ايه ولا ايه

[m3touk_85]

هقول ايه ولا ايه ولا ايه

وانا هقول ايه ولا ايه

[Yones]

هقول ايه ولا ايه ولا ايه

قول كل اللى نفسك فيه

[tarekomar66]

اخر مره اركب العربيه بالموتور القديم بعد مارجعت من السرقه وانا راجع من عند الميكانيكى علشان سمعت صوت حشرجه كبيره فى الموترو وبعدين لما فكينا لاقينا ان صاموله التاكيهات مفكوكه وواقع فى الزيت والحمد لله ركبناها ورطبناه وانا بقى مروح وعند مديريه امن الجيزه لاقيت العربيه قطعت خالص ومش عاوزه تدور قمت زى الباشا نازل ملغوص شويتيتن فى الفيوزات والحمد لله العربيه دارت وقبل ميدانالجيزه لاقيت مؤشر الحراره ارتفع ولتانى مره زى الباشا وبهدووووووووء فتحت الريداتير لاقيته ناقص ميه وقبل ما ازود الميه فى العربيه لاقيت طلمبه المياه اتكسرت ونزلت كل المياه اللى فيها وللمره الثالثه زى الباشا دورت على عربيه وقطرتنى لغايه البيت وبعد 4 ايام قطرتها ع الحرفيين وغيرت الموتور كله

[Yones]

اخر مره اركب العربيه بالموتور القديم بعد مارجعت من السرقه وانا راجع من عند الميكانيكى علشان سمعت صوت حشرجه كبيره فى الموترو وبعدين لما فكينا لاقينا ان صاموله التاكيهات مفكوكه وواقع فى الزيت والحمد لله ركبناها ورطبناه وانا بقى مروح وعند مديريه امن الجيزه لاقيت العربيه قطعت خالص ومش عاوزه تدور قمت زى الباشا نازل ملغوص شويتيتن فى الفيوزات والحمد لله العربيه دارت وقبل ميدانالجيزه لاقيت مؤشر الحراره ارتفع ولتانى مره زى الباشا وبهدووووووووء فتحت الريداتير لاقيته ناقص ميه وقبل ما ازود الميه فى العربيه لاقيت طلمبه المياه اتكسرت ونزلت كل المياه اللى فيها وللمره الثالثه زى الباشا دورت على عربيه وقطرتنى لغايه البيت وبعد 4 ايام قطرتها ع الحرفيين وغيرت الموتور كله

يااااااااه كل ده حصل فى يوم واحد الله يكون فى عونك بس الحمد لله بجد انك اتصرفت بجد موقف بايخ وخصوصا لما تقف منك فى شارع زحمة او طريق سريع فى مكان فاضى مفيهوش ناس
بس حضرتك خلصت كل الكلام وجبت محرك جديد جبت من الاخر يعنى الحمد لله بجد وربنا يكفيك شر الاعطال

[Yones]

وانا هقول ايه ولا ايه

قول كل اللى فى قلبك يامعتوق باشا

[SAMEH_FOUAD]

كنت اول ماجيبت العربية الهوندا العربية مرة واحدة وقفت مكانها وبطلت بدور لقيت ان البطارية فضيت نهائى ومش عايزة تدور ولا زق ولا اى حاجة خالص وكانت الساعة 11 بليل وفى منطقة قدام ملاهى السندباد وكان يوم ( الاحد ) يعنى متقفلة من كل ناحية طبعا انا عارف انها بطارية دوخت بتاع ساعة على واحد بتاع بطاريات يكون فاتح اشترى منة واحدة مالقيتش لحد فين وفين لما لقيت كهربائى راح باعت عيل صغير عمرة 12 سنة روحنا انا وهو وكنا بتاكسى وقعدنا بنلف جوة النزهة الجديدة وبعد كدة الواد راح مديها توصيلة دارت على طول الحمد لله وروحت غيرتها على طول
اللى انا طلعت بية من الموضوع دة

