استشارة في جنوط سيفيك 2012

[Unendlich]

صباح الفل على رجالة الهوندا
الحمد لله استلمنا السبت اللي فات السيفيك لأختي تحت ضغط شديد من والدي (هي مكانتش عايزها و رجعت تاني تشتاق للجولف بعد البلاوي اللي شفناها معاها)

http://www.nilemotors.net/Nile/255448-2011-1600-a.html

هي طبعا واحشها ثبات الجولف و كمية الكماليات اللي كانت موجودة فيها (السيفيك ملط للاسف)
المهم يعني أنا عايز اجبلها طقم جنوط 16 مع طقم كاوتش Michelin Primacy HP 205/55/16 على أمل تحسين حتة الثبات دي شوية.
السؤال بقى, الواحد يجب منين جنوط أصْلي استيراد ؟ أنا بفكر اجبلها بتوع الشكل ال 2009, مش ينفعوا برده ولا مسافات الاخرام تبقى مختلفة ؟
الجنوط في التوكيل بـ 8700, يعني لا مؤاخذة تييييييييت

في انتظار اقتراحتكم و متشكر مقدما

[SAMEH_FOUAD]

مسافات الاخرام زيها بالظبط

مقاس الكاوتش اللى انت كاتبة دة ممتاز بس غير الميشيلان وهات بريدجستون - كونتيننتال

[marwan91]

انا شايف من كلامك حضرتك ان العربيه مش ثابته
فلو سيفيك 2012 ثباتها اقل من الجيل التامن يبقى اكيد العربيه ده مش هيبقى ليها اي مبيعات و لا هتقدر تنافس
لأن كانت اكتر حاجه بتمييز السيفيك هي الثبات

[hany63]

لازم حضرتك تكون عارف مهما كبرت الجنط ان ثبات الجولف احسن وفيه حاجه مهمه كمان انك بالجولف ما بتبقاش خايف على السرعات العاليه و حاسس بمنتهى الامان بعكس الياباني حتى لو ثابت
والاحساس اللي عند اخت حضرتك نفس اللي حصل لي بالمللي لما ركبت الهوندا بعد الباسات بس الواحد لما بيفتكر مشاكل ال dsg بيهون عليه فرق الفخامه و الثبات و احساس الامان
و مبدئيا انا معاي الجيل التامن vti بالجنط الاصلي لو حبيت نقارن العربيتين قبل ماتشتري الجنوط ال16 وتلاقي احمد زي الحاج احمد

[Unendlich]

مسافات الاخرام زيها بالظبط

مقاس الكاوتش اللى انت كاتبة دة ممتاز بس غير الميشيلان وهات بريدجستون - كونتيننتال

متشكر جدا
عامة بعد تجارب مع الاتنين التنيين و تجربة مع ال Primacy HP بصراحة هلتزم بالأخير

انا شايف من كلامك حضرتك ان العربيه مش ثابته
فلو سيفيك 2012 ثباتها اقل من الجيل التامن يبقى اكيد العربيه ده مش هيبقى ليها اي مبيعات و لا هتقدر تنافس
لأن كانت اكتر حاجه بتمييز السيفيك هي الثبات

أنا الحقيقة مسقتهاش لسة (مرمية في جراج الفيلا في الشروق و مش جايلها نفس حتى ترخصها) بس لما العربية تعلي وال wheel base تقصر طبيعي الثبات هيقل
هم بيقولوا زودوا ال stiffness بتاعها, هخلص امتحانات بقى و افوقلها

لازم حضرتك تكون عارف مهما كبرت الجنط ان ثبات الجولف احسن وفيه حاجه مهمه كمان انك بالجولف ما بتبقاش خايف على السرعات العاليه و حاسس بمنتهى الامان بعكس الياباني حتى لو ثابت
والاحساس اللي عند اخت حضرتك نفس اللي حصل لي بالمللي لما ركبت الهوندا بعد الباسات بس الواحد لما بيفتكر مشاكل ال dsg بيهون عليه فرق الفخامه و الثبات و احساس الامان
و مبدئيا انا معاي الجيل التامن vti بالجنط الاصلي لو حبيت نقارن العربيتين قبل ماتشتري الجنوط ال16 وتلاقي احمد زي الحاج احمد

