هونداوي جديد وعاوز اظبط العربيه (اكورد 83)

[drsawah]

السلام عليكم ورحمة الله وبركاته

انا لسه شاري الاكورد 83 اوتوماتك امبارح والعربيه فيها شويه حاجات عاوزه تتظبط
1: الفتيس مبيجبش ورا (الفتيس الي فيه نجوم) ده كده محتاج يتغير ولا محتاج يتصلح وعند ميين
2:ومعنا ايه النجوم الي فيه
3:الفرش مش عاجبني لو حبيت اغير عند ميين برده
4:اول حاجه اعملها في العربيه لما استلمه ايه الي اغيره المهم

[M_Nabil]

السلام عليكم ورحمة الله وبركاته

انا لسه شاري الاكورد 83 اوتوماتك امبارح والعربيه فيها شويه حاجات عاوزه تتظبط
1: الفتيس مبيجبش ورا (الفتيس الي فيه نجوم) ده كده محتاج يتغير ولا محتاج يتصلح وعند ميين
2:ومعنا ايه النجوم الي فيه
3:الفرش مش عاجبني لو حبيت اغير عند ميين برده
4:اول حاجه اعملها في العربيه لما استلمه ايه الي اغيره المهم

وعليكم السلام ورحمة الله وبركاتة

مبروك العربية وربنا يديك خيرها وتستمتع بيها

بس أحب أسئلك أنت مكشفتش على العربية قبل ماتشتريها وعلى حالة الفتيس ؟

1- أول حاجه تكشف على زيت الفتيس وتشوف لونه ورحته وهل ناقص ولا لأ لو لونه غامق وليه ريحه كأنوا محروق يبقى تغيرة وتجرب اشتغل يبقى تمام ماشتغلش كده يبقى الفتيس محتاج طقم أصلاح كلتشات في الغالب تسئل عليها عند حفنى في عمارات السعودية وتعمله عند رفعت او منير في الحرفيين

2- تقصد اية بالى فيه نجوم ؟! عشان انا ماشفتش النجوم دى قبل كدة

3- الفرش تنزل شارع دمشق أو شارع أحمد سعيد تختار الفرش الجديد وتركبه في الغالب بيكون المحلات دى عندها فنى تركيب فرش بيركبهولك في خلال نص ساعة أو ساعة

أول حاجه تعملها تغير سيور ( كاتينه + بليه كاتينه - باور - دينامو - تكييف ) وتغير الزيوت ( زيت ماتور + فلتر الزيت - زيت الفتيس - لو فيها باور تكشف على زيت الباور - وزيت الباكم تكشف عليه برضه ) فلاتر الهواء وفلتر البنزين وفلتر الزيت اللى قولته قبل كده مع الزيت

وتغيير البوجيهات وتكشف على سلوك البوجيهات والعفشه بشكل عام لو فيها حاجه

[drsawah]

شكرا يا باشا على سرعة الرد
الي انا فهمته ان النجوم دي معناها انه هاف اوتوماتك يعني بعد سرعه معينه بتغير السرعه
انا كشفت عليها في الاساسيات بس واتفقنا مع صاحب العربيه على السعر على اساس ان الفتيس ممكن يتغير
بس انا طبعا كنت فاكرها انها اوتوماتك كامله بس قدر الله ما شاء فعل وموضوع الزيت ان شاء الله هتابعه بس بالنسبه للميكانيكي مين احسن وانا كنت سامع ان فيه واحد اسمع عصام في الحرفيين كويس برده