عربيتى بتعمل فيبراشن

[mohannd]

كيف الحال يا هونداوية
انا بعمل اليومين دول صيانة سريعة لهونداتى ورحت عند جاسم غيرت الريداتير وزيوت وجرب العربية قالى محتاجة طقم اصلاح علبة دريكسيون فى شارع شمبليون وطقم اصلاح كربراتير فى مركز الصفا وطبعا كلمت المنقذ بتعنا سمسم باشا ودلنى على شوية حجات مهمة ....المهم انا عندى حاجة غريبة وخايف منها العربية اوتوماتيك لما اكون ماشى واهدى علشان دخلة او يوتيرن احس برجرجة جامدة فى العربية كلها وبصراحة خايف جداااااا من الفيتيس لو حد عارف الحوار دة من اية ياريت يقولى

[wildwest100]

كيف الحال يا هونداوية
انا بعمل اليومين دول صيانة سريعة لهونداتى ورحت عند جاسم غيرت الريداتير وزيوت وجرب العربية قالى محتاجة طقم اصلاح علبة دريكسيون فى شارع شمبليون وطقم اصلاح كربراتير فى مركز الصفا وطبعا كلمت المنقذ بتعنا سمسم باشا ودلنى على شوية حجات مهمة ....المهم انا عندى حاجة غريبة وخايف منها العربية اوتوماتيك لما اكون ماشى واهدى علشان دخلة او يوتيرن احس برجرجة جامدة فى العربية كلها وبصراحة خايف جداااااا من الفيتيس لو حد عارف الحوار دة من اية ياريت يقولى

هوا مفيش طقم اصلاح علبة دريكسيون غير فى شامبليون؟

[m3touk_85]

اعتقد الرجرجة دي قواعد

[mohannd]

انا بصراحة معرفش بس اى حد يسمع علبة دريكسيون يقولى شامبليون وفى ناس قالت فاكس الحوار دة لازم تغير العلبة لو عملت طقم اصلاح هترجع تانى بعد شهرين ولحد دلوقتى انا مش عارف اعمل اية

[mohannd]

ما ظونش قواعد بصراحة بس الله اعلم ممكن

[SAMEH_FOUAD]

اولا طقم الاصلاح اللى موجود لعلبة الدركسيون فى حالة انها تكون بتجيب زيت فقط , ودة سعرة الاصلى 350 جنية وموجود فى الحرفيين عادى ( يبقى طقم الاصلاح هنا هيكون فى حالة تسريب زيت )

- اما لو علبة الدركسيون نفسها مبوشة فاول حاجة بنشوفها ( البارات الخارجية والداخلية ) - الكبالن الداخلية والخارجية - كاوتش الميزان - كاوتش علبة الدركسيون
لو لسة العيب موجود بيتعمل حاجة اسمها رجلاش لعلبة الدركسيون ودة بيربط بيها الترس شوية بحيث يقلل حركتة وطبعا بتتقل الباور بس بتكتم الصوت بس لو العربية ضايعة يبقى ولا هتعمل حاجة

- الكربراتير زى ماقولتلك فى التليفون

- بالنسبة بقى للرعشة اللى بتحصل طالما مافيش اى حاجة بتحصل فى النقلات يعنى النسب مظبوطة العربية بتنقل من غير نتشة او تأخير او هزة يبقى كدة الفتيس سليم بإذن الله
لكن العيب هنا هيكون من قواعد وغالبا هتلاقيها قاعدة المحرك الكبيرة الموجود فى النصف - ممكن تلاقى العربية الاربى ام بتاعها بيوطى عشان كدة بترعش معاك وترجرج

فياريت بس توضوح اكتر للحالة عشان يبقى الاجابة سليمة

[lord_of_egypt22]

- الكربراتير زى ماقولتلك فى التليفون
..
..

قلتله ايه بالظبط ان شاء الله
ما احنا برده عندنا كاربيراتيرات

[mohannd]

شكرا ياسمسم على اهتمامك وسورى على التاخير فى توضيح المشكلة بس كان عندى حالة وفاة واحد قريبى كان ضمن الشباب الى استشهدو فى بور سعيد
انا عملت طقم الاصلاح لعلبة الدريكسيون فى شمبليون وكانت البارات عايزة تتكبس عملتها بالمرة وغيرت كاوتش اسمة كاونس طعمية هما 4 فى كل جانب الحوار دخل فى حوالى 400 جنية وبعدين طلع الكبالن فيها مشكلة روحت عند بتاع الكبالن كشف عليهم واحد مكانش متبهدل اوى والتانى كان جايب صليبة المهم عملتهم 150 جنية العربية طبعا اختلافت تماما عن الاول بس سعات بحس برعشة خفيفة لما اهدى واكسر الدريكسيون ومش عارف اعمل اة تانى فى ام العربية الى فلاستنى دى واسف على الاطالة

[SAMEH_FOUAD]

