البـــــرد و السفـــــر

[No Comment]

السلام عليكم اولاً ...عاملين ايه فى الحر ده ...!
أما بقى ثانياً فأنا لسة راجع من مشوار للعاشر من رمضان والدنيا كانت برد نار
والطريق وانا رايح كنت ماشى متوسط 130 كم/س والطريق كان رايق ومونسنيش فيه الا عربية bm وعربية هوندا جيل خامس .
المشكلة فى الرجوع بقى الجو كان سقعة جداً ومطرت هناك شوية ونزلت ثلج والعربية بقى معظم الطريق مؤشر الحرارة مش راضى يوصل لمكانه الثابت فى المنتصف وقعد ينزل لدرجة انه وصل فى اوقات لاول علامة بتاعت الـ c .
فقمت مهدى السرعة ونزلت لـ 100 - 110 وبقيت مخنوق جدا علشان الطريق كان جميل ومشجع للجرى بس خفت على العربية من انخفاض حرارتها مع الجرى مع انها كان نفسها تنطلق .

دلوقتى المفروض ان المشكلة هتكون فى ترموستات الكوعة ، ولا يمكن البرد الجامد ده مع السرعة هو السبب .

بس السؤال الأهم اللى بيلح فى دماغى واللى علشانه عملت الموضوع ... هيحصل أيه بجد ومش كلام نظرى لو كنت كملت جرى ومهمنيش نزول مؤشر الحرارة ...؟

[OmaR_FekrY]

ولا حاجه :) يا ما جريت بالعربيه و هى لسه بارده . و زى الفل

[hugan]

العاشر من رمضان سفر ازاي
والمؤشر بينزل في الايام شديده البروده عن المنتصف لكن العربيه بتكون سخنه مش تلاجه علشان تخاف تجري بيها
لو فتحت الكبوت ووضعت ايدك علي الردياتير ها تلاقيه سخن
مفيش مشكله

[JUVENTUS]

بص يا باشا هو غلط طبعا ان انت تمشي و الموتور بارد كده و ليه تأثير سلبي بس على المدى الطويل
و هقولك ليه :
الموتور لازم يوصل لدرجه الحراره المثاليه اللي بتتظبت عن طريق ترموستات الكوعه و ميكونش بارد و المؤشر ينزل عند c
و ده عشان لزوجه زيت الموتور بتكون مثاليه عند درجه الحراره دي و بالتالي الزيت هيقدر يطلع لاعلى نقطه عند البساتم و يغطي كل الموتور من جوه عشان يقلل الاحتكاك بين الاجزاء المتحركه
انما لو الموتور بارد فالزيت مش هعمل بكامل كفاءته بسبب عدم وصوله لدرجه اللزوجه المناسبه بسبب بروده حراره الموتور

[lad]

دوس عادى

[hugan]

بص يا باشا هو غلط طبعا ان انت تمشي و الموتور بارد كده و ليه تأثير سلبي بس على المدى الطويل
و هقولك ليه :
الموتور لازم يوصل لدرجه الحراره المثاليه اللي بتتظبت عن طريق ترموستات الكوعه و ميكونش بارد و المؤشر ينزل عند c
و ده عشان لزوجه زيت الموتور بتكون مثاليه عند درجه الحراره دي و بالتالي الزيت هيقدر يطلع لاعلى نقطه عند البساتم و يغطي كل الموتور من جوه عشان يقلل الاحتكاك بين الاجزاء المتحركه
انما لو الموتور بارد فالزيت مش هعمل بكامل كفاءته بسبب عدم وصوله لدرجه اللزوجه المناسبه بسبب بروده حراره الموتور

بيعملوا ايه في اوروبا لما درجه الحراره بتنزل تحت الصفر
اكيد العربيات في اوروبا فيها سخان عند البدء فقط
لكن مافيهاش سخان والعربيه ماشيه
خلاص طالما انت تحركت بالعربيه الزيت بيكون وصل لكل اجزاء المحرك ومع السرعه الاكبر الطلمبه بتضخ بكثافه اكبر

[SAMEH_FOUAD]

حمد لله على السلامة يابو احمد

دلوقتى اولا نزول المؤشر مع السرعة العالية دة بسبب ثرموستات الكوعة

خطر جدا انك تجرى بالعربية وهية كدة وكان ممكن تجيب سبيكة طبعا دة لو كنت قرصت لكن كمشى عادى بدون قرص يعمة بتوصل بسرعات عالية بس مع عدم الضغط الزائد عمر المحرك هيقل