1- ان مافيش حد فيكى يامصر ماشى بكابلات توصيل بطارية لان لو كان فية جد كان زمانى مشيت من خمس دقايق من بعض الوقفة اللى وقفتها
2- سواق التاكسى مارضاش ياخد منى مليم بعد الدوخة اللى داخها معايا ( كان لسة فية خير فى البلد ) بس انا سيبتلة مبلغ ومشيت وقولتلة كفاية تعبك معايا وعطلتلك

3 - انى ماتعلمتش من الموقف دة وسيبت البطارية الجديدة بعد ماقعدت سنتين فى العربية لأ وكمان مشغل التكييف وكاسيت ب6 سماعات وهوب ركنت اشترى حاجة وبدور مافيش البطارية ريحت وحلفت تانى ماتدور , وبردة الحمد لله ربنا كان معايا فى اليوم دة ولقيت واحد بتاكسى شاهين كان عطلان اصلا راح مدينى بطاريتة ادور بيها العربية وفعلا ادهالى وبعد كدة روحت غيرتها على طول

* النتيجة : لو البطارية بدأت بس تضعف هروح مغيرها فورا ودة اللى انا طلعت بية

والحمد لله ماعملتش اى موقف معايا

[SAMEH_FOUAD]

اخر مره اركب العربيه بالموتور القديم بعد مارجعت من السرقه وانا راجع من عند الميكانيكى علشان سمعت صوت حشرجه كبيره فى الموترو وبعدين لما فكينا لاقينا ان صاموله التاكيهات مفكوكه وواقع فى الزيت والحمد لله ركبناها ورطبناه وانا بقى مروح وعند مديريه امن الجيزه لاقيت العربيه قطعت خالص ومش عاوزه تدور قمت زى الباشا نازل ملغوص شويتيتن فى الفيوزات والحمد لله العربيه دارت وقبل ميدانالجيزه لاقيت مؤشر الحراره ارتفع ولتانى مره زى الباشا وبهدووووووووء فتحت الريداتير لاقيته ناقص ميه وقبل ما ازود الميه فى العربيه لاقيت طلمبه المياه اتكسرت ونزلت كل المياه اللى فيها وللمره الثالثه زى الباشا دورت على عربيه وقطرتنى لغايه البيت وبعد 4 ايام قطرتها ع الحرفيين وغيرت الموتور كله

الله يخرب بيت الحرامية وربنا يجحمهم مترح مايكونوا

[HotRide]

طيب احكلكو حاجه من الحاجات الي حصلت

كنت لسه جايب العربيه وكان فيها جوان وش سيلندر و عملتو و بعدها نقصت ميه ودخنه وميه من شكمان فقولت اسيسها اليومين دول واسقط مكنه وخصوصا ان كباس تكييف كان بايظ وطرمبه الببور بايظه والكاربتير وشه مكسوور والدينمو معموله كتاوت خارجي....بس كنت خارج في المهندسين ركنت العربيه 10 دقايق ورجعت لأيتها نامت! دوورت علي حد يديلي كابلات دارت بس لاحظت ان كاسيت بيرعش والازاز ضعيف ونفسها تبطل...بس راجع بقي لقتهت سخنت وقفت وبطلت ووجيت ادوور مدرتش استنيت حد يديني كابلات تاني ودارت وهي مولعه قولت هعمل ايه بقي مشيت بيها كده علي احمر...فجاءه صوت انفجار والعربيه بردت ! موقفتش فضبلت ماشي بيها تاني لحد ما سخنت ودخنه من الشكمان زي عربيه الناموس روحت ركنتها علي جنب وسبتها بتاع 3 ساعات وروحت وجتليها تاني...

