يا جماعه بالله عليكم

[minicooper20]

دلوقتى انا اخويا المفروض كنا هنجبلو عربيه من 6 شهور المهم حصل ظروف و فضل يركب عربيتى
بهدلها بجد تقريبا مسبش فيه حاجه عدله
انا عايز اجبلو عربيه هوندا سيفك si نضيفه بيتاعت واحد ركيب مش شحات
اتووووووووو
و تكون رايقه و مكش محتاجه مصاريف و اخرو معيا 45 الف
حد ممكن يساعدنى لان كونتاكت عليه كنب و اسعار هولاميه مهلبيه على الاخر
اخر si شوفتها قالى 56 الف جنيه موديل 92 !!!!!!!!!!!!!!1طبعا تييييييييييييييت
هل من مساعده يا رجاله هوندا جاهز للتنفيذ الصبح
و شكرا يا جماعه

[SAMEH_FOUAD]

سعر الهوندا لو مظبوطة ادفع فيها ماتقولش لأ لانك لو جيبتها مظبوطة هتريحك العمر كلة

بس هو السعر غالى شوية على 56 الف هو اخرها نظيفة 52 الف ولو فبركية برة وجوة بتعمل 55

[wildwest100]

تصحيحا يا سمسم بعد اذنك
اسعار ال si غليت النضيفة بداية من 53000 :58000 دا من واقع السوق

[SAMEH_FOUAD]

تصحيحا يا سمسم بعد اذنك
اسعار ال si غليت النضيفة بداية من 53000 :58000 دا من واقع السوق

درش حبيبى عامل اية

ياراجل غليت انا منزلتش بقالى كتير بقى انت عارف الجواز مخلى الواحد ماشى على الخط المستقيم مع اخبارية بكل التحركات والاجابة الوافية المفصلة

[wildwest100]

درش حبيبى عامل اية

ياراجل غليت انا منزلتش بقالى كتير بقى انت عارف الجواز مخلى الواحد ماشى على الخط المستقيم مع اخبارية بكل التحركات والاجابة الوافية المفصلة

ياباشا ولا يهمك هناهتلاقى كل الابديتس
انا جالى بيعة فى عربية على وضعها مع العلم انها عايزاة دواسات واستبن وكوريك اتحطلى فيها 54000 كاش بس انا فكرت معرفتش اركب ايه فا لو لقيت حتة كوبية 97 ممكن ابيع

[minicooper20]

يعنى يا رجاله ادفع 55 الف جنيه فى عربيه موديل 92 مع كامل احترامى للهوندا
طيب منا احط 15 و اجيبلو ماذدا 3 و اهى هتكون 2006 و احدث بيبتاع 14 سنه
سوق عجيب بجد
طيب بعد ازنكو اليلاقى عربيه حاله يبلغنى و الله المستعان ده لو مش هتعبكو

[wildwest100]

حضرتك مع احترامى للمازدا لا تقارن بالسيفيك
وقولى حضرتك مستعد تدفع لحد كام وانا هاساعدك فيه

[minicooper20]

حضرتك مع احترامى للمازدا لا تقارن بالسيفيك
وقولى حضرتك مستعد تدفع لحد كام وانا هاساعدك فيه

ربنا يخليك مع تحفظى التام لنقطه الماذدا لا تقارن بالسيفك لاكن هى وجهات نظر
هو اخويا شبطان فيها جدا و انا معجب بيها برضو انا ممكن ادفع فيها لحد 45 الف
و انا قلتلو لو ملقناش نجيب نوبيرا و اهى حلو و اتو و تكيف و برضو بتجرى و كده
انا محتاررررررر جدا و زهقت منو بصراحه و الحاج راميها عليا على الاخر

[Mahmode]

مش لدرجة المازدا لا تقارن بالسيفيك. تقارن متقارنش ليه. بس هيا السيفيك تكسب بفرق أنا شايفة مش كبير أوي. بس لو أنا, أزود شويه وأركب مازدا حديثه ولا سيفيك أوائل التسعينات. وفي النهاية كل واحد ليه دماغ في المواضيع ديه أو بمعنى آخر في ناس كييفة سيفيك زي واحد صاحبي وربنا يسهل.

[SAMEH_FOUAD]

اكيد طبعا المازدا 3 تقارن بالسيفيك فى ثلاث اشياء ( الثبات - الشكل الرياضى - الاعتمادية ) لكن السيفيك بتتفوق عليها فى المحرك - المساحة - قطع غيارها اقل سعرا - سعر اعادة البيع طبعا بجانب الثبات العالى والاعتمادية والشكل

لكن المازدا من العربيات الكويسة جدا والمحترمة واللى انا بحس فعلا انا ثباتها عالى واعتمادية بس السوق بقى اديك شايف

طيب انا هاقولك حاجة مانت عندك الرينو ميجان لسة جايبين واحدة 2006 ب 54 الف جنية دور عليها

[minicooper20]

طيب ايه رايك فى النوبيرا

[wildwest100]

طيب ايه رايك فى النوبيرا

عربية ممتازة بس متجبهاش اتوماتك وتكشف على العفشة كويس جدا خصوصا المقصات لانها بتستهلك على طول

[SAMEH_FOUAD]

رأى فى النوبيرا بلاش اقولة احسن بسبب اكثر من عربية لاصحابى ومن الزيرو

[Kareem.ElAraby]

متابع

[Mahmode]

متقول رأيك يا سمسم مافيهاش حاجة. خلي الناس تعرف التجارب اللي عندك ويستفيدو