إعـــــــلان

Collapse

.

,
See more
See less

تجربة قيادة اكسنت rb اية رأيكوا اكمل ولا مافيش داعى ؟

Collapse
X
 
  • Filter
  • الوقت
  • Show
Clear All
new posts

  • #46
    المشاركة الأصلية كتبت بواسطة semsem kane مشاهدة المشاركة
    انا عايز بقى اقولكوا تجربتى مع ال سبيرنزا m11 والمقارنة مابينها وبين ..............؟؟ اية رأيكوا ندخل مين
    لا الصني مع الشيروكو ههههههههههههههه
    [CENTER][COLOR="Blue"][SIZE="5"]أُمـــ الغوالــــــــــــــــي ..... أُسطــــورة لـــــهــــــا تاريـــــخ :F_eyeb1[1]:[/SIZE][/COLOR]
    [CENTER]
    [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
    [/CENTER]
    [CENTER][SIZE="5"][COLOR="DarkRed"][marq="4;right;2;scroll"]Eng.Hussein GaMal[/marq][/COLOR][/SIZE]
    [SIZE="5"][COLOR="Blue"][marq="4;left;2;scroll"]Mob. +20111 960-9399[/marq][/COLOR][/SIZE][/CENTER][/CENTER]

    Comment


    • #47
      المشاركة الأصلية كتبت بواسطة wshawky مشاهدة المشاركة
      ياريت التقرير و أنا فعلا جربتها و ملاحظتى هى ان العفشه ناشفه فعلا و الاحساس بالمطبات جامد
      الاكسنت عفشتها ناشفة
      من موديل 98 ل 2012
      عن تجربة
      [SIZE=5][COLOR=darkred]M.El-NaHHal[/COLOR][/SIZE]
      [SIZE=5][COLOR=#8b0000][/COLOR][/SIZE]
      [SIZE=5][COLOR=#8b0000][/COLOR][/SIZE]
      [url=http://www.nileup.com//uploads/images/sac6222655d.jpg][img]http://www.nileup.com//uploads/images/sac6222655d.jpg[/img][/url]

      Comment


      • #48
        [QUOTE=semsem kane;3874050338]
        المشاركة الأصلية كتبت بواسطة semsem kane مشاهدة المشاركة
        معلش انا كنت بردان جدا وانا قافل الزجاج عايزنى كمان اجرب التكييف , وبعدين الحكم علية مش هيكون سليم لان اصلا الجو كان تلج يعنى انت بس لو فتحت المروحة من غير ال a/c هتلج



        انا جربت ال 320 2009 بصراحة عربية جميلة جدا فى نظرى لا يعيبها الا ثلاث حاجات فقط وتكون مقفلة ( محركها عايز يكون اقوى على الاقل 30 حصان + العربية توسع شوية بتاع 20 سم وكلهم يروحوا للمقصورة + العدادات بتاعها تواكب سعرها يعنى ماينفعش ابقى راكب بى ام دبليو ولون العداد بالشكل دة مقبل ان المرسيدس عدادها تحفة



        انا جربت الالنترا الجديدة بس ماسمحتليش الفرصة انى اعملها تيست درايف زى دة

        بس كل اللى اقدر اقولة ان اللالنترا الى حسيتة الفرق مابينها وبين ال rb

        1- درجة النعومة واحدة + العفشة نفس مستوى القساوة بس يمكن الالنترا انشف شوية بس المشكلة مش هحكم صح لان العربية لسة معدتش 4500 كم

        2- المحرك نفس التسارع بس فى الالنترا بتحتاج تضغط شوية اكتر عشان العربية تسحب ودة اللى بيخلى صوت المحرك يعلى

        3- الثبات الالنترا اشد بس انا معدتش بيها اكتير من 100 بس اكيد بحس

        4- الباور واحد

        5- التابلوة واحد فقط الساعة هية اللى زيادة اللى على رأس التابلوة

        6- الفرامل نفس المستوى وكأنها copy paste

        7- التابلوة فية اجزاء بسيطة من الجلد المضغوط مش كلة بلاستيك

        8- العربية شنطتها اكبر

        9- الشكل العربية كويسة جدا من الامام ومن الجنب لكن من الخلف مش لطيفة نهائى

        10- مسألة المساحة العربية مش واسعة اوى زى مالكيها بيقولوا بحر ولا يمكن عشان انا طويل شايف مساحتها زى الموديل السابق بالظبط بس اعرض شوية والسقف انخفض


