هو انا اضحك علية يا هونداوية ؟؟؟؟

[mohannd]

معايا سيفيك 91 الشكل القديم جابت منى جوان وش سلندر روحت للمكانيكى غيرت طلمبة ماية والجوان وخد مصنعية بس 300 جنية بالعافية وانا جبت كل قطع الغيار انا حاسس انو كتير انتو شايفين اية وشكرا على اهتمامكم

[tarekzein]

كتير طبعا

بس هقولك على حاجه

قوله أنت كده خسرت زبون عشان مش هجيلك تانى

لو جاب ورا

شغله فى بعض المصنعيات البسيطه عشان تعوض فلوسك

مجابش ورا ..يبقى ده حرامى وخسارته مكسب

[ahmedabeed]

يا ريت ميكونش مسعد عشان مظبطنى قبل كده

[lord_of_egypt22]

انا معايا سيفيك 93
ركبت الجوان ده ب 80 ج
بس مركبتش طلمبه ميه
فأكيد غااالي جدا
لو هاتعمل حاجه عند حد ماتعرفوش مش عيب تتفق اول

[mmharoun]

تركيب طلمبة المياة 50 جنية فقط علم علية ومترحلوهوش تانى يا باشا

[mohannd]

شكرا يارجالة على الردود وعلى العموم هو اسمة محمود فى المعادى والمفروض انو تخصص هوندا ومن ساعة ما جبت العربية وانا برحولو بس حاسس انو مافور اوى ومكنتش اعرف مصنعيات الهوندا اية ظروفها

[kar!m]

غالى جدا .. الا لو كان خرط الوش على حسابه .. كده يبقى غالى بس :)

[M_Nabil]

فعلاً المصنعية كدة غالية الحاجات دى تمامها من 150 الى 200 جنية

[mohannd]

الف شكر يارجالة .... هو مخراطش الوش هو ركب الجوان ونظف مكانة مش اكتر ... روحت قولتلة انت عورتنى فى المصنعية قالى دانا عامل معاك واجب ومش كل الصنيعية زى بعض ممكن تجيلى اظبطلك العربية بى 50 وتروح عند حد تانى ياخد منك 10 بس ظبتطى من الاخر .....المشكلة انو جامبى فى المعادى وانا بقلق اروح عند مكانيكى برة معرفش شغلة وشكرا تانى على اهتمامكم