هوندا سيفيك 2007

[Nile Heart]

هل فيها:
ABS
EBD
Cruise Control مثبت سرعه
هل التابلوه فعلآ زى الصور دى؟
المرايات تغلق كهربائيآ زى الكورولا؟
CD ولا كاسيت؟
تكييف عاده ولا اوتوماتيك (Climatizer)؟

ياريت حد يفيدنا ياجماعة الخير

[جندى مجند]

أنا اتفرجت عليها النهاردة فى معرض الفطيم و حأحاول أجاوب على اللى أعرفه من أسئلة حضرتك:

ABS: موجود
EBD: بصراحة مسألتش بس غالباً موجود
Cruise Control مثبت سرعه: موجود و التحكم فيه من زراير الدركسيون
هل التابلوه فعلآ زى الصور دى؟ نعم مع فرق ان اللون اللى فى المعرض كان رمادى مش بيج
المرايات تغلق كهربائيآ زى الكورولا؟ لأ .. تحكم فقط انما غلق يدوى
CD ولا كاسيت؟ CD لكن بيشغل أوديو فقط و ليس mp3
تكييف عاده ولا اوتوماتيك (Climatizer)؟ مش عارف بصراحة

[Kisho]

عدد الاحصنه

عدد الاحصنه الصافى للسياره هو 122 حصان
اما موضوع ال 140 حصان فا ده قدره الموتور بدون الات الجر و وزن السياره
و هو ما يدعي Brake horsepower -bhp
الموتور 92 KiloWatt يعنى 122 حصان صافى يعنى تقريبا مثل الالانترا 90 KiloWatt
يعنى ال140 دول لزوم الدعايه او لو سيادتك طالب تستلم الموتور خارج العربيه بال140 حصان كاملين و تركبه بمعرفتك

و شكرا

[Nile Heart]

الف الف شكر م. جنيدى جزاك الله عنا كل خير

والله كده تمنها فى رأيى انه عادل, يعنى هى اغلى من الكورولا ال 1600 اوتوماتيك ب 8 الف فى مقابل وجود ABS, Cruise, وأكيد فيها EBD كمان.

طبعا دوول يستاهلوا اكتر من 8 الف ولكن اسم كورولا فى مصر يسوى اكتر من هوندا ب 10 الأف على الأقل.
يعنى لو حد معاه 140 الف, تفتكروا يجيب انهى؟

[Mohsens]

يعنى لو حد معاه 140 الف, تفتكروا يجيب انهى؟

الهوندا بدون ثانية تردد.....

[M_ElSabaa]

اكييد الهوندا

[أبو عبدالله]

زي الألنترا إزاي يا راجل هو انت قلت على الفطيم عمل دعايه علشان قال 140 حصان وفكرك ان المبجل المحترم اللي بيضحك على الناس اللي اسمه غبور بقولك 122 حصان يبقى العربيه 122 حصان فعلا .... قياس غريب اني اطبق الكلام على توكيل محترم زي الفطيم ومطبقهوش على اللي بيضحك على الناس وسمعته زي الزفت ....
وبأي عقل يكون ماتور الهوندا زي ماتور الهيونداي ....... يا راجل الهوندا اقوى مواتير في العالم

[omar_megane]

تفاصيل السيارة

السلام عليكم ورحمة الله وبركاته
اولا العربية مابتنزلش بموتور 1600 غير فى مصر و singapore فبالتالى تفاصيل الموتور موجودة فى موقع هوندا فى سنغافورة و دا اللينك:http://www.honda.com.sg/civic_spec.htm
1600cc
but net hp 125hp max hp 140
ABS-EBD-Disc brakes
195\65\R15 طاسات مش جنوط
تكيف عادى مش Touch
Radio cassette CD و antenna فى الزجاج الخلفى
فيها مسند يد امامى متحرك وسعة نخزينية ومسند خلفى و 3مخادع رأس فى الخلف
الموتور compressed اوى بس الfront مصفح
مفيش انوار ضباب و المساحات نوع جديد
الشنطة مساحتها مش بطالة اكبر من النيسان
على كلام الوكيل البوجيهات وسير الدينامو مبتتغيرش قبل 100 الف كيلو
العربية جنزير و مش سير
الكراسى مريحة والتابلوه منظم وعداد السرعة بقت LCD
سعر الفانوس حوالى 625 جنيه
العربية نازله موديل واحد 5speed automatic but not steptronic with 140000LE
والوانها كتير و الفرش بيج يا رمادى حسب اللون وده اللينك:http://civic.hondauae.com/homepage.html
صوت الموتور زى العربيات اليابانى بالظبط
دا اللى اقدرت اعرفه لحد دلوقتى ولو فيه اى استفسار انا تحت امركم
عمر

[Kisho]

يا استاذ أبو عبدالله

انا كل مقارنتى كانت تنحصر فى عدد الاحصنه
و هما الاثنبن من حيث القدره الفعليه متقاربين جدا بال KiloWatt
اما بخصوص غبور فلا خلاف على حركاته النص كم لكن للاسف المره دى كلامه مضبوط يمكن علشان مشكله التلاعب بالقدره الحصانيه السابقه لمواتير هيونداى و كيا فا علشان كده بيجتنبوا الشبهات

[AHMED900]

موتور 1.6 بقوة 140حصان ، موتور خيالي فعلا

متوقعها نجاح كبير خصوصا إن سعرها يعتبر مش غالي مقارنة بالمنافسين

وتصميمها قمة في الإبداع

[alaaaboelata]

طب اخبار المبيعات اية لحد دلوقتى انا عايز اعرف
بصراحة ناس كتير بتشكر فيها جدا جدا

[ibrahim]

حرام تتقارن بالكورولا...ممكن تتقارن بالجيتا او الاكتافيا مع فرق السعر طبعاّ

[fahd_628]

اعتقد الاوتوماتيك بتاعها CVT صح ؟؟؟؟؟؟

[HNaga]

رغم انى من هواة العربيات الألمانى لكن بصراحة أفضل الهوندا عن التيوتا إذا كانت المقارنة بين السيفيك و الكورولا
لكن إذا كانت المقارنة بين الكامرى والأكورد فأفضل الكامرى

[شريف]

هى غليت ؟
وبقت بكام