        فى النهاية كل الى اقدر اقولة ان هيونداى التعديلات اللى عملتها فى الاجيال الجديدة

        1- تطوير للشكل + المحركات + الفتيس ونجح بطريقة ممتازة بس ماوصلش للدرجة المطلوبة

        2- العربية العفشة + نظام التعليق مستواة نزل عن الاجيال السابقة بوضع نظام تعليق غير مستقل ودة واضح من غرض تقليل التكلفة

        3- الخامات فى الالنترا السابقة من وجهة نظرى افضل

        4- توفير البنزين بردة ماعرفوش يعملوا فية حاجة يمكن اصبح اسوء من الاول بس مش هقدر الوم عليهم لان قوة المحركات زادت وحتى مع تفعيل نظام ال eco mode بردة مافيش اختلاف

        5- العربية مبالغ فى سعرها جدا خصوصا انها وصلت ل 144 الف وبدون abs بعكس الموديل السابق كانت كاملة وب 122 الف جنية

        طبعا موضوع الاسعار دة موجود فى كل التوكيلات بس بيدارو دة ان العربية بتنزل ب abs- 2 airbag لكن دية ب144 الف وب 1 ايرباج وبدون abs
        من الخلف مش لطيفه !!!!!!!!!!! لول مره حد يقول الكلام ده ...... شكلها من ورا جميل جدا وفخم وشرس شكرا على التقييم

        Comment


        • #49
          المشاركة الأصلية كتبت بواسطة semsem kane مشاهدة المشاركة
          طيب بما ان فية تشجيع منكوا على عرض التقرير وطبعا ناس غرضها التسخين وان تقوم الحرب العالمية الرابعة فى المنتدى هنا بسببى نعرض التقرير

          انا عموما عملت للعربية تجربة كاملة من غرز وثبات وتسارع وتقيم فى كل حاجة حتى الصاج والتقفيل
          وان شاء الله التققيم دة حيادى جدا وبجد هيفيد ناس كتير جدا

          اولا : الشكل الخارجى :

          * العربية شكلها كويس بس من الخلف افضل من الامام ومن الجنب بحس انها غير متناسقة بعكس الالنترا بس عموما الشكل فى المجمل اديلة 7.5/10 ( ازواق فى الاخر ) فية غيرى شايفها احلى من كدة او اوحش من كدة

          ثانيا : الصاج :

          صاج العربية خفيف جدا جدا الى ابعد الحدود واحد بس ريح على العربية وهية راكنة من الجنب طبق الرفرف الخلفى مع البوية اتأشرت والبوية خفيفة جدا

          ثالثا : الصالون

          * اول حاجة خامات البلاستيك فى كل مكان فى العربية

          * مافيش مصباح صالون امامى في فى المنتصف فقط ودة انا مستغربلة بصراحة

          * الدركسيون بتاعها كالعادة مرهق جدا فى مسكتة للمسافات الغير طويلة نسبيا بس بيعوض دة خفة الباور

          * العربية صالونها ضيق وخصوصا من الخلف يعنى هبقى مناسبة لاى حد طولة لا يتعدى ال182 سم

          * العزل كويس جدا وان ماوصلش لممتاز بس عربية بالسعر دة والعزل دة كويس جدا

          * السيارة لا يوجد بها ساعة الا فى الكاسيت

          * رؤية العداد وانت سايق صعبة ولازم تبعد عينك شوية عن الطريق عشان تشوف انت وصلت لكام

          * تقفيل العربية كويس وماشوفتش اى حاجة متقفلة غلط او بتعمل صوت

          * العربية رؤيتها على الطريق اديها 5 /10 لانها فعلا مش مغطية حاجات كتير + ان الكابوت مش باين اصلا وانت جوة اخر حاجة هتشوفها المساحات