هوأنا مقدرش أقول إني هخلي الثبات بتاعها جولف ولا بيجو انما بحاول أحسن الموضوع سنة
الجنوط مش سحر أكيد
المشكلة في إنها تقتنع إن التخلص من ال DSG اللعين ده كان شئ كويس
هي حاسة كمان إنها دربكت الدنيا و بعنا الجولف بخسارة 17 ألف جنيه في شهرين و 4000 كم و بعد كل ده مجابتش السيفيك اللي كان نفسها فيها (اللي هي الشكل القديم)

[hany63]

بص حضرتك انا شايف انكوا تتعاملوا مع الموضوع بواقعيه
احسن عربيتين حاليا عمليا هما الاوكتافيا (اوربي) بس مش شبابي و الهوندا حاليا احسن الياباني
و معلش يغور كل ال vw بسبب الفتيس بتاعه انا كنت كل ما القى الطريق زحمه يجيلي اكتئاب
والبي ام مايتركبش الا بداية من 320i

[HISHAM80]

بص حضرتك انا شايف انكوا تتعاملوا مع الموضوع بواقعيه
احسن عربيتين حاليا عمليا هما الاوكتافيا (اوربي) بس مش شبابي و الهوندا حاليا احسن الياباني
و معلش يغور كل ال vw بسبب الفتيس بتاعه انا كنت كل ما القى الطريق زحمه يجيلي اكتئاب
والبي ام مايتركبش الا بداية من 320i

+11111111111111

[Unendlich]

بص حضرتك انا شايف انكوا تتعاملوا مع الموضوع بواقعيه
احسن عربيتين حاليا عمليا هما الاوكتافيا (اوربي) بس مش شبابي و الهوندا حاليا احسن الياباني
و معلش يغور كل ال vw بسبب الفتيس بتاعه انا كنت كل ما القى الطريق زحمه يجيلي اكتئاب
والبي ام مايتركبش الا بداية من 320i

عامة الاوكتافيا مستحيلة عشان والدي حلف ما يدخل عربية من العيلة دي البيت تاني أبدا
و موتورها تعبااااان قوي و دي كانت شكوى في الجولف من يوم لما جت, و بالذات لما تسوق الهوندا أو الكورولا و تركب الجولف بعدهم تقولك آه الجولف زلطة على الأرض بس موتور من العصر الحجري (أنا كنت نبهتها من الموضوع ده من قبل ما نجيبها بس هي من يومها بتعشق الجولف)
و كنت فكرت برده في ال 1 series الجديدة بالمواتير التيربو بس قلت تلاقيها هتتكلم في 250 ألف اقل واجب و جايز قوي أعلى كمان
و ال Seat نفس العيلة بنفس ال زفت ال DSG و نفس الموتور
كان في برده ال 308 و والدي رحب بالفكرة في الأول بس بعد الجولف قالها هو الياباني مفيش غيره بس بصراحة دي داخلة دماغي أنا شخصيا و بفكر اجبها

نرجع بقي للموضوع الأهم, منين اجيب الجنوط الاستيراد (هوندا أصْلي طبعا) ؟؟؟ حرفيين/ بورسعيد ...
و فرضا لو حبيت اجيب ال 16 ال طاسات العاديين اللي نزلوا من أول 2009 في ال lxi, الاقيهم فين جداد مش استيراد ؟
فرجتك لوحدها مش كفاية, اتبرع و لو بعنوان أو رقم تليفون
و نشكر حسن تعاونكم

[Hamdy Masria]

نرجع بقي للموضوع الأهم,
فرجتك لوحدها مش كفاية,
و نشكر حسن تعاونكم

ايوة هو ده الكلام
انت بقى اللى جبتوا لنفسك
عمااااااااااال تشوقنا للعربية ومحدش فينا شافها
مطلوب منك يا بطل موضوع مصور كامل متكاكل
عن السيفك اللجديدة على ارض الواقع

[Unendlich]

ايوة هو ده الكلام
انت بقى اللى جبتوا لنفسك
عمااااااااااال تشوقنا للعربية ومحدش فينا شافها
مطلوب منك يا بطل موضوع مصور كامل متكاكل
عن السيفك اللجديدة على ارض الواقع

