أيا عصابة الأوغاد؟

[A7MED_PHARMA]

السلام عليكم

أهلا بالعصابة الأوغاد الخونة المتمردين المتحشرجين
المتهورين
المتعورين

بصوا ياشباب

أنا ركبت هوندا 94 بتاعت واحد معرفة
وهمتني
قولت أعدل في المكة .. لقيت مش هينفع غير بتكاليف أضخم . والنتيجة مش زي الهوندا
نعمل ايه أيها الاوغاد
قلت أغير
عادي

لو حد قدامه سيفيك 94 .. لون غامق
فتحة سقف
موتورها بحالته لسه ..(هي فعلا موتورها 130 حصان بس)
ماتكونش شايلة معجون خاااالص .. ومش شرط بالنسبة ليا فابريكة خوارج
لكن يكون الجنب بتاعها مسطــــــــــــــــــــرة

لو حد قدامه واحدة في المعدل ده .. يقولي

ولو كان ربنا كاتبلكم إن فارما ييجي قسم الهوندا
هتشوفوا الدماغ المختلفة بتعمل إيه؟
هتشوفوا إفتكاسات عمركم ماشوفتها أيا عصابة الأوغاد

[eng_maged]

يا باشا انت تنورنا هنا ولو فيه حاجه هقلك

[lord_of_egypt22]

اهلا بيك
اولا ايه نوع الهوندا اللي انت عايزها؟
وايه نوع الهوندا بتاعت قريبك
الموديل دا 3 انواع
el
si
sir
وهم بالترتيب من الاضعف للاقوي امكانيات وكماليات
مثبت موضوع لمعرفه الفرق بين الاثلاث انواع

http://www.nilemotors.net/Nile/182534-a.html

واهلا بيك

[A7MED_PHARMA]

الأقوي منهم في حدود كام سعرها .. لو كانت حالة كويسة بدون مصاريف ف الاساسيات

[A7MED_PHARMA]

انا شوفت الموضوع يابطل
حلو جدااا
طيب هوندا إيه الي بتدي 160 هورس باور .. وبكام؟

[lord_of_egypt22]

دي ال sir
معظمها si
ومتعدله موتور وعفشه
الاصلي منعا قليل وممكن يوصل ل 60 الف
ممكن تلاقي متعدل من 50
الفئه الاقل من 38 ال 42
الsi من 40 الي 45

[OmaR_FekrY]

يا دكتره من عينيناا :)

[ahmedbasto]

دكتور احمد ممكن تلاقيها من 50 ل55 دى الsir

[A7MED_PHARMA]

والـــ sir
سعة موتورها أد إيه..؟؟ وبتدي كام هورس باور؟؟
وشكلها شكل الجيل الخامس .. ولا الجيل السادس
وكمالياتها إيه؟
وسعرها كام لو حالتها كويسة؟
أنا يهمني حالة الصاج من ناحية الشكل
مش تفرق معايا حكاية الدواخل أو الخوارج
المهم العربية تكون مرسومة.. وكله بتمنه برضووو

[ahmedbasto]

موتورها 1600 سى سى بيطلع 170 هورس وهى معظهما بتكون شكل الجيل الخامس ومعظمها بتكون الsi وبينزلها الsir ومعظمها بتكون اوتوماتيك وكماليتها كماليات السيفيك الجيل الخامس لانه بتكون si ومتسقطلها الموتور الsir وفى ناس بتزود وبيحط الدواخل بتاعتها ومعظم الsir سعرها بيتراوح من 50 ل55 وممكن ازيد على حسب الحالة وخدلك لفة على كونتاكت وفابريقة وشوف ايه الأخبار