          * الرؤية الخلفية صعبببببببببببببة جدا وخصوصا فى الركنة عايزة تركيز عالى جدا لان الزجاج صغير جدا جدا

          * العربية السماعات بتاعتها حلوة اوى لحد 20 بالظبط بعد كدة الصوت بيبوظ

          * الكراسى غير مريحة نهائى بعد اول 80 كم فقط ودة بسبب حاجات كتير وضعية الجلوس نفسها + نوع وخامة مكونات الكراسى

          رابعا : المحرك :

          * المحرك هادىء جدا جدا جدا لحد 2000 لفة بعد كدة بيبدأ صوتة يبان بوضوح وصوتة غير محبب خالص يعنى ماتحبش تسمعة

          * سحب العربية كويس بس بيحصل نوع من تأخير السحب شوية لو دوست جامد شوية وانت طالع

          * المحرك سريع الاستجابة وخفيف فى حركتة بس عدد لفات الاربى ام بتاعتة بحس انها بتتحرك ببطىء يعنى كنت واقف ودوست كتير صوت المحرك على جدا ولسة العربية على الاربى ام 3000 انا لو دوست الدوسة دية عندى كان وصل ل6000 مستريح , + ان المحرك نغمتة مش مظبوطة وانا واقف وبزود بنزين

          * بدال البنزين مش خفيف تقيل شوية ودة كنت لازم اضغط شوية على العربية عشان تسحب

          * صوت المحرك بسمعة فى العربية بعد اول 3000 لفة بالظبط وانا ماشى ومش قافل الزجاج وسمعتة اوضح لما قفلت الزجاج

          * القيادة بوضعية ال eco mode حسيت ان فعلا العربية ادائها انخفض بس مش للدرجة اللى تحسسك انك فى نظام eco mode يعنى الاستهلاك ماختلفش كتير , الاداء ماختلفش كتير حاجات

          * تسارع السيارة من بعد سرعة 120 كم بطىء نسبيا بس سريع مقارنة بالسيراتو يعنى جابت من 120 كم لسرعة 150 كم فى وقت كويس بعكس السيراتو

          خامسا : الفتيس

          * الفتيس وانا بنقل سهل وبيجى على طول مش تقيل بس لمسة مقبض الفتيس نفسها مافيهاش اى نوع من الراحة يعنى كنت عايز انقل بس واسيب ايدى على طول من خشونة ملمسة

          * الاحساس بالنقلات مرضية جدا بس بردة فية احساس بالنقلة واضح وكنت بعرف بسهولة ان العربية نقلت

          * الفتيس على وضعية + , - ماختلفش خالص فى السحب عن ال d يعنى حسيت ان التسارع هو هو بس فية مشكلة ان صوت المحرك بيعلى جدااااااااا بعد ال3000 لفة عشان طبعا مابينقلش غير لما تزود + ان رؤية العداد غير مريحة عشان تبص انت عايز تنقل عند اربى ام كام + ان المشكلة ان صوت المحرك بيعلى وبيديك احساس ان عدد اللفات وصل ل 5000 وتبص تلاقية عند 3000 لفة لسة
          بس فى المجمل الاستمتاع بالفتيس وبالنعومة بتاعتة لحد 2500 لفة بعد كدة الوضوع بيتغير تماما

          سادسا : نظام التعليق

          * العربية نظام تعليقها متوسط الاداء , يعنى الاحساس بالمطبات موجود حتى مع ابسط المطبات وياسلام لو نزلت فى نقرة تسمع صوتها داخل المقصورة بس ماوصلش لدرجة السيراتو

          * العربية ثباتها كويس جدا قبل ال 100 وبينزل بعد سرعة ال120 وبينزل بطريقة غريبة من بعد سرعة 140 وتخليك تمسك الدركسيون بأيدك وسنانك

          * طبعا فواصل الكبارى ليها أثر كبير جدا على عفشة العربية من الخلف وهية المرجحة الجميلة اللى فى كل عربيات كيا وهيونداى

          * فى المجمل العفشة ناشفة وصوتها مسموع داخل العربية وهية لسة جديدة تخيل بقى بعد سنتين هتعمل اية

