حصريا: تغطية وصول السيفيك 2012 الى مصر - أسعار ومواصفات وصور

[eng_maged]

حصريا: تغطية وصول السيفيك 2012 الى مصر - أسعار ومواصفات وصور

السلام عليكم

اعلن توكيل الفطيم في مصر عن نزول السياره هوندا سيفيك 2012 الى مصر وهو الجيل التاسع من السيفيك.
واليكم التفاصيل التي استطعت ان اجمعها واعذروني لو في أي خطا لاني مجمع المعلومات من اكتر من مصدر ومن الوكيل










أولا : الفئات والاسعار
السيفيك 2012 هتنزل في فئتين الفئه الاساسيه LXI هيكون تمنها 176 الف والهاي لاين VTI تمنها 199 الف

ال LXI فيها:
عدد 2 ايرباج - فرامل ABS و EBD و VSA - جهاز انذار - اتوماتيك 5 نقلات - زرار Eco لتقليل استهلاك البنزين - مؤشر درجه الحراره الخارجيه - مثبت سرعه Crusie Control - فوانيس شبوره - 4 سماعات - فوانيس اماميه بروجكتور
السعر: 176 الف جنيه مصري

ال VTI تزيد:
فتحه سقف - جنوط اسبور 16 بوصه - اشارات في المرايات - بلوتوث - عدد 4 ايرباج - 6 سماعات - شاشه العرض بها معلومات اكتر - كاميرا خلفيه.
السعر: 199 الف جنيه مصري



ثانيا: المحرك
المحرك هو نفسه محرك الفئه السابقه وهو 1600 سي سي و 140 حصان وخمس نقلات اتوماتيك ولم يتم ادخال اي تعديلات في المحرك او الجير بوكس. وللعلم فان هذا المحرك مخصص فقط لبعض بلاد الشرق الاوسط وذلك لان موديل 2012 في اوروبا واليابان بينزل بمحركات مختلفه وهي 1400 و 1800 و 2400 سي سي.


ثالثا: المواصفات

المقصوره الجديده








اشاشة عرض المعلوعات 5 بوصة وتعتبر المصدر الرئيسى لمعلومات السيارة حيث تقوم بعرض كل شىء من النظام الصوتى, الاغنيه الحالية, حالة البلوتوث , وظائف كمبيوترالرحلة والاقتصاد في استهلاك الوقود كما يمكن من خلالها تعديل الأعدادت والألوان ووضع خلفية خاصة واستقبال المكالمات وايضا تظهر الكاميرا الخلفيه.

في الفئه الاولى توضح الشاشه ده المسافات فقط وساعه ونظام الصوت فقط.






نظام الاضائه الجديد (البروجكتور) وعلى حسب كلام التوكيل فهو افضل من الزنون وهو موجود في الفئتين




الجنوط الجديده مقاس 16 في الفئه الهاي لاين




مدخل يو اس بي للكاسيت




فتحة السقف بزجاج ملون وممكن تتفتح نصف فتحه او فتحه كامله




الكنبه الخلفيه يمكن طيها بنسبة 40 الى 60




زرار البلوتوث مكانه كويس ويخليك ترد بدون مجهود






الجديد كمان في سيفيك 2012 ال ( ECON Button ) فبمجرد الضغط على هذا الزرالأخضر يحاول المحرك قدر الامكان توفير الوقود على حساب الاداء




رابعا: الالوان المتوفره




خامسا: الفرق بين موديل 2012 وبين الموديل السابق:
1- الشكل الخارجي الجديد
2- السياره اعلى عن الارض من الموديل السابق
3- السياره اعرض لزياده الثبات وتعويض الارتفاع
4- نفس المحرك والجير بوكس
5- شاشه المعلومات الجديده
6- نظام الاضائه الجديد (بروجكتور) على حسب كلام التوكيل فهو افضل من الزينون
7- انظمه جديده للثبات VSA - Vehicle Stability Assist

هنلاحظ ايضا اختلاف الفوانيس الخلفيه للموديل اللي نزل مصر عن شكل الفوانيس الخلفيه لموديل 2012 اللي موجوده على النت وبتنزل في اوروبا.