بس عرفت ان كتاوت الخارجي باظ وو السبب خلا النروحه متبردش كان مش بيشحن فغيرتو وزودت ميه بقت 100 100 ! وبعدين سخنت تاني وصوت طششششششش ! افتح كابوت الاقي وش سيلندر شرخ من كتر السخونه..روحت ركنتها تحت البيت و تاني يوم مشيت بيها من الهرم للحرفيين وهي الاحمر وكانت طبيعيه جدا بس جت عند نفق سلام دخنت جامد وصوت كائني ماشي علي زلط وبطلت وحلفت ما هي داير ! واقطرتها للحرفين وديه كانت اخر لحظه اسوقها بالمكنه القديمه

[Yones]

كنت اول ماجيبت العربية الهوندا العربية مرة واحدة وقفت مكانها وبطلت بدور لقيت ان البطارية فضيت نهائى ومش عايزة تدور ولا زق ولا اى حاجة خالص وكانت الساعة 11 بليل وفى منطقة قدام ملاهى السندباد وكان يوم ( الاحد ) يعنى متقفلة من كل ناحية طبعا انا عارف انها بطارية دوخت بتاع ساعة على واحد بتاع بطاريات يكون فاتح اشترى منة واحدة مالقيتش لحد فين وفين لما لقيت كهربائى راح باعت عيل صغير عمرة 12 سنة روحنا انا وهو وكنا بتاكسى وقعدنا بنلف جوة النزهة الجديدة وبعد كدة الواد راح مديها توصيلة دارت على طول الحمد لله وروحت غيرتها على طول
اللى انا طلعت بية من الموضوع دة

1- ان مافيش حد فيكى يامصر ماشى بكابلات توصيل بطارية لان لو كان فية جد كان زمانى مشيت من خمس دقايق من بعض الوقفة اللى وقفتها
2- سواق التاكسى مارضاش ياخد منى مليم بعد الدوخة اللى داخها معايا ( كان لسة فية خير فى البلد ) بس انا سيبتلة مبلغ ومشيت وقولتلة كفاية تعبك معايا وعطلتلك

3 - انى ماتعلمتش من الموقف دة وسيبت البطارية الجديدة بعد ماقعدت سنتين فى العربية لأ وكمان مشغل التكييف وكاسيت ب6 سماعات وهوب ركنت اشترى حاجة وبدور مافيش البطارية ريحت وحلفت تانى ماتدور , وبردة الحمد لله ربنا كان معايا فى اليوم دة ولقيت واحد بتاكسى شاهين كان عطلان اصلا راح مدينى بطاريتة ادور بيها العربية وفعلا ادهالى وبعد كدة روحت غيرتها على طول

* النتيجة : لو البطارية بدأت بس تضعف هروح مغيرها فورا ودة اللى انا طلعت بية

والحمد لله ماعملتش اى موقف معايا

حصل معايا موضوع البطارية ده مرة فجأة بدون اى سابق انذار بعد مااشتريت العربية ب 8 شهور وكانت سايلة بس غيرتها بواحدة جافة بس للاسف معاشتش معايا كتير قعدت حوالي سنة ونص وده بسبب حساسية الانذار العالية عندى كان حتى لو عربية ماشية بسرعة جنب عربيتى تشغل الانذار فالموضوع ده قصر عمر البطارية وكانت اخر ايام البطارية التانية دى عذاب فى التدوير بس غيرتها الحمد لله لواحدة جافة برضه وكله تمام

طيب احكلكو حاجه من الحاجات الي حصلت

كنت لسه جايب العربيه وكان فيها جوان وش سيلندر و عملتو و بعدها نقصت ميه ودخنه وميه من شكمان فقولت اسيسها اليومين دول واسقط مكنه وخصوصا ان كباس تكييف كان بايظ وطرمبه الببور بايظه والكاربتير وشه مكسوور والدينمو معموله كتاوت خارجي....بس كنت خارج في المهندسين ركنت العربيه 10 دقايق ورجعت لأيتها نامت! دوورت علي حد يديلي كابلات دارت بس لاحظت ان كاسيت بيرعش والازاز ضعيف ونفسها تبطل...بس راجع بقي لقتهت سخنت وقفت وبطلت ووجيت ادوور مدرتش استنيت حد يديني كابلات تاني ودارت وهي مولعه قولت هعمل ايه بقي مشيت بيها كده علي احمر...فجاءه صوت انفجار والعربيه بردت ! موقفتش فضبلت ماشي بيها تاني لحد ما سخنت ودخنه من الشكمان زي عربيه الناموس روحت ركنتها علي جنب وسبتها بتاع 3 ساعات وروحت وجتليها تاني...

