فتيس هوندا si متعب جدا

[honka]

ازيكوا يا احس عصابة فى المنتدى كله السلام عليكم ورحمة الله وبركاته معايا هوندا اس اى بحالة ممتازة الحمد لله بس صوت الموتور خشن شوية وده على حد علمى ان الاس اى خشن مش عارف بردة المهم عندى مشكلة فى الفتيس بتاعها انا صلحته من سنه كان فى غيار رقم 3 بيفوت وعملته عند واحد اسمه كرم فى شارع السودان وبقى تمام بس رجع اليومين دول بينقل بالعفية وبيعمل نتشة قوية جدا فى الغيارات من 1 الى 3 الرابع زى الحرير والسحب ضعيف فى الغيارات الاولى فقط بتمشى بالعفية وده بيخلى العربية تاكل بنزين كتير مش عارف اعمل ايه اغيره ولا اصلحه فى التوكيل ويتكلف كام لانى تعبت منه وخايف يقصر على الموتور بتعها الاصلى مش هيتعوض تانى وشكرا ليكم جميعا

[M_Nabil]

في رأى أنك تجيب فتيس استيراد هيكون أفضل من تصليح الفتيس اللى عندك عشان كل فترة قريبة هيعمل كدة وتقعد تفك وتصلح وتصرف وسعره في حدود 1000 جنية أو أقل شوية من بورسعيد

[honka]

مش موجود اصلا فى بورسعيد نادر ولو موجود مع مكنة وبيعمل اكثر من كده

[M_Nabil]

مش بتكلم عن فتيس الـ Si تحديداً عشان عارف انه نادر بتكلم عن فتيس 1600 الكامه الواحدة Vtec قريب في الأداء من فتيس الـ Si وهو زى مابقولك بالسعر ده

[honka]

تمام فهمت قصد حضرتك ال فى تك 1600 مش اضعف من بتاعى لان 2 كامة اقوى من واحد كامة هو عدد لفاته سريعة بس مش عارف بدره مجربتش وهلا الفيشة بتاعة الفتيس اللى عندى هتركب عليه والكبالم لازم تتغير بس اضعف من بتعتى ولا حضرتك رئيك ايه انا عاوز اعرف الصالح علشان اعمله احس اخوك تعب وصرفت على الفتيس كتير حوالى 2000 جنية فى سنة واحدة يعنى احط عليهم 3000 وجيب موتور جديد احسن

[wael ahmed]

انا رأيى لو الموتور بدأ يتعب عندك سقط مكنه وريح دماغك ...
علشان مكنه d16a9 دى متعبه والفتيس بتاعها غالى حتى فى بورسعيد

واستنى برضه رأى الناس ,,, وفعلا زى ما قالك نبيل باشا الفتيس بتاع الكامه الواحده يعمل فى حدود 1000 جنيه
بس معرفش الاداء هيبقى ايه ظروفه وموضوع الكبالن برضه اعتقد هتغيرها تعمل فى حدود 350 - 400 كامله

[wael ahmed]

انا رأيى لو الموتور بدأ يتعب عندك سقط مكنه وريح دماغك ...
علشان مكنه d16a9 دى متعبه والفتيس بتاعها غالى حتى فى بورسعيد

واستنى برضه رأى الناس ,,, وفعلا زى ما قالك نبيل باشا الفتيس بتاع الكامه الواحده يعمل فى حدود 1000 جنيه
بس معرفش الاداء هيبقى ايه ظروفه وموضوع الكبالن برضه اعتقد هتغيرها تعمل فى حدود 350 - 400 كامله

[honka]

لو سمحتوا يا رجاله اريد حلا قاطعا انا محتار ومش عارف اعمل ايه ياريت رد قاطع اتحرك من خلاله حسب روئيتكم وخبرتكم وشكرا لتعبكم معايا

[M_Nabil]

تمام هتغير الفتيس وهو هيركب عادى عندك والأداء هيكون كويس ممكن تحس بتجميعه أقل حاجه بسيطة من فتيس الـ Si لكن ممكن متلحظهوش والكبالن هتغيرها ومافيش مشاكل منها دى بتستحمل لحد 300 حصان وأكثر مع التربو

[Mohamed_Atik]

-عندي فتيس si بتاعها كنت شايله عندي لما سقطت المكنة الجديدة -
هو الفتيس مش موجود خالص في السوق - كلمني لو محتاجه
وعندي قطع غيار بتاعة الموتور ده شغالة كويس
0125185558
ياريت بعد الساعة 9 بالليل

[honka]

المهم ميكونش اتصلح قبل كده وتجميعه سريع ونقلاته سريعة وخفيفة وشوف حضرتك عاوز فيه كام وقلى بردوا على قطع الغيار اللى عندك وانا اشوفلك ليها بيعة مع حد من زميلى هنا كلنا ركبين هوندا si وsir