          سابعا : الفرامل

          * الفرامل ادائها متوسط جدا يعنى بدال الفرامل مش قوى فى تماسكة تحس ان العربية التيل على النصف مع ان التيل لسة معداش علية غير 10750 كم يعنى لسة بحالة وعموما لازم تتضغط جامد شوية عشان توقف العربية , بس الفرامل مستواها جيد فى السرعات لحد 100 وبيقل عند السرعات العالية + بيقل جدا على الارض الرملية فبضطر ان اقف قبلها بفترة او عدم الكبس القوى فى الارض الرملية ( تراب يعنى عشان محدش يفتكر انى فى صحراء )

          ثامنا : مساحة الشنطة

          * العربية شنطتها ضيقة وواطية يعنى عايزة واحد استخداماتة للشنطة قليل

          تاسعا : استهلاك البنزين

          العربية عملت بيها 120 كم مابين مشى عادى وضغط استهلاكها معقول شالت معايا شرطتين

          بس فية حاجة غريبة لما بحول لل eco mode مسافة الاستهلاك ماببتغيرش مش عارف لية يعنى المفروض لو انا كنت جايب ال ستيب ترونيك كان التانك شرطتين وقايلى 115 كم مسافة سير , ولما حولت لل eco mode عديت شارع واحد بالظبط لقيتة كاتبلى 110 كم مسافة سير النسبة قلت مع انة معديتش 2000 لفة بعكس العربيات التانية لما شوفت ال eco mode بتاعها لقيتة عدل الاستهلاك على طول للاقل

          عاشرا : التسارع

          انا جربت من صفر ل 100 على ال d عملت تقريبا 10.5 ولما عملت ال ستيب ترونيك عملت 10 ثوانى مش عارف بقى فية حد جاب اقل من الارقام دية ولا لأ

          اقصى سرعة للسيارة انا جيبتها 150 ودة لان العربية بتبقى بطيئة بعد السرعة دية وعايزة طريق مفتوح + صوت الهواء مسموع بوضوح بعد 120 كم

          فى النهاية تقييم السيارة :

          الشكل الخارجى : 7.5/10

          الصالون : 6/10

          التقفيل : 8.5/10

          الاتساع : 7/10

          المحرك : 7/10

          الفتيس : 8/10

          الاستهلاك : 7.5/10

          الراحة فى القيادة : 6.5/10

          الفرامل : 7/10

          الثبات : 6.5/10 اكيد لما تتعرض بجنط اكبر هتبقى احسن

          السيارة فى المجمل : 70%

          لازم العربية يكون فيها abs

          سعرها لازم ينزل عن كدة اخرها 85 الف جنية فول اوبشن

          التقييم من وجهة نظرى
          إنتى شجعتنى إنى أشتريها وخصوصا مع توافر قطع الغيار بصورة جنونية
          [sor2]http://oi41.tinypic.com/eranop.jpg[/sor2]

          Comment


          • #50
            المشاركة الأصلية كتبت بواسطة hany63 مشاهدة المشاركة
            استاذ سامح
            الشيروكو dsg برضه وهي مكنة و فتيس الجولف tsi 160 حصان يعني بكده مافيش اوروبي بيسحب كويس فيكي يامصر الا بالفتيس الكارثه
            ليه dsg كارثه
            و لا يمكن انا الحظى حلو مع الفتيس ده
            كولو بالحنيه بيفك مع تجيات جمعيه حنينها قبل متحلبها

            Comment


            • #51
              المشاركة الأصلية كتبت بواسطة minicooper20 مشاهدة المشاركة
              ليه dsg كارثه
              و لا يمكن انا الحظى حلو مع الفتيس ده
              ربنا يديمها نعمه على حضرتك

              Comment


              • #52
                اولا الف شكر على التقييم بصراحه كانى سوقت العربيه بالظبط
                بالنسبه للرد انا فاتح الاب والجو تلج وقاعد على السرير وطبعا تحت البطاطين وجايب ماوس ويرليس وحاطت ايدى والماوي تحت البطانيه من التلج ولو طلعتها عشان اكتب او اتكلم فى التليفون بجد بتلج (انتو مشعارفين جو اكتوبر عامل ازاى بالليل) بس والله طلعتها وكتبت عشان خاطرك لان موضوعك جميل جدا وانا استمتعت واستفدت وانا بقراه
                ربنا يكرمك لانك بجد هتفيد ناس كتير بالموضوع دوت