فكويس انك عملت كدة وحاول تركب ثرموستات الكوعة

[ahmad--ezzat]

هيا العربيه نوعها ايه
انا اول مره اسمع ان فى عربيه تبرد وتوقف من البرد
مؤشر الحراره ثابت دايما سواء ساقعه او حر ( فى العربيه الجديده بدون مشاكل فى دورات التبريد)

[mazagngi2010]

عربيتى فى الطوالى ساعات بتنزل عن c وقشطه يعنى
مش طالبه قلق ياجدعان

[JUVENTUS]

بيعملوا ايه في اوروبا لما درجه الحراره بتنزل تحت الصفر
اكيد العربيات في اوروبا فيها سخان عند البدء فقط
لكن مافيهاش سخان والعربيه ماشيه
خلاص طالما انت تحركت بالعربيه الزيت بيكون وصل لكل اجزاء المحرك ومع السرعه الاكبر الطلمبه بتضخ بكثافه اكبر

ما هي دي فايده ترموستات الكوعه يا فندم انها بتخلي الموتور محتفظ بدرجه الحراره المثاليه بتاعته
ففي دول اوروبا العربيه هتدور و بعدين السخان هيقوم بدوره لحد ما العربيه تسخن و بعدبن ترموستات الكوع تقوم بدورها و تحتفظ بدرجه حراره الموتور سخن و ما يبردش
انا معاك انه مع السرعه الطلمبه بتاعت الزيت هتضخ الزيت اكتر بس هتضخ زيت مش لزج كفايه عشان يحمي الموتور لانه الموتور نفسه بارد و لازم الموتور يبقى سخن كفايه عشان الزيت يوصل لافضل درجه لزوجه يعمل عندها بكامل كفاءته

[No Comment]

ولا حاجه :) يا ما جريت بالعربيه و هى لسه بارده . و زى الفل

لا غلط يا فكرى كدة لو انت قصدك المشى والجرى وهى لسة باردة من التوقف ... اللى انا بتكلم عليه لو سخنت كويس بس لما بدأت اشد وأجرى فوق الـ 130 بدأت تبرد وتنزل وخصوصا مع جو امبارح الى كان تلج .

العاشر من رمضان سفر ازاي
والمؤشر بينزل في الايام شديده البروده عن المنتصف لكن العربيه بتكون سخنه مش تلاجه علشان تخاف تجري بيها
لو فتحت الكبوت ووضعت ايدك علي الردياتير ها تلاقيه سخن
مفيش مشكله

العاشر سفر بالنسبة لواحد حركته اليومية من الشغل للبيت رايح جاى 30 كيلوههههههه .
والمؤشر المفروض مينزلشى لان ترموستات الكوعة هى المسئولة عن احتفاظ الماتور بالحرارة المناسبة للتشغيل وخصوصاً فى درجات الحرارة المنخفضة .

دوس عادى

لا غلط .

بيعملوا ايه في اوروبا لما درجه الحراره بتنزل تحت الصفر
اكيد العربيات في اوروبا فيها سخان عند البدء فقط
لكن مافيهاش سخان والعربيه ماشيه
خلاص طالما انت تحركت بالعربيه الزيت بيكون وصل لكل اجزاء المحرك ومع السرعه الاكبر الطلمبه بتضخ بكثافه اكبر

آه الطرمبة بتضخ لاكن الماتور بيكون بارد وهو ده السؤال أيه اللى هيحصل .

حمد لله على السلامة يابو احمد

دلوقتى اولا نزول المؤشر مع السرعة العالية دة بسبب ثرموستات الكوعة

خطر جدا انك تجرى بالعربية وهية كدة وكان ممكن تجيب سبيكة طبعا دة لو كنت قرصت لكن كمشى عادى بدون قرص يعمة بتوصل بسرعات عالية بس مع عدم الضغط الزائد عمر المحرك هيقل

فكويس انك عملت كدة وحاول تركب ثرموستات الكوعة

الله يسلمك يا سامح .
هو ده اللى بقول عليه حسيت ان فيه حاجة غلط وعلشان كدة نزلت بالسرعة من 140 لـ 100 ومزودتش عن 110 بس كنت بتخنق لان الجو كان فاضى ومشجع فكنت ارجع تانى اعلى بالسرعة لـ 120 الاقيها تنزل لدرجة انها سبتت شوية على الـ c .
طيب سؤال مش ممكن تكون السقيع الزيادة اوى ده هو السبب حتى لو ترموستات الكوعة شغالة ولما تبوظ الترموستات بيحصل ايه ؟

هيا العربيه نوعها ايه
انا اول مره اسمع ان فى عربيه تبرد وتوقف من البرد
مؤشر الحراره ثابت دايما سواء ساقعه او حر ( فى العربيه الجديده بدون مشاكل فى دورات التبريد)

العربية هوندا ومفيش عربية بتوقف من البرد ... الكلام على المشى بسرعة فى البرد فى طريق سفر مفتوح أدى الى نزول مؤشر الحرارة .
المفروض ان المؤشر يبقى ثابت زى ما حضرتك قولت ده الطبيعى عندنا فى الهوندا .

