استفسار بخصوص علبة دريكسيون سيفيك 2009

[yalahwy2010]

السلام عليكم
انا يا جماعة ان شاء الله مقدم على شراء سيفيك 2009 عاملة 31 الف كم ....وهتخلص ان شاء الله على 125
المهم انا كشفت عليها........هى الحمد لله فى الضمان.....بس التقرير بيقول انها محتاجة علبة دريكسيون
انا سألتهم فى التوكيل وقالولى انها هتتغير فى الضمان
بس يمعت من واحد صاحبى انهم بيغلسوا فى التوكيل وبيقعدوا يقولوا انها سيلمة .وممكن تمشى....وطبعا عشان يكون الضمان عدى.....والزبون يروح عليه الضمان
وبالنسبة لحالة العربية......هى فابريكة برة وجوة.....والاستبن ما استعملش خالص.........
بس فيها شوية خرابيش فى الكبوت كحتة كدة فى الباب اليمين من تحت ...وشوية خرابيش بسيطة فى الجنب الشمال.......بس الصالون حالته كويسة جدا
فا ايه رأيكم فى سعرها بالنسبة لحالتها؟؟؟؟؟؟؟؟؟؟

[kemo0o]

توكل على الله ... أهم حاجة الموتور كويس وخالة العربية عاجباك !!

بالنسبة لموضوع علبة الدريكسيون وطالما كتبوها في التقرير يبقى هتتغير ...

[M.Elgergawy]

هو دا عيب في السيفيك عموما في الموديل دا ولا دي حالة فردية والافضل ليك انك تشتري حاجة سليمة 100 % عشان لا قدر الله الضمان يتعبك فيها ولا حاجة

[yalahwy2010]

ألف شكر للردود
بس ماحدش قاللى ايه رأيكم فى السعر؟؟؟
125000 كويس على كدة ولا ايه رأيكم؟؟؟؟

[kemo0o]

هو دا عيب في السيفيك عموما في الموديل دا ولا دي حالة فردية والافضل ليك انك تشتري حاجة سليمة 100 % عشان لا قدر الله الضمان يتعبك فيها ولا حاجة

عادي جدا .. كده كده ليك الحق في استكمال الضمان !! مفيهاش مشكلة خالص !!
بالنسبة لموضوع علبة الدريكسيون ... هو مش عيب شائع ولا حاجة وهما بيغيروها لما بتقول لهم انك سامع صوت تخبيط من ناحية اليمين في المطبات !! مع ان انا بقول انها مش علبة دركسيون .. لكن هما بيكلفوا نفسهم ع الفاضي !

ألف شكر للردود
بس ماحدش قاللى ايه رأيكم فى السعر؟؟؟
125000 كويس على كدة ولا ايه رأيكم؟؟؟؟

سعر حلو لو العربية حالتها نضيفة

[kar!m]

هى vti ولا lxi ؟

و بالمناسبة أنا أعرف واحد برضه عنده سيفيك 2009 vti مغير علبة دركسيون.

[yalahwy2010]

lxi
صعب تكون VTI وبالسعر ده

[szaalouk]

سعرها حلو يا باشا..... توكل علي الله لو الحاله كويسه زي ما بتقول و انشاء الله نبارك لحضرتك عن قريب .

[masterzmind]

بص يا باشا انا شايف انها غالية شوية 125 كتير شوية بس والله لو حلتها كويسة ومش هتوجعلك دماغك اشترى راحت بالك بالفلوس وانشاء الله تكون كويسة بس انا لية كام سؤال كدة
1- روحت انى توكيل عشان تفحص العربيه
2-كام سعر الفحص
3- حجزت قبل ما تروح ام لا وشكرااااا

[yalahwy2010]

بص يا باشا انا شايف انها غالية شوية 125 كتير شوية بس والله لو حلتها كويسة ومش هتوجعلك دماغك اشترى راحت بالك بالفلوس وإن شاء الله تكون كويسة بس انا لية كام سؤال كدة
1- روحت انى توكيل عشان تفحص العربيه
2-كام سعر الفحص
3- حجزت قبل ما تروح ام لا وشكرااااا

انا رحت توكيل التجمع الخامس اللى على الدائرى
سعر الفحص 365 جنيه شامل الضريبة
حجزت طبعا .....لازم قبل ما تروح تعمل أى حاجة تحجز
وبالتوفيق

[masterzmind]

شكراااااااااااااا

[Mahmode]

السعر طبعا حلو على lxi بالـ كم ده لو الحالة كويسة. ألف مبروك

[yalahwy2010]

انا رحت التوكيل........وقالولى ان الرجلاش لما اتظبطت الصوت راح.............قولتلهم ماشى.........بس لو الصوت رجع تانى هاجى أغيرها علطول.........قالولى طبعا يا فندم
انا طبعا مشيت بيها على حتت منقرة لغاية ما بدأت أسمع الصوت تانى...............فا قولت أمشى بيها شهر كمان واروحلهم وأغيرها علطول..........انا قولت أعرفكم عشان لو حد عنده نفس المشكلة ....وباقى عليه أقل من شهر فى الضمان.....ما يمشيش الا لما يغيرها علطول........انا لسة قدامى لغاية شهر 3............فبالنسبالى عادى
ربنا يستر علينا كلنا..........دى ب 7500 لحلوح

[marwan elsedfy]

السلام عليكم ورحمة الله وبركاته
معايا سيفك 2009 غيرت العفشه بالكامل ماعدا مساعدين
وبرضه بسمع صوت حاجه مفكوكه في الجنب اليمين وانا ماشي هادي في المطبات المدقدقه
كل ماسال اهل الخبره يقولولي علبة دريكسيون
وناس تاني تقولي اكشف علي المساعد اليمين
وناس تقولي مفيش عيب علبة دريكسيون في موديل 2009
سالت علي اصلاح العلبه في التوكيل طلع 1850جم وضمان 3 شهور او 10000كم
وناس بيقولولي بتبوظ تاني
وفي الحرفيين بيصلحوها 600جم وبرضه بيقولوا بتبوظ تاني
يا اهل الخبره ده عيب علبه فعلا
ولو عيب علبه تنصحوني اعملها فين
ولكم جزيل الشكر

[kemz]

السلام عليكم ورحمة الله وبركاته
اتصور لو العربية سليمة يبي السعر حلو، وخصوصا أنك كشفت في التوكيل
توكل على الله ربنا يباركلك فيها ويكفيك شرها
تحياتي