                Comment


                • #53
                  المشاركة الأصلية كتبت بواسطة atyam مشاهدة المشاركة
                  باشا انا الفتيس بتاعى اتوماتيك وده بعد معملت صيانه ال5000 على طول والتجربه خير برهان
                  استحاله 7ونص دي خالص أنا عربيتي في 9 ثواني وجريت مع الrb مرتين كل مره بزعلة جامد وواحد منهم حب يتغاشم في غرزة قدامي مرضتش أخودها عومت ولبس في الخرصانه بسبب إنه فرمل وهو بياخد الغرزة
                  و7.5 ثانيه إستحاله في أي عربيه 1600 سي سي من غير تربو
                  [img3]http://img21.imageshack.us/img21/3957/28138510150332809507433.jpg[/img3]

                  Comment


                  • #54
                    المشاركة الأصلية كتبت بواسطة haithamameen مشاهدة المشاركة
                    اولا الف شكر على التقييم بصراحه كانى سوقت العربيه بالظبط
                    بالنسبه للرد انا فاتح الاب والجو تلج وقاعد على السرير وطبعا تحت البطاطين وجايب ماوس ويرليس وحاطت ايدى والماوي تحت البطانيه من التلج ولو طلعتها عشان اكتب او اتكلم فى التليفون بجد بتلج (انتو مشعارفين جو اكتوبر عامل ازاى بالليل) بس والله طلعتها وكتبت عشان خاطرك لان موضوعك جميل جدا وانا استمتعت واستفدت وانا بقراه
                    ربنا يكرمك لانك بجد هتفيد ناس كتير بالموضوع دوت
                    انا عامل زيك بالظبط كانك انا تقريبا كل سكان اكتوبر دة لسان حالهم بليل :)
                    تقرير تحفة يا سمسم وخوش على ال m11
                    [sor2]http://img534.imageshack.us/img534/7595/resize63.jpg[/sor2]

                    Comment


                    • #55
                      تقرير هايل يا سمسم كانت بتلعب قدامي علي الطريق من نزلات وطلعات بسيطه جدا مش ماسكه نفسها
                      المشاركة الأصلية كتبت بواسطة kareem.elaraby مشاهدة المشاركة
                      هو الراجل جاب سيره النيسان
                      و بعدين ايه الي جابك قسم الياباني !؟
                      مش انت باين الياباني البلدي !؟
                      اتكل علي الله مش هنا و علي ال fb

                      حج سمسم براحه علي العربيه و متشمتشي الاخ سونا فينا !
                      ههههههههههههههههههههههههههههههههههههههههه حلوه اوي الياباني البلدي دي

                      Comment


                      • #56
                        مبدأيا كدة انا هستعرض امكانيات ال m11 ونتوا تعملوا المقارنة مابينها وبين سيارات فئتها

                        اولا الصاج :

                        كعادة الحديث الصاج خفيف بس كويس مش وحش

                        ثانيا : الشكل الخارجى

                        شكل العربية كويس وجيد جدا , بس من الامام افضل من الخلف وتحسها متناسقة من الجنب

                        ثالثا : الصالون

                        الصراحة كل اللى اقدر اقولة خسارة دة يكون صالون عربية صينى ( الخامات ممتازة + الشكل تحفة + وسع الصالون جميل جدا + لمسة ناقل الحركة + شكل العدادات والاضاءة كلها جيملة جدا وتحس انك قاعد فى عربية تمنها معدى ال100 الف بكتير لدرجة ان كان معايا واحد صاحبى لما ركبها قالى دية تعملها كام 150 الف جنية قولتلة دية صينى وتمنها مابيعديش 80 الف جنية طبعا اتصدم