مش لما اسوقها الأول ولا حتى تترخص !!
أنا مش عارف هم أهل الهوندا فين ؟
إيه يا رجالة محدش يعرف ارقام أو عناوين الناس ؟

[M_Nabil]

الجنوط الاصلية هتلقيها في الحرفيين كثير وبرضه موجودة في بورسعيد كنت شوفتها من فترة بس مش فاكر عند مين ممكن تنزل الحرفيين تسئل عليها ومكن تتصل بالحاج مجدى الدسوقى

486 3406 0122

وده محل مونتريال في بورسعيد بتاع جنوط استيراد

406 9315 0100

[Unendlich]

الجنوط الاصلية هتلقيها في الحرفيين كثير وبرضه موجودة في بورسعيد كنت شوفتها من فترة بس مش فاكر عند مين ممكن تنزل الحرفيين تسئل عليها ومكن تتصل بالحاج مجدى الدسوقى

486 3406 0122

وده محل مونتريال في بورسعيد بتاع جنوط استيراد

406 9315 0100

متشكر جدا
عندك فكرة عن رينج الأسعار ؟

تعديل: أنا كلمت الحاج مجدي و قالي ال 4 بـ 3500 و بيقولي مفهمش خربوش
حد عنده فكرة ده كويس ولا كتير ؟

[M_Nabil]

متشكر جدا
عندك فكرة عن رينج الأسعار ؟

تعديل: أنا كلمت الحاج مجدي و قالي ال 4 بـ 3500 و بيقولي مفهمش خربوش
حد عنده فكرة ده كويس ولا كتير ؟

السعر 3500 جنية ده سمعته من سنتين أول لما موديل 2009 نزل ومن سنة سمعت 3200 جنية بس معنديش علم السعر وصل لحد فين حالياً عموماً السعر في أعتقادى هتلقى بيتراوح مابين 3000 الى 3500 جنية في القاهرة حسب الحالة .. في بورسعيد ممكن يبقى سعره أقل شوية

حاول تأخد لفه الأول وتشوف متوسط السعر كام وشوف الحالات ومتشتريش من أول واحد تلقى عنده الجنط

طيب سؤال هيا مش السيفيك الـ VTi موديل 2012 نازله بجنوط 16 رياضية؟ لو استنيت كام شهر هتلقى موجود استيراد وبنفس السعر تقريباً ولا أنت بتتكلم ان شكل جنط 2011 أحلى!

[Unendlich]

السعر 3500 جنية ده سمعته من سنتين أول لما موديل 2009 نزل ومن سنة سمعت 3200 جنية بس معنديش علم السعر وصل لحد فين حالياً عموماً السعر في أعتقادى هتلقى بيتراوح مابين 3000 الى 3500 جنية في القاهرة حسب الحالة .. في بورسعيد ممكن يبقى سعره أقل شوية
هو أكيد في التليفون لازم يدي سعر عالي شوية عشان عارف إن المصري الفصال بيجري في دمه

حاول تأخد لفه الأول وتشوف متوسط السعر كام وشوف الحالات ومتشتريش من أول واحد تلقى عنده الجنط
أكيد طبعا

طيب سؤال هيا مش السيفيك الـ vti موديل 2012 نازله بجنوط 16 رياضية؟ لو استنيت كام شهر هتلقى موجود استيراد وبنفس السعر تقريباً ولا أنت بتتكلم ان شكل جنط 2011 أحلى!

هي نازلة فعلا بجنوط بس أنا كنت عايز اشتري على طول عشان لو هبيع جنوط و كاوتش العربية الأصلي يبقى اسمهم ما مشيوش. بس معنديش فكرة الصراحة يجيبوا كام ولا اخليهم مرميين في الجراج و خلاص
و لسة مش عارف هبيع ال 5 و بما إن الطقم السبور 4 يبقى لازم اشتري واحد 16 اسود يبقى استبن ولا ابيع 4 و اسيب الخامس استبن بس حاسسها مش مستاهلة بما إن الخامس كده كده مش هيبقى سبور يبقى اخلي الاستبن ال 15 و مش هتفرق لأن قطر ال 2 واحد

عموما متشكر لردك و ربنا يجازيك كل خير