سؤال عن سحب العربية

[ahmedhonda]

عربيتى ex كربراتير اوتوماتيك سحب العربية الفترة الاخيرة ضعيف وبالاخص مع النقلة الرابعة بالتفصيل العربية اول وثانى وثالث بوصل لحد 90 - 100 بعد كدة الرابع بوصل لحد 100-110 والعربية بعد كدة ماتزيدش الا لو ضعط كيك داون حتى الكيك داون بتعها مش زى الاول
مع العلم انى مغير البوجيهات من 2000 كيلة تقريبا ngk
للعلم انا قفلت عداد العربية قبل كدة وكان الحسب تمام بس الكلام دا اكثر من 10 شهور
اسف على الاطالة وشكرا

[mohannd]

ممكن يكون الكربراتير فية مشكلة او عايز يتنظف وصيانة العربية مش بوجيهات بس حاول تبص بصة على الصيانة كلها مش شوف مكانيكى محترم لحسن انا اتشوات منهم وربنا معاك وشوف اراء الناس اية هما ممكن يفيدوك اكتر منى

[M_Nabil]

أكشف على الفلاتر ولو بقالها مدة طويلة غيرها فلتر الهواء والبنزين

وأكشف برضه على زيت الفتيس

[SAMEH_FOUAD]

انا مش شاكك فى الفلاتر خالص لان عمرها ماهتنزل التسارع من 200 كم الى 120 كم وبالعافية

يبقى اول حاجة هتعملها هتغير زيت الفتيس بشيل او موبيل

تانى حاجة لو انت عملت اى شغل فى المحرك قول علية

ثالث حاجة الكربراتير اخبارة معاك اية

[SHADIANWAR]

انا معايا سيفيك 1991 وعندي نفس المشكلة بالظبط بس انا لسه عامل جوان وش سلندر وحاسس انها زي ما الاستاذ بيوصف بالظبط اعمل اية ارجو الافاده

[ahmedhonda]

انا مش شاكك فى الفلاتر خالص لان عمرها ماهتنزل التسارع من 200 كم الى 120 كم وبالعافية

يبقى اول حاجة هتعملها هتغير زيت الفتيس بشيل او موبيل

تانى حاجة لو انت عملت اى شغل فى المحرك قول علية

ثالث حاجة الكربراتير اخبارة معاك اية

بالنسبة للفلاتر انا مغيرتش فلتر البنزين بقالى اكتر من 7 شهور مع العلم انى بستعمل بنزين 92
بالنسبة لزيت الفتيس ان مغيرة من حوالى 12000 كيلو بس مش شيل او موبيل
بالنسبة للمحرك غيرت من حوالى شهرين طرمبة المياة وسير الكاتينة وجوان تكهات وبوجيهات
بالنسبة للكربراتير مش عارف اذا كان كويس ولا لاة ويا ريت تعرفنى اعرف الزاى؟
وشكرا لاهتمامك يا سمسم

[SAMEH_FOUAD]

بالنسبة للفلاتر انا مغيرتش فلتر البنزين بقالى اكتر من 7 شهور مع العلم انى بستعمل بنزين 92
بالنسبة لزيت الفتيس ان مغيرة من حوالى 12000 كيلو بس مش شيل او موبيل
بالنسبة للمحرك غيرت من حوالى شهرين طرمبة المياة وسير الكاتينة وجوان تكهات وبوجيهات
بالنسبة للكربراتير مش عارف اذا كان كويس ولا لاة ويا ريت تعرفنى اعرف الزاى؟
وشكرا لاهتمامك يا سمسم

فلتر البنزين لو اصلى يفضل انك تغيرة كل 15000 الف لو بتستخدم بنزين 90

لكن مع استخجام بنزين 92 يبقى غيرة كل 20000 الف كيلو لان الفلتر بتاعك غير فلتر ال si

- زيت الفتيس انت طبعا غلطان انك ماحطتش شيل او موبيل ودة طبعا بيأثر بالسلب على الفتيس لما تحطلة نوع رخيص وربنا يستر ومايكونش بوظ الفتيس نصيحة منى ليك غيرة ونزلة على طول وحط شيل او موبيل atf 220

- سير الكاتينة يستلزم معاة اعادة ظبط التقسيمة ياريت تراجع عليها عند متخصص هوندا لانها ممكن تكون مرحلة سنة بسيطة

- بوجيهات عربيتك ليها كود معين وهو bkr5e-e11 ولو عايز اداء اقوى هتكون bkr6e-n11 ودة من شركة ngk وينصح انك تجيبة من التوكيل عشان لو فية حاجة ترجعة لان كان فية مشاكل فى الفترة الاخيرة ولو عايز موديل تانى هتجيب denso بكود k22

- الكربراتير لو كويس هتلاقى العربية بتعلى لما بتسخن الصبح , مافيش دخنة سوداء بتظهر , مافيش رعشة او نزول فى الاربى ام مع الضغط على الفرامل او تحريك الدركسيون شمال ويمين - الاستهلاك منتظم - السحب كويس

بس موضوع السحب دة هنخلية فى الاخر بعد مانعمل الحاجات دية , وان شاء الله خير

[ahmedhonda]

فلتر البنزين لو اصلى يفضل انك تغيرة كل 15000 الف لو بتستخدم بنزين 90

لكن مع استخجام بنزين 92 يبقى غيرة كل 20000 الف كيلو لان الفلتر بتاعك غير فلتر ال si