                        * العربية الدركسيون بتاعها جميل ووضعيتة ممتازة بس يعيبة خاماتة نشافة شوية بس جميل يعنى مازهقتش منة + الكراسى جميلة ومريحة بدرجة كويسة جدا

                        * الباور مش خفيف اوى يعنى مش زى الكورى

                        * العربية عزلها يوازى عزل الكورى بالظبط

                        * السيارة فيها كل حاجة مش ناقصها حاجة بصراحة من الداخل يعنى ماتقدرش تعترض على حاجة

                        * التقفيل كويس جدا ومافيش حاجة بتعمل باستثناء حاجات هبقى اقولها

                        * رؤية العربية كويس الى حد ما بس من الامام احسن بكتير من الخلف يعنى من الخلف كويسة بس افضل بكتير من الكورى

                        * المرايا عيبها تحس انها صغيرة شوية بس معقولة

                        * العربية صوت محركها داخل المقصورة بعد ارتفاع الاربى ام عن 2500 لفة

                        * صوت السماعات كويس مش وحش وتقريبا نفس درجة نقاء الكورى

                        رابعا : المحرك

                        المحرك هو نقطة الضعف فى العربية دية انا مش حاسس ابدا ان دة محرك بقوة 118 حصان تقريبا على مااتذكر لانة فعلا استجابتة ضعيفة مش قوية وخصوصا فى الطلعة ولازم تضغط عشان العربية تجرى

                        * المحرك هادىء وانت ماشى بالراحة لكن لما بتضغط جامد بتحس بصوتة

                        * فية عيب فى المحرك انك لما بتوصل لمثلا عدد لفات عالى يعنى 4000 لفة على السرعة الثانية او الاولى وتيجى مثلا هتفرمل تلاقى مؤشر لفات المحرك فضل ثابت شوية عند 3500 لفة وطبعا دة بيخلى صوت المحرك عالى وبعد كدة يبدأ ينزل تدريجيا ودة كان عيب فيها

                        خامسا : الفتيس

                        العربية اللى انا جربتها فتيس مانيوال , وبجد كان فتيس كويس فى المشى الطبيعى ودية ملاحظاتى علية

                        * الفتيس نقلاتة قصيرة شوية بخلاف النقلة الاولى بحس ان مشوارها كبير

                        * الفتيس عمل حركة غريبة وانا ماشى على السرعة الاولى حرقت روحت مفرمل جامد شوية لحد ماوقفت ودايس دبرياج عادى للاخر كدة النقلة عادى متثبتة جيت اطلع تانى لقيت العربية مافيش استجابة المؤشر بتاع عدد لفات المحرك بيعلى ومافيش حاجة بتتحرك بشوف ناقل الحركة لقيتة رجع لوضع المور ودة كان امر غريب جدا وانا واثق تماما انى ماحركتوش

                        * الدبرياج خفيف جدا ملبن سواء هو ولا دواسة البنزين

                        * العربية لو طلعت على الوضع رقم 2 وانت ماشى بالراحة هتكركر منك ولازم تسمع صوت تسقيف

                        سادسا : نظام التعليق

                        * باور خفيف بس مش اوى

                        * عفشة ناشفة جدا

                        * ثبات متوسط بس لسرعة اعلى من الكورى

                        سابعا : الفرامل

                        * بدال الفرامل كويس وقوى بس ساعات ال abs ماكنش بيلقط معايا بس فى المجمل الفرامل كويسة حتى على سرعات عالية شوية يعنى مابدأش يخف معايا غير بعد 130

                        * البدال عالى ومشوارة قليل لحد مايقفش العربية بمعنى ادق نسبة البوش فية قليلة بعكس الrb

                        ثامنا : استهلاك البنزين

                        مقدرتش احسب استهلاك البنزين للعربية دية بالظبط بس اقدر اقول انها عملت اعلى من ال rb فى نفس المسافة تقريبا يعنى اوفر شوية منها

                        تاسعا: التقيييييييم

                        1- الصاج : 7.5 /10

                        2- الشكل الخارجى : 7/10

                        3- الصالون : 9/10

                        4- المحرك : 6/10

                        5- الفتيس : 5/10

                        6- التعليق : 6/10

                        7- الفرامل : 8/10

                        8- الاستهلاك : 7.8 /10

                        9- الثبات : 7.5 / 10

                        التقييم النهائى 75%

                        ودة بسبب الاتى : عوامل الامان موجودة + العربية سعرها رخيص + الخامات ممتازة + واسعة + عالية عن الارض وثباتها كويس

