مشكله تيل الفرامل فى هوندا سيتى

[hosam_m3]

اعضاء المنتدى الجبار تحيه طيبه لكم جميعا
انا عربيتى هوندا سيتى 1300 مو 2008 عامله 55000 كنت جايبها زيرو ..المشكله بقى انى مغير تيل الفرامل الامامى 3 مرات من ساعت ماجبتها يعنى بمعدل كل سنه مره ..هل الكلام ده طبيعى ولا انا عندى مشكله علما بان استخدامى للفرامل استخدام عادى و هادىء بشهاده ناس كتير ركبوا معايا (عشان محدش يقولى انى باستخدم الفرامل زى سواقين الميكروباص) وسمعتى هنا من ناس فى المنتدى انهم كانو عاملين 25000 كم و لسه تيل الفرامل مكنش عايز يتغير فانا عايز افهم ايه المشكله و ليه اللى بيحصل ده
و برضه محتاج منين اعرف اجيب تييل فرامل كويس عشان عايز اغيره بره التوكيل المره ده ..فهل من مجييييب!!!!

[محمد-علام]

اعضاء المنتدى الجبار تحيه طيبه لكم جميعا
انا عربيتى هوندا سيتى 1300 مو 2008 عامله 55000 كنت جايبها زيرو ..المشكله بقى انى مغير تيل الفرامل الامامى 3 مرات من ساعت ماجبتها يعنى بمعدل كل سنه مره ..هل الكلام ده طبيعى ولا انا عندى مشكله علما بان استخدامى للفرامل استخدام عادى و هادىء بشهاده ناس كتير ركبوا معايا (عشان محدش يقولى انى باستخدم الفرامل زى سواقين الميكروباص) وسمعتى هنا من ناس فى المنتدى انهم كانو عاملين 25000 كم و لسه تيل الفرامل مكنش عايز يتغير فانا عايز افهم ايه المشكله و ليه اللى بيحصل ده
و برضه محتاج منين اعرف اجيب تييل فرامل كويس عشان عايز اغيره بره التوكيل المره ده ..فهل من مجييييب!!!!

اسأل عند توشكى في الحرفين ....عن el-nissin أو rimsa ...الإتنين كويسين ويستحملوا جامد .....بس كنت عايز اعرف حاجة منك ...إنت لما بتيجي تفارمل بتحس برجراجة وده طبعا بيبقى على السرعة العالية ....يعني من 140 : 180 ...ولا لأ ...ياريت تقولنا ...علشان ممكن تبقى في مشكلة تانيه غير التيييل

[hosam_m3]

اسأل عند توشكى في الحرفين ....عن el-nissin أو rimsa ...الإتنين كويسين ويستحملوا جامد .....بس كنت عايز اعرف حاجة منك ...إنت لما بتيجي تفارمل بتحس برجراجة وده طبعا بيبقى على السرعة العالية ....يعني من 140 : 180 ...ولا لأ ...ياريت تقولنا ...علشان ممكن تبقى في مشكلة تانيه غير التيييل

لا خالص بتفرمل عادى جدا ..بس انا فاهم قصدك! انت تقصد المشكله ممكن تكون فى الطنابير؟؟؟

[M_Nabil]

أكشف احتياطى على ماساتر الفرامل الامامية الفرعيه ممكن تكون المشكلة منها مع انى أستبعد الكلام ده وزى ما قال الزميل تيل NiSSiN ده الاصلى وفيه Remsa صناعة أسبانى طبعاً في فرق سعر بين الاتنين لايقل عن 250-300 جنية

لو سواقتك اغلبها في الزحمة واسلوبك هادى في السواقة ركب الاسبانى لو بتجرى على سرعات عالية وبتفرمل جامد شوية يبقى ركب الاصلى

هتلقيهم عند حفنى بتاع قطع غيار الهوندا اللى في عمارات السعودية

[hosam_m3]

أكشف احتياطى على ماساتر الفرامل الامامية الفرعيه ممكن تكون المشكلة منها مع انى أستبعد الكلام ده وزى ما قال الزميل تيل nissin ده الاصلى وفيه remsa صناعة أسبانى طبعاً في فرق سعر بين الاتنين لايقل عن 250-300 جنية

لو سواقتك اغلبها في الزحمة واسلوبك هادى في السواقة ركب الاسبانى لو بتجرى على سرعات عالية وبتفرمل جامد شوية يبقى ركب الاصلى

هتلقيهم عند حفنى بتاع قطع غيار الهوندا اللى في عمارات السعودية

مشكورين ع الرد يا جماعه بس عنوان حنفى ده فين بالظبط معلش

[SAMEH_FOUAD]

هو طبيعى ان تيل الفرامل الخاص بالاوتو بيتاكل اسرع من المانيوال , ومعلش انت السنة دية بتعمل فيها متوسط قد اية يعنى لو قولنا 15000 الف يبقى النسبة كويسة الى حد ما , لكن هنا هتعتمد على نوع التيل , هو عموما التيل الخاص بالتوكيل بيتاكل بسرعة ودة عشان يحافظ على الطنابير لكن لو جيبت اى تيل تانى هتلاقى التيل بيقعد فترة اكبر بس لو غفلت عنة وسيبتة هتلاقى نفسك بتأثر على الطنابير

انظف تيل تجيبة ال nesen

[mezo_88]

اسف على التأخير فى الرد .... بص انا من ساعة مشتريت العربية و التيل بيقعد من 18 ل 20 عمروا معدا كدا فواضح ان دا الطبيعى بتاع العربية و انصحك اكتر بال nissin و ابعد عن ال Rimsa سئ جدا

[hosam_m3]

يا جماعه انا ركبت تيل اسمه sdk المانى ب ١٥٠ جنيه مكنش فيه غيره حد يعرف عنه حاجه وحش ولا كويس و لا وضعه ايه