ما هي التعديلات المتاحه على موتور السيفيك الجيل الثامن

[hany63]

صباح الخير على العصابه
انا عامل الموضوع عشان اذا كان عضو قام بعمل تعديل بالفعل (يعني متجرب) لرفع اداء الجيل التامن 2007-2010 يتفضل و يشرح تجربته عشان نستفيد
زي مثلا الفلاتر الرياضيه -ECU remap-Turbo-الخ
وطبعا ياريت مشاركة الساده المتخصصين يشاركونا
وعن نفسي انا مركب فلتر K&N ستوك داخلي بصراحه عمل تحسن ملموس في التسارع

[M.Akef]

هسأل سؤال خالص الموضوع بما انك مهتم بالاداء حضرتك جربت ريس مع السيراتو من الثبات و من بعد ال100
لاني الحقيقه شديت مع السفك من الثبات و علي سرعه بيفرق عني 3 عربيات ل100 و بعد كدا بيفتح جامد :(
و كانو بيقولو موتور السفك مش اد كدا و بيبقا بطه ل100 و كلام مطلعشي حقيقي خالص!

[SAMEH_FOUAD]

اولا بالنسبة للتعديلات اللى تقدر تعملها فى المحرك هية تركيب فلتر , عمل ريماب لل ecu بس دة هيعلى استهلاك البنزين جدا , ولازم يركب معاة طلمبة بنزين رياضية , انك تشيل علبة البيئة اللى فى النص هتلاقى فرق واضح

بس بعد كدة بقى قدامك ال تيربو كيت ودة مانصحش بية للمحرك وخصوصا هنا وفى عربية لسة جديدة

[SAMEH_FOUAD]

بالنسبة لموضوع السيفيك والسيراتو والله ياباشا انا بس الاول بحييك على الحيادية التامة اللى حضرتك اتكلمت بيها لان بجد نااااااااااااااااااااااااادر جدا لما بلاقى حد مش متعصب من مالكى السيراتو

عموما ياباشا هية فعلا السيفيك اسرع فى كل الاوقات بس الفرق دة مش بيبان غير بعد سرعة 60 كم بتبدأ العربية تبعد

انا سوقت الاتنين وعارف كويس التسارع بتاعهم السيراتو تحس انها بتنط من صفر لحد 40 بسرعة وبعد كدة بتبطىء جامد لحد ماتطلع 60 وبعدة كدة تفتح شوية لحد 80 وبعد كدة لما تعدى ال100 تلاقيها قلت اوى فى التسارع , ودة بيدل على حاجة واحدة ان العربية على عدد لفات عالية المحرك مش بيستجيب بسرعة ودة الفرق مابينة وبين ال i-vtec عشان كدة السيفيك كلة بيجمع بسهولة جدا بعد 100 من غير توقف

[M.Akef]

تمام يا باشا بس الغريب ان اصلا اعلي هورس بور بيطلع من العربيه عند 6300 لفه يعني المفروض لما ارفع الrbm تبقا العربيه طياره!
فعلا انا لحظت ان بعد 180 بالزات الموتور بيهبط جدا و بيبدء يعلي السرعه مع مؤشر الساعات!
رجاله السيراتو كانت بتحس انهم متعصبين بسبب الهجوم الشديد الي كان علي العربيه اول ما نزلت (الي انا كنت من افراده :) ) لكن في العادي هتلاقي الرجاله زي الفل مش هيقولو الا الي ليهم و الي عليهم D:

[hany63]

[frame="1 80"]
و كانو بيقولو موتور السفك مش اد كدا و بيبقا بطه ل100 و كلام مطلعشي حقيقي خالص!
[/frame]
استاذ ميدو
على فكره ده برضه كان رأيي في الاول لما كانت العربيه جديده كنت بحس انها كسلانه ولكن بعد 10000 كم بقت حاجه تانيه و بتطلع من كل فئتاها و احيى حضرتك لموضوعيتك وبالنسبه لسؤالي عن التعديلات ان الواحد عايز يستفيد من تجارب الاخرين

[hany63]

