تسعير سيفيك 2008

[محمد أنور]

السلام عليكم
انا قدامي سيفيك 2008 lxi و العربية ما شاء الله عليها فابريكة برة و جوة من الاكصدام للأكصدام (مع العلم ان الاكصدمات مخربشة بس لسة ببوية الفابريكة) العربية فيها مثبت سرعة و فوجات و جنوط هوندا اصلية 16 و اربع كاوتشات جداد و العربية حالتها جيدة جدا بس ماشية 87 الف كيلومتر
كنت عاوز اعرف العربية دي تقريبا تسوى كام و اكشف عليها فين خصوصا اني لما سقتها حسيت ان فيها مشكلة في علبة الدروكسيون و لو هكشف عليها في التوكيل كام رقمهم و تقريبا كشف التوكيل بكام ؟

[hany63]

تعمل من 120000 الى 125000 عشان الشكل ده زاد لما نزل الجديد وروح اكشف في التوكيل اللي في التجمع الخامس 330 جنيه بس اتأكد من موضوع العلبه عشان تعمل حسابك في الفصال و نمرتهم 19811 والعداد ده ولا حاجه في الهوندا

[محمد أنور]

بشكرك يا استاذ هاني عالرد طب لو حبيت اكشف في الحرفيين مثلا اكشف عند مين ؟

[TOOLA]

من 100,000 ل 105,000 الف جنيه تقريبا, اكتر من كده يبقى سعر مبالغ فيه مش هتتباع, خصوصا انها ماشية شوية.

[hany63]

للاسف معرفش حد في الحرفيين بس ياريت التوكيل عشان العربيه مش رخيصه

[Mahmode]

تعمل من 120000 الى 125000 عشان الشكل ده زاد لما نزل الجديد وروح اكشف في التوكيل اللي في التجمع الخامس 330 جنيه بس اتأكد من موضوع العلبه عشان تعمل حسابك في الفصال و نمرتهم 19811 والعداد ده ولا حاجه في الهوندا

من 100,000 ل 105,000 الف جنيه تقريبا, اكتر من كده يبقى سعر مبالغ فيه مش هتتباع, خصوصا انها ماشية شوية.

120 -125 كتير و100-105 قليل. هيا رنجها بالجنوظ بال 87ألف كم في رأيي 110-115 ألف لو فابركة بالكامل.

[TOOLA]

[QUOTE=Mahmode;3874055823]120 -125 كتير و100-105 قليل. هيا رنجها بالجنوظ بال 87ألف كم في رأيي 110-115 ألف لو فابركة بالكامل.[/QUOTE

يا باشا,110 - 115 تجيب عداد قليل فى رينج 50,000 ك, انا على فكرة بتكلم لأنى بدور بقالى شهر ما بين سيفيك و مازدا 3 و أوكتافيا, و سيبك من البيعرض بيعرض بكام, اسأل الخلص خلص بكام, بس انا عموما رنجى اقل من الكلام ده انا بدور على 2007 عداد قليل و رشة اخرها حزام , مثال م 2007 ماشية فى حدود 65 الى 75 و رش بسيط بيبدأ كلام من 100 ل 105 الف و وبيخلص من 92 ل 100 الف على حسب الحالة.

نقطة كمان للأخ البيشترى, السوق هادى جدا و ناس كتير ماسكة ف فلوسها و مبتشتريش عشان خايفين من 25 يناير (ده كلام أكتر من صاحب معرض), ففرصتك تخلص فى الأسبوع ده و البيمسك فى سعره مبيبعش من الأخر تقولو ده ريسك عليك و على البيبيع ممكن الدنيا تتدهول يبقى هوا فلت بفلوسو ولحق يبيع و ممكن تمر بسلام و يبقى انتا اشتريت بسعر كويس, و اى حد بيبيع فاهم كده خصوصا لو تاجر او معرض, بس بعد 25 يناير (لما تعدى على خير ان شاء الله) الله أعلم السوق هيحصل فيه ايه.

[TOOLA]

سيفيك | 2008
أضيف منذ 1 يوم ج
116,000

1600 سى سى |66,000 كم
لهواة الحالات النادرة سيفيك لون أسود فرش بيج فابريكة بالكامل بدون خدوش صيانة دورية بالتوكيل السيارة بكتالوجتها ومفتاح الاسبير لا تحتاج لاي مصاريف السعر قابل للتفاوض المعقول أثناء المعاينة ؛أرجو الاتصال للجادين وشكرا

• ناقل أوتوماتيك
• تكييف
• سنتر لوك
• باور ستيرنج
• 4 باب
• مثبت سرعة
• نظام ABS
• زجاج كهربائية
• وسادة هوائية
• للبدل ب:لا

• اتصل بالمالك
• kahled osman
• 0111113234

ده ممكن يخلص 110 أو 112 اخرها