بخصوص هوندا سيفيك sir

[A7medelfe2y]

كنت عايز اتاكد من حاجه انا مستغرب جدا منها-----
هي شركه هوندا عملت الsir من التسعينات (96تقريبا)وبطلت انتاجها عند 2000 ونزلت موديلات احدث ولكن اضعف واقل من الsir (انا بتكلم عن الي بينزل مصر)لان انا سامع ناس بتقول ان العربيه دي 170 حصان وكلام غريب كدا انها من افظع من كل العربيات تحت سعر 200الف معني كدا ان انا ممكن اجيب دي واشد بيها مع السيراتو والالنترا والهوندا الجديد وكل الكلام دا ---------

[ahmedbasto]

لأ هوندا لسه بتعمل الsir بس تحت اسم typeR ولكان مش بتنزل مصر لانها بتكون غالية جدا انما الSIR التسيعنات دى بتكون معظمها مواتير بتخش بلدنا على اساس انها قطع غيار فبتكون قطع غيار وبتكون من غير جمارك .

[newcastle]

ال sir 170 حصان فعلا ولا ينصح اطلاقا بالشد معاه على اي سرعه
اما بشوف هوندا تسعينات جاي سريع في المرايه بوسعله على طوووول

[M_Nabil]

كنت عايز اتاكد من حاجه انا مستغرب جدا منها-----
هي شركه هوندا عملت الsir من التسعينات (96تقريبا)وبطلت انتاجها عند 2000 ونزلت موديلات احدث ولكن اضعف واقل من الsir (انا بتكلم عن الي بينزل مصر)لان انا سامع ناس بتقول ان العربيه دي 170 حصان وكلام غريب كدا انها من افظع من كل العربيات تحت سعر 200الف معني كدا ان انا ممكن اجيب دي واشد بيها مع السيراتو والالنترا والهوندا الجديد وكل الكلام دا ---------

أعتقد انك تقصد المحركات اللى بتنزل في الـ SiR موديل 96-00 عشان ده الجيل الوحيد اللى نزل مصر اصلى وتباع منه حوالى من 15 الى 20 عربية تقريباً سنة 1996 فقط وهيا تحمل كود B16A6 بقوة 160 حصان عشان المحركات دى بدأت هوندا تصنعها من سنة 1988 وحتى 2000 ولكن بتنزل في فئات مختلفة في الخارج زى Si , VTi , SiR

طبعاً لو بتدور على واحدة اصلية 96 بحالة نظيفة بيكون صعب لكن موجودة عشان كل فترة طويلة لما تلقى واحدة معروضه للبيع ممكن كل سنه تلقى واحدة بتتباع وفي حالات بتكون مش حلوة بسبب اهمال صاحبها في الصيانات أو الحوادث ..

طبعاً مع احترامى لكل العربيات اللى ذكرتها بما فيهم الهوندا الجديدة صعب تشد مع محركات B16A .. يعنى تشد مع بييمر 325i أو مينى كوبر S أو جولف 6 TSi بيجو GTi , RS جولف 2 أو 3 مسقط ABF الحاجات الحلوة دى يعنى :)

[khaleddapino]

نيبل باشا ديما مبدع فى معلوماتك :)
بالمناسبه الــــ sir قدامى كرسين sir ازرق فى رصاصى على 1200 اخبار الاسعار فى كايور ايه؟؟

[A7medelfe2y]

شكرا لكل الي ردو وخصوصا الاستاذM_Nabil لانه تقريبا جاوبلي ع كتير من الاسئله الي كنت بفكر فيها بس كنت عايز اسأل طالما العربيه دي مالهاش زي في الجري كدا امال ليه الناس مش مدياها اهتمام يليق بيها يعني انا ممكن اجيب واحده بسعر معقول سواء متعدله او اوريجينال واشد بيها مع طوب الارض وواحد تاني يروح يدفع 150 الف ولا حاجه وبردوا اطلع منه سواء ف الاكسليريشن او الماكس مم اسبيد / دا تفسيره ايه

[ahmedbasto]

دة تفسيره ان العربية قدمت ومعظمها مش بيكون اوريجنال

[khaleddapino]

لا ده مش تفسيره كدا و لا حاجه كل ما فى الموضوع الناس فى القاهره تقريبا بتريح دماغها
انا اعرف واحد فى بورسعيد قريب و الله باع هوندا 2004 و اشترى 1995 eg و شدها مكنه Gsr و مفيش حد بيعرف يجرى معاه دع غير شكل العربيه الرياضى بالرغم من انها سيدان بس الموديل ده ان شاء الله مش حيموت ابدا