عربيتى فى الطوالى ساعات بتنزل عن c وقشطه يعنى
مش طالبه قلق ياجدعان

فعلا كانت بتحصل فى المازدا اثناء السفر شتاءً(لعدم وجود ترموستات كوعة) ... لاكن فى الهوندا المفروض متحصلشى لوجودها .

بص يا باشا هو غلط طبعا ان انت تمشي و الموتور بارد كده و ليه تأثير سلبي بس على المدى الطويل
و هقولك ليه :
الموتور لازم يوصل لدرجه الحراره المثاليه اللي بتتظبت عن طريق ترموستات الكوعه و ميكونش بارد و المؤشر ينزل عند c
و ده عشان لزوجه زيت الموتور بتكون مثاليه عند درجه الحراره دي و بالتالي الزيت هيقدر يطلع لاعلى نقطه عند البساتم و يغطي كل الموتور من جوه عشان يقلل الاحتكاك بين الاجزاء المتحركه
انما لو الموتور بارد فالزيت مش هعمل بكامل كفاءته بسبب عدم وصوله لدرجه اللزوجه المناسبه بسبب بروده حراره الموتور

ما هي دي فايده ترموستات الكوعه يا فندم انها بتخلي الموتور محتفظ بدرجه الحراره المثاليه بتاعته
ففي دول اوروبا العربيه هتدور و بعدين السخان هيقوم بدوره لحد ما العربيه تسخن و بعدبن ترموستات الكوع تقوم بدورها و تحتفظ بدرجه حراره الموتور سخن و ما يبردش
انا معاك انه مع السرعه الطلمبه بتاعت الزيت هتضخ الزيت اكتر بس هتضخ زيت مش لزج كفايه عشان يحمي الموتور لانه الموتور نفسه بارد و لازم الموتور يبقى سخن كفايه عشان الزيت يوصل لافضل درجه لزوجه يعمل عندها بكامل كفاءته

الله ينور عليك يا يوفينتوس صح كلامك ... كنت قريت قبل كدة تفصيل موضوع أهمية الحرارة المناسبة للتشغيل والاضرار اللى ممكن تحصل بالتفصيل لو الحرارة انخفضت بس نسيت التفاصيل .
ـ ـ ـ ـ ـ
دلوقتى انا عاوز اتناقش معاكم عن الأضرار بجد الحقيقية اللى ممكن تحصل لو زودت وعديت الـ 150 وطالع لحد الـ 200 وحرارة الماتور مش فى المعدل الأمثل الطبيعى بتاعها للتشغيل .
هل يا ترى هيكون تأثيرها هيبقى على السبايك فقط زى ما سامح قال ولا ايه تانى هيحصل وهيتأثر .

[tarekzein]

مش عايز أفتى

بس أظن أنه ممكن تمشى عادى لو ثرموثتات الكوعه شغاله تمام


عموما كنت داخل أقولك...... يامراحب...... يامراحب

[Hamdy Masria]

اللى اعرفة ان وش السلنددر هيتشوة
والله اعلم

[No Comment]

يا مراحب مين يا بكاش انت ... أمشى من قدامى لآحدفك بحاجة .
ـ ـ ـ
ازيك يا حمدى ... مهو اللى عاوز اعرفه الأضرار يعنى دلوقتى بتقولوا ممكن تضر سبايك ووش سلندر هل من مزيد ...؟

[Hamdy Masria]

يا مراحب مين يا بكاش انت ... أمشى من قدامى لآحدفك بحاجة .
ـ ـ ـ
ازيك يا حمدى ... مهو اللى عاوز اعرفه الأضرار يعنى دلوقتى بتقولوا ممكن تضر سبايك ووش سلندر هل من مزيد ...؟

انا عندى وش سلندر قديم لو شوفتوة هتتخض
مش مشوة بس لأ مخررررررررم كمان
كله اخرام وملح ومش نافع ببصلة