- زيت الفتيس انت طبعا غلطان انك ماحطتش شيل او موبيل ودة طبعا بيأثر بالسلب على الفتيس لما تحطلة نوع رخيص وربنا يستر ومايكونش بوظ الفتيس نصيحة منى ليك غيرة ونزلة على طول وحط شيل او موبيل atf 220

- سير الكاتينة يستلزم معاة اعادة ظبط التقسيمة ياريت تراجع عليها عند متخصص هوندا لانها ممكن تكون مرحلة سنة بسيطة

- بوجيهات عربيتك ليها كود معين وهو bkr5e-e11 ولو عايز اداء اقوى هتكون bkr6e-n11 ودة من شركة ngk وينصح انك تجيبة من التوكيل عشان لو فية حاجة ترجعة لان كان فية مشاكل فى الفترة الاخيرة ولو عايز موديل تانى هتجيب denso بكود k22

- الكربراتير لو كويس هتلاقى العربية بتعلى لما بتسخن الصبح , مافيش دخنة سوداء بتظهر , مافيش رعشة او نزول فى الاربى ام مع الضغط على الفرامل او تحريك الدركسيون شمال ويمين - الاستهلاك منتظم - السحب كويس

بس موضوع السحب دة هنخلية فى الاخر بعد مانعمل الحاجات دية , وان شاء الله خير

بالنسبة لزيت الفتيس انا مغيرة بنوع فرنساوى غالى مش رخيص الكيلو كان 43 ج
البوجيهات ال فى العربية حاليا ngk كود bkr6e11
بالنسبة للكربراتير العربية بتعلى لما بتسخن الصبح تدريجى لحد لما توصل لرقم 2 بس لما العربية بتهدى بعد التسخين rbm بيوصل لحد 1.5 ودا مش بيحصل علطول ساعات بتنزل لحد 800 لفة بلاحظ ان والعربية بتسخن الصبح لو حركت الدركسيون rbm بيوطى بمقدار بسيط خالص بس بلاحظة فى سوط الماتور - مع الفرامل ال rbm مش بيوطى خالص طابعا وقت التسخين - مافيش دخنة سوداء خالص
دا كل ال بيحصل يا ريت تعرفنى اعمل اية بالظبط وشكرا

[lord_of_egypt22]

فين توكيل ان جي كي لان ركبت بوجيهات فرنساوي كانت كويسه اول الف كيلو وبعدين بقت هباب

[SAMEH_FOUAD]

بالنسبة لزيت الفتيس انا مغيرة بنوع فرنساوى غالى مش رخيص الكيلو كان 43 ج
البوجيهات ال فى العربية حاليا ngk كود bkr6e11
بالنسبة للكربراتير العربية بتعلى لما بتسخن الصبح تدريجى لحد لما توصل لرقم 2 بس لما العربية بتهدى بعد التسخين rbm بيوصل لحد 1.5 ودا مش بيحصل علطول ساعات بتنزل لحد 800 لفة بلاحظ ان والعربية بتسخن الصبح لو حركت الدركسيون rbm بيوطى بمقدار بسيط خالص بس بلاحظة فى سوط الماتور - مع الفرامل ال rbm مش بيوطى خالص طابعا وقت التسخين - مافيش دخنة سوداء خالص
دا كل ال بيحصل يا ريت تعرفنى اعمل اية بالظبط وشكرا

اولا بالنسبة للزيت طالما نوع نظيف يبقى تمام

ثانيا : البوجيهات كدة تمام بس طبع بوجية رقم 1, و 4 من ناحية الشمال وشوف حرق البوجية عامل ازاى

ثالثا : طبعا الرقم بتاع الاربى ام صباحا دة غلط نهائى لان اخر العربية 1400 لفة المفروض ماتعلاش عن كدة , وانها توصل ل1500 لفة بعد التسخين طبعا غلط نهائى ودة بيكون ناتج عن وجود خلل فى نظام حريق العربية وغالبا بيكون سببة بيك السلانسية لازم يتنظف او يتغير بس نصيحة منى لو الكربراتير دة ماتفكش قبل كدة اوعى تفكة

رابعا : بالنسبة لحركة الدركسيون طبيعى ان يأثر على المحرك سنة بسيطة لان الباور مرتبط بالمحرك فبيكون حمل علية

طيب دلوقتى انا عايزك الاول تظبط الكربراتير من غير فك , ويكون صباحا على 1500 بحد اقصى , ولما العربية تسخن تكون على 850 او 800 بحد ادنى وتكون العربية مظبوطة ماترعش عن عدد اللفات دة لان دة المعدل المظبوط

لو عايز حد يظبطلك الدنيا دية مش هتلاقى غير منير هو اللى بيفهم اوى فى الكربراتير بس خلية هو بنفسة اللى يشتغل فى العربية ومن غير فك الكربرايتر او انك تحط فية منظف كربراتير فقط اللعب كلة هيكون فى بيك السلانسية

وزى ماقولتلك راجع على التقسيمة الاول والتاكيهات بتاعتك قبل ماتعمل اى حاجة

[SAMEH_FOUAD]

فين توكيل ان جي كي لان ركبت بوجيهات فرنساوي كانت كويسه اول الف كيلو وبعدين بقت هباب

طيب خلى بالك لا تقطع منك