بس عرفت ان كتاوت الخارجي باظ وو السبب خلا النروحه متبردش كان مش بيشحن فغيرتو وزودت ميه بقت 100 100 ! وبعدين سخنت تاني وصوت طششششششش ! افتح كابوت الاقي وش سيلندر شرخ من كتر السخونه..روحت ركنتها تحت البيت و تاني يوم مشيت بيها من الهرم للحرفيين وهي الاحمر وكانت طبيعيه جدا بس جت عند نفق سلام دخنت جامد وصوت كائني ماشي علي زلط وبطلت وحلفت ما هي داير ! واقطرتها للحرفين وديه كانت اخر لحظه اسوقها بالمكنه القديمه

واضح ان الشخص اللى كانت معاه العربية كان مدمر المحرك لدرجة مهينة
بس كويس انك غيرت المحرك الحمد لله وارتاحت من مشاكله

[No Comment]

قعدتوا تقولوا اركن على جنب .. اركن على جنب ... ادينى امبارح ركنت على جنب .
كان يوم غريب من أوله ... ناس بتزنق عليه وناس عاوزة تلبسنى فى حاجة من غير سبب ده كان الصبح وانا رايح الشغل .
فى الرجوع بقى عينى ضربت على مؤشر الحرارة لقيته رفع سنة من مكانه (دى تعتبر ثالث مرة من ساعة ما جبت العربية ومبتحصلشى عندى خالص الا لو في حاجة غلط حصلت)
المهم موقفتش وكملت عادى وقلت يمكن الميه بقالى فترة طويلة مزوتش القربة ويمكن نقصت ... بعد شوية لاقيتها بدات ترفع بنسب اكتر وتنزل تانى شكيت ان مروحة من الاتنين علقت ومشيت بيها لحد ما لاقيت مكان فاضى عند سيتى ستار وفتحت الكبوت ابص على مية القربة لقيت فيها ميه .
استنيت شوية اشوف المراوح شغالة كويس ... الاقيها شغالة كويس بس بتطول اوى ومبتفصلش بسرعة .
ابص تحت العربية يمكن بتسرب ميه ... مفيش حاجة برضوا .
ساعتها عرفت ان اكيد الميه اللى فى الردياتير ذات نفسه ناقصة ومبتعوضشى من القربة .
رحت مبطل العربية بعد ما المراوح اشتغلت شوية تانى ... وجبت فوطة عندى وبدأت افتح الردياتير سنة سنة .
بدأت احس بكبس هواء جامد جداً عاوز يخرج ... بدأت اطلعه سنة سنة لحد ما خلص .
وبعدين دورت العربية وزودت ميه فى الردياتير مباشرتاً (عمرى ما عملتها قبل كدة) وخدت منى حوالى لتر وربع كدة واستنيت لحد ما المراوح اشتغلت وفصلت بسرعة تانى زى الأول وحطيت غطاء الردياتير ومشيت .
دلوقتى أغلب الظن ان غطى الردياتير فيه حاجة ... او فى وصلت القربة مع ان مش باين عليها حاجة .
النهاردة شيكت قبل ما اخرج على الميه اللى فى الردياتير مباشرتاً ولاقيتها زى ماهى من امبارح منقصتش ... وهتابع الايام اللى جاية لحد ما اعرف العيب من ايه .

[SAMEH_FOUAD]

كدة بلف غطاء الرياتير بايظ يابو حميد عشان كدة بيعمل المشكلة دية

[Ahmod]

كنت لسه شاري GPS جديد للعربية وكنت راكن في جراش سيتي ستارز

بعد ماحطيت الكارت وانا وخارج بيكون الجراش طالع طلعة غبية كدة عشان تطلع منه

في اثناء مانا بطلع قلت احط الGPS يشحن اول ماحطيته في الشاحن لقيت العربية فصلت

ادور مش عايزة تدور ,, ادور مافيش وانا على مطلع الجراش والعربيات ورايا كلاكسات

واي تريحية او حركة غير متوقعة هلبس في اللى ورايا علطول عشان ده مطلع جامد

المهم بعد عدة محاولات العربية دارت بس مافيش كهرباء ! الفتيس مش عايز يتحرك الدركسيون تقيل جدا جدا لان الباور كهرباء وفصل