                        عيوبها كلها فى المحرك + الفتيس + العفشة الناشفة

                        فى بقى حاجة كانت موجودة ان مقبض الباب بتاع السائق الداخلى كان بايظ

                        العربية : كانت عاملة 34500 كم

                        تختاروا مين ؟؟؟؟؟؟؟؟؟؟ m11/ rb
                        [CENTER][SIZE=6]SEMSEM KANE سابقا[/SIZE][/CENTER]

                        [img2]http://nileup.com/up/uploads/nilemotors_13635570671.jpg[/img2]

                        Comment


                        • #57
                          أختار الm11 بماتوور الrb
                          مقارنة ممتازة يا سمسم والله ........ منتحرمش يا ضيناية :))


                          المشاركة الأصلية كتبت بواسطة medo111 مشاهدة المشاركة
                          تقرير هايل يا سمسم كانت بتلعب قدامي علي الطريق من نزلات وطلعات بسيطه جدا مش ماسكه نفسها

                          ههههههههههههههههههههههههههههههههههههههههه حلوه اوي الياباني البلدي دي
                          بتاعتي انا الياباني البلدي ديه ...... و ديه جمعت ميزتين لياباني والبلدي مش متهدرج :))))
                          [CENTER][COLOR="Blue"][SIZE="5"]أُمـــ الغوالــــــــــــــــي ..... أُسطــــورة لـــــهــــــا تاريـــــخ :F_eyeb1[1]:[/SIZE][/COLOR]
                          [CENTER]
                          [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
                          [/CENTER]
                          [CENTER][SIZE="5"][COLOR="DarkRed"][marq="4;right;2;scroll"]Eng.Hussein GaMal[/marq][/COLOR][/SIZE]
                          [SIZE="5"][COLOR="Blue"][marq="4;left;2;scroll"]Mob. +20111 960-9399[/marq][/COLOR][/SIZE][/CENTER][/CENTER]

                          Comment


                          • #58
                            عشان المقارنه تبقى عادله لازم تتم بين نفس نوع الفتيس
                            وبعدين مع احترامي لكل الايجابيات بس لما تكون فيه تقييم ضعيف لاهم حاجه زي الموتور او الفتيس مثلا يبقى مالهاش لازمه
                            خد عندك مثلا (و ممكن كمان اعمل موضوع تفصيلي )عربيه vw و نيجي نقيمها حته حته هتاخد تقييم مايقلش عن 9 من عشره وبال tsi تزيد و تقييم الفتيس بتاعها لوحده اديله 2 من عشره يبقى للاسف عربيه غير موصي بها حتى لو تمنها مقارب لليباني

                            Comment


                            • #59
                              المشاركة الأصلية كتبت بواسطة sonasteel مشاهدة المشاركة
                              والله تقرير ولا اروووووع ماشاء الله تبارك الله
                              ياريت تعمل في كل عربية كده تيست درايف ليها هايفيد ناس كتييييييير جدا والله
                              ربنا يجعله في ميزان حسناتك يارب العالمين
                              +1111111111111111
                              انا متفق جدا مع رأيك و جزي الله خيرا صاحب الموضوع و ياريت يقول رأيه في باقي السيارات اللي في نفس الفئة السعرية

                              Comment


                              • #60
                                ماشى ياجماعة هو انا قولت انا اخترت اية انا لسة ماخترتش وغالبا هيبقة نفس رأيك يا sonasteel

                                والاستاذ هانى انا متفق معاك تماما فى رايك لان العربية ماهية الا محرك وفتيس وثبات وشوية حاجات فوق بعض
                                [CENTER][SIZE=6]SEMSEM KANE سابقا[/SIZE][/CENTER]

                                [img2]http://nileup.com/up/uploads/nilemotors_13635570671.jpg[/img2]

                                Comment

                                Working...
                                X