المصادر:

صفحة هوندا ايجيبت على الفيس بوك
خدمه عملاء هوندا ايجيبت
مهندس محمد مدير مبيعات فرع هوندا التجمع الخامس
مواقع اخرى

الموضوع من تجميعي الشخصي. اتمنى ان يعجبكم
مهندس ماجد
.
.

[osama.m]

الف شكر يا باشا على المعلومات دي
بس سعرها كدا عالي جدا و المنافسين ليها تقريبا نفس الاوبشن و سعر اقل كتير
ال 199 دول اجيب بيهم فانتازيا هاي لاين مستريح

[eng_maged]

انا رأيي الشخصي ان السيفيك ال 2011 الشكل القديم افضل من الفانتازيا في حاجات كتير
الفانتازيا افضل فقط في المساحه الداخليه

[cameeron]

ليه لغى الفئة الاولى الارخص كده كتير جدا عليها يعنى هو كده رفع الحد الادنى لشراء العربية 20 باكو حتة واحدة نفسى يقولنا على عنوان مطبعة الفلوس اللى فاكر ان احنا بنجيب منها

[eng_maged]

هو ليه دايما في انتقادات ضد الوكيل ان هو اللي غلى السعر
الموديل الجديد فيه امكانيات اكتر وطبيعي اصلا انه اغلى حتى بره مصر والوكيل اكيد بيجيب الموديل الجديد اغلى من الموديل الحالي وحاطط نسبه ربح
معتقدش ان نسبه الربح زادت 20 الف لكن اعتقد ان سعر العربيه اصلا زاد على الاقل 15 الف

[horas3000]

تسلم ايدك يا زعيم
بس الاسعار متخلفه و العربيه اوحش من القديمه
و انا شفتها علي الطبيعه هنا
و هما لسه مصرين يستغفلوا الناس بال 140 حصان
عالم تييييت صحيح
ال 140 حصان دول بيطلعوا من ال 1800

[horas3000]

مكرر

[mr_sameh]

مجهود ممتاز بارك الله فيك

[tareksakr]

العربية واضحة شكلا حلوة جدا صالونها مريح لوحة عدادات واضحة الاضافات الفرق بين الموديلين لا تستحق فرق السعر الكبير والسعر عالي شوية لكن الهوندا لها عشاقها ولن يبخلوا عليها بفرق السعر لما يلمسوه فيها من رفاهية واعتمادية عالية

[masterzmind]

shaklha ww7esh awe men el 5alf ma3lesh ma3ndesh keyboard arabic

[newcastle]

176 !!!!!!!!!!
استهبال رسمي الجيتا الجديده احسن منها وموتور اقوى بكتيييييييييير واكيد stable عنها وفي نفس الرينج تقريبا

[tareksakr]

ودي صور للنسخة الهاتش باك كنت شفتها علي الدائري

[shaddadfalcon1]

سعرها بشع والشكل القديم احلي بكتيير

[eng_maged]

العربية واضحة شكلا حلوة جدا صالونها مريح لوحة عدادات واضحة الاضافات الفرق بين الموديلين لا تستحق فرق السعر الكبير والسعر عالي شوية لكن الهوندا لها عشاقها ولن يبخلوا عليها بفرق السعر لما يلمسوه فيها من رفاهية واعتمادية عالية

فعلا الفرق مش كبير
بس متنساش انهم حلوا اكبر مشكله في الجيل التامن وهي انها كانت واطيه

[movies]

[QUOTE=masterzmind;3873993780]shaklha ww7esh awe men el 5alf ma3lesh ma3ndesh keyboard arabic[/QUOTE