[frame="1 80"]
اولا بالنسبة للتعديلات اللى تقدر تعملها فى المحرك هية تركيب فلتر , عمل ريماب لل ecu بس دة هيعلى استهلاك البنزين جدا , ولازم يركب معاة طلمبة بنزين رياضية , انك تشيل علبة البيئة اللى فى النص هتلاقى فرق واضح
[/frame]
استاذ سامح
ازيك و كل سنه و حضرتك طيب
1-ياترى حضرتك تعرف مين بالضبط في مصر بيعمل ECU remap و بيتكلف كام وهل حد جربه للجيل التامن؟
2-تفتكر اركب الفلتر الخارجي ولا بلاش عشان العربيه جديده
3-ايه انواع الفلتر الرياضي الخارجي من ناحية التصميم و هل فيه فلتر بيحضر هوا ساقع؟
4-اعمل صيانه للفلتر K&N الستوك بعد اد ايه؟ و هل هايرجع بنفس كفاءة الجديد؟
و شكرا مقدما لحضرتك

[hany63]

على فكره عادل وجدي و امير و جوزيف ما عندهمش ECU remap للسيفيك

[M.Akef]

[frame="1 80"]
و كانو بيقولو موتور السفك مش اد كدا و بيبقا بطه ل100 و كلام مطلعشي حقيقي خالص!
[/frame]
استاذ ميدو
على فكره ده برضه كان رأيي في الاول لما كانت العربيه جديده كنت بحس انها كسلانه ولكن بعد 10000 كم بقت حاجه تانيه و بتطلع من كل فئتاها و احيى حضرتك لموضوعيتك وبالنسبه لسؤالي عن التعديلات ان الواحد عايز يستفيد من تجارب الاخرين

الف شكر يا باشا و ربنا يوفقك ان شاء الله و يرزقك بحته si :)

[SAMEH_FOUAD]

[frame="1 80"]
[/frame]
استاذ سامح
ازيك و كل سنه و حضرتك طيب
1-ياترى حضرتك تعرف مين بالضبط في مصر بيعمل ecu remap و بيتكلف كام وهل حد جربه للجيل التامن؟
2-تفتكر اركب الفلتر الخارجي ولا بلاش عشان العربيه جديده
3-ايه انواع الفلتر الرياضي الخارجي من ناحية التصميم و هل فيه فلتر بيحضر هوا ساقع؟
4-اعمل صيانه للفلتر k&n الستوك بعد اد ايه؟ و هل هايرجع بنفس كفاءة الجديد؟
و شكرا مقدما لحضرتك

تمام ياباشا الحمد لله وحضرتك طيب

1- بالنسبة لل ecu remap فية واحد فى الحرفيين مش متذكر اسمة بس شاطر جدا وبياخد 500 جنية على الموضوع دة

2- تقصد الفلتر الاسبور طبعا تحفة وبيفرق جامد جدا

3- احلى فلتر اسبور ينفع فى مصر هو ال simota وطول ماهو بعيد عن مروحة الردياتير مافيش اى حاجة وانت اصلا الفلتر لما هيركب عندك هيبقى بعيد وكمان الفلتر بيجى معاة كيت كدة بحيث يعزلة عن الحرارة او الهواء الساخن الناتج من المروحة

4- فلتر ال k&n مشكلتة ان عايز صيانة كل اسبوع ولية اسبراى معين بيتجاب ب35 جنية بتكفى حوالى 5 الى 6 مرات بس ان عن نفسى مابحبش ال k&n فى مصر مش عملى نهائى لارتفاع ثمنة + تكلفة صيانتة + بيترب بسرعة , هو اداءة ممتاز بس عيوبة اكتر بكتير من مميزاتة

اى فلتر طالما حافظت علية من البداية بيقعد معاك ال 100,000 كيلو

[hany63]

فلتر ال k&n مشكلتة ان عايز صيانة كل اسبوع ولية اسبراى معين بيتجاب ب35 جنية بتكفى حوالى 5 الى 6 مرات بس ان عن نفسى مابحبش ال k&n فى مصر مش عملى نهائى لارتفاع ثمنة + تكلفة صيانتة + بيترب بسرعة , هو اداءة ممتاز بس عيوبة اكتر بكتير من مميزاتة

هل الكلام ده ينطبق علي فلتر K&n الداخلي اللي جوه العمه؟ عشان انا عامل بيه 15000 كم ولسه مانضفتوش
وياريت حضرتك تفتكر الراجل اللي في الحرفيين قريب من مين ان امكن

[M_Nabil]

لحد معلوماتى السيفيك الجيل الثامن ملهوش ومنزلوش ECU Remap حتى الان