[khaledfox]

صح كلامك يا خلووود
مش حيموت ابدا
انا عربيتى ماشاء الله جايبالى ازيد من تمنها فى السوق بكتيير بس مش قادر ابيعها وكل يوم بحبها اكتر
و تقريبا مش حبيعها حتى لو حعملها حصاله ههههههههههههههه
و اولادى يورثوها وتتوارثها الاجيال

[tarekzein]

عودا حميدا ياخالد باشا

[SAMEH_FOUAD]

ياباشا حضرتك بتتكلم عن محرك SiR اعتقد ماينفعش تدخل السيراتو او الالنترا او اى محرك 1600 عادى فى الموضوع لان كدة ظلم ليهم فية فرق كبير اوى فى كل حاجة

ال SiR دة جيل ابدعت فية هوندا وصعب تواصل انتاجة لانة فى ظل الظروف الراهنة هيبقى غالى جدا لو اتعمل

ويكفى انها عملت منة 15 مليون محرك بدون خطأ واحد فى الانتاج + انة معمر جدا ودة بيدل على مدى اتقان صناعتة

عموما زى ماقال محمد نبيل ماينفعش تقارن المحرك دة غير بمحركات السيارات اللى ذكرها

- مش كل الناس غاوية جرى وشد ومشكلة الهوندا الاساسية انها بتميل جدا للشبابية + ان قطع غيارها غالية + عايزة ناس فاهمة تشتغل فيها + واحد معاة فلوس عشان قطع الغيار الاصلية

لكن العربية نفسها ثبات وهمى , سرعة رهيبة , شكل جميل وجذاب , واسعة , اعتمادية وبتستحمل البهدلة بطريقة صعبة , ناعمة جدا وخصوصا محركات ال SiR انعم بكتير من اى محركات

ولولا اختلاف الاذواق لبارت السلع

انا عن نفسى من اول لما ركبت الهوندا مش هركب غيرها ابدا الا اذا بقى معايا فلوس البى ام ومش اى بى ام او الهوندا اكورد

[A7medelfe2y]

الف شكر يااستاذ semsem kane ع الرد المتكامل

[محمد-علام]

معني كدا ان انا ممكن اجيب دي واشد بيها مع السيراتو والالنترا والهوندا الجديد وكل الكلام دا ---------[/QUOTE]


يا باشا أنا معايا si tuned 94 ومش حقولك بطلع منهم ....أنا ......... ...انااسف في اللفظ يعني وبيعدوا جنبي بعدها والاقي واحد بيقولي مش عييب يا كابتن يبقى معاك sir وتعمل فيه كده ...هاهاها (أُمال لو عرف اللي فيها حيعمل في عربيته ايه ...مش بعيد يحط جواها عبوة c4 ويخش جواها ويفجر نفسه بالعربية )....واللهِ العظيم حاجة تكسف لما يبقى معاه عربية بمبلغ وقدره ويحصل فيه كده

بإختصار العربية دي ...بوعبوع ....كله بيخاف يجري معاها علشان ميبقاش منظره وحش

امضاء ...honda
monster of cars

برجاء انتقاء الالفاظ حتى لا يتم توقع العقوبة عليك

مشرف عام 9

[m3touk_85]

معني كدا ان انا ممكن اجيب دي واشد بيها مع السيراتو والالنترا والهوندا الجديد وكل الكلام دا ---------

يا باشا أنا معايا si tuned 94 ومش حقولك بطلع منهم ....أنا ......... ...انااسف في اللفظ يعني وبيعدوا جنبي بعدها والاقي واحد بيقولي مش عييب يا كابتن يبقى معاك sir وتعمل فيه كده ...هاهاها (أُمال لو عرف اللي فيها حيعمل في عربيته ايه ...مش بعيد يحط جواها عبوة c4 ويخش جواها ويفجر نفسه بالعربية )....واللهِ العظيم حاجة تكسف لما يبقى معاه عربية بمبلغ وقدره ويحصل فيه كده

بإختصار العربية دي ...بوعبوع ....كله بيخاف يجري معاها علشان ميبقاش منظره وحش

امضاء ...honda
monster of cars[/QUOTE]

طيب يا باشا عايز اسالك سؤالك بما انك جربت الجولف ايه رايك فيه

[masterzmind]

طيب ياجماعة هوندا الجيل الثامن بنزل فيها مواتير جامدة كدة زى 92 عشان بعد عمر طويل يعنى لو الواحد عاوز يسقط مواتير وكدة فى الجيل الثامن الى هى 2007-2010 والمواتير كام حصان وممكن الواحد يلاقيها فى بورسعيد ام لا