والكاسيت والعداد وكل حاجة ليها علاقة بالكهرباء مش شغالة

حركت الفتيس بالزرار بتاع التحريك المانويل ورحت ماشي بحارب مع الدركسيون وقدرت اطلع من الجراش وركنت على جمب

كانت الساعة 1 بليل ادور على اي كهرباء او اي ميكانيكي قريب مافيش

سبت العربية ورحت لاقرب بنزينة مالقتش عندهم كهربائي

رجعت فتحت الكبوت وطبعا انا مش فاهم انا بفتحه ليه بس فتحته وخلاص مع اني عارف اني مش هفهم حاجة بس ملاحظتش اي حاجة غريبة او دخان او ريحة شياط او ما الى ذلك !

ادور العربية بتدور بس مافيش كهرباء الدركسيون تقيل جدا جدا والفتيس مش بيتحرك وكل حاجة مش شغالة

الساعة بقت 2 وانا مش عارف اتحرك بالعربية وقفت واحد بتاع تاكسي

الراجل طلع رجولة وبعد عدة محاولات اكتشفنا ان العيب من الفيوزات بس منين بالظبط مش عارفين

يمين شمال الراجل طلع عينيه ومعرفش يوصل لحاجة

الساعة بقت 3 الفجر وداخلة على 3.30 رحت قلت لسواق التاكسي تعبتك معايا ومتشكرين الراجل الصراحة رفض ياخد فلوس لكن اصريت اني اديله

بعدها كان قدامي 3 حلول

اما اسيب العربية في مكانها وارجع تاني يوم بميكانيكي يشوفها ! وطبعا في ظل ظروف البلد دي ده كان حل مرفوض
2- اشوف اي ونش يقطر العربية لحد البيت وده حل مكلف فرفضته الى غير اني مش معايا ارقام ونشات
3- ادور العربية وامشي بيها من غير كهرباء بالشكل ده لحد البيت

واستقريت على الحل التالت ومش عايز اقولكم بقى شعورك وانت ماشي على كوبري اكتوبر الساعة 4 الفجر والعربية عطلانة مافيش كهرباء الدركسيون بيتحرك بالعافية وكل حاجة مش شغالة

العداد واقف مش شغال وكل حاجة بايظة بس كنت تقريبا ماشي على سرعة 20 او 30 كم بالكتير

والعربيات من جمبي صواريخ والطريق فاضي وقمة الرعب لو العربية عطلت على كوبري اكتوبر في الوقت ده

كانت هتبقى كارثة

الحمد لله الموقف عدى على خير لحد ماوصلت البيت وتاني يوم وديها لكهربائي واكتشفت ان الشاحن عمل قفلة وحرقلي الفيوز ال starter ومنها العربية فصلت كهرباء !

ولاني مابتعلمش بعدها بكام يوم قلت استخدم الشاحن يمكن يكون كان عيب فيوز وبرضوا حرقلي الفيوز تاني بس سعتها كنت عرفت الدنيا فقدرت اتعامل علطول

ولاني برضوا مافيش فايدة لسه من كام يوم قلت اجرب بقى اخر مرة يمكن يظبط وبرضوا حرقلي الفيوز تالت

لدرجة اني دلوقتي حرقت كل الفيوزات الاسبير وشايل فيوز الولاعة وفيوز الفوجات وفيوز حاجة تانية مش فاكر هي ايه لان كل مرة كان بيتحرك الفيوز الstarter كنت بحط اي فيوز مكانه عشان يشتغل ! !

[lord_of_egypt22]

وربنا انت كوميدي
ايه يا عم عايز الشاحن يتكلم ويحلفلك انه بايظ
ع العموم دي ضريبة التكنولوجيا
يعني لو كنت حطيته في ولاعه 28 كان هو اللي شاط