شكرا ياسمسم على اهتمامك وسورى على التاخير فى توضيح المشكلة بس كان عندى حالة وفاة واحد قريبى كان ضمن الشباب الى استشهدو فى بور سعيد
انا عملت طقم الاصلاح لعلبة الدريكسيون فى شمبليون وكانت البارات عايزة تتكبس عملتها بالمرة وغيرت كاوتش اسمة كاونس طعمية هما 4 فى كل جانب الحوار دخل فى حوالى 400 جنية وبعدين طلع الكبالن فيها مشكلة روحت عند بتاع الكبالن كشف عليهم واحد مكانش متبهدل اوى والتانى كان جايب صليبة المهم عملتهم 150 جنية العربية طبعا اختلافت تماما عن الاول بس سعات بحس برعشة خفيفة لما اهدى واكسر الدريكسيون ومش عارف اعمل اة تانى فى ام العربية الى فلاستنى دى واسف على الاطالة

اولا البقاء لله وربنا يرحمة برحمتة ويكون من اهل الجنة

اولا ياريت توضح هما عملوا اية بالظبط فى علبة الدركسيون ؟؟؟؟

بالنسبة لكبس البارات مابتكملش لان بترجع تانى البلية تبوش اكتر من الاول

ال 4 فى كل جنب دول اسمهم طقم كاوتش ميزان ودول بيجوا جديد rbi تايلاندى متركبين كل اربع كاوتشات بالاطباق بتاعتهم فى مسمار وسعر المسمار الواحد + الاربع كاوتشات ×2 75 جنية ودول كانوا لازم يتجابوا بنوع مخصص لهوندا

تصليح الكبالن بيختلف اذا كان خارجى ولا داخلى

بالنسبة للداخلى : لو الصليبة فيها مشكلة بتتغير , لو البلى او الاظرف فيها مشكلة بتتغير وكل واحد من البلى او الاظرف بيعمل 15 جنية استيراد او 30 جنية جديدة ( قليل جدا )

لو كان فية عيب فى جسم الكوبلن الداخلى نفسة ( القلة ) بيتغير بواحدة نظيفة من نفس النوع والحجم

بالنسبة للكوبلن الخارجى : اى بوش يظهر فى الكوبلن او طقطقة لا انصح بلحامة كهربائيا من الداخل لانة اجراء مالهوش اى لازمة وبيضيع فلوس وخلاص لانة بيملى الفجوة اللى مابين البلى والبوكس اللى بيتثبت فية البلى بتاع الكوبلن بحيث انة يخلى مافيش بوش ودة بيتم عن طريق لحام كهرباء بس انا مابفضلوش هو هيقعد فترة قصيرة بس هيرجع يبوظ ولابد من تغيرة

رعشة الدركسيون لو بتكون موجودة عند التهدئة وكسر الدركسيون كدة لازم تبص على قطمة الدركسيون

[sherifknight]

مشكلة فى الـــ i10

السلام عليكم ورحمة الله وبركاته

عندى مشكلة فى العربية i10 موديل 2008، العربية لما أسخنها وأمشى بيها فجأة لما ابتدى أغير السرعات من الأول للثانى أو من الثانى للثالث، واول ما ارفع رجلى من على البنزين وادوس دبرياج الاقى صوت الموتور يعلى بالرغم من انى لا ادوس على البنزين، والاقى العربية تجرى بسيط، لازم ادوس على البنزين بعد كده (أنطشه) عشان الصوت يروح، العربية بتعمل معايا كده 5 او 6 مرات فى الساعة.

لو ممكن حد يقولى أى الموضوع اكون شاكر جدا

[mohannd]

هما عملو طقم اصلاح لعلبة الدريكسيون وغيرو الكوتش بتاعها والمفروض حجات جوة علبة الدريكسيون بس مش عارف اية بالظبط بس مفيش تخبيط دلوقتى فى الحتت المكسرة والبارات كانو مبوشين جامد قالى لازم بتكبسو قولت ماشى وشاف كاوتش الميزان وقالى لازم يتغير وخلانى اجبلو مقاس معين وجبت ال8 بى 20 جنية وراكبهم فى نفس المسمار القديم ..
الكبالن روحت عند واحد تانى فى المعادى وقالى الكبلن الشمال الصليبة بتاعتة مكسورة فك الاتنين وكاشف عليهم وظبطهم وجرب العربية معايا وقالى معاك ضمان 6 شهور ....... دلوقتى لو فى حاجة فى قطمة الدريكسيون مش كانت هتبان وانا بعمل طقم الاصلاح بتاعها ...................... وبصراحة انا لحد دلوقتى مرحتش عند حد اشتغل فى العربية وحاستو انو فاهم اى كلام بيتقال فى اى حتة وخلاص وانا تعبت بجد مصاريف على العربية ومشوفتش منها غير وجع القلب والديون انا كان معايا استراليت والله برقبتها كنت بخيط اى حد على الطريق انما مع عربيتى حاسس انى سايق زى الناس الكبيرة اخرها معايا 100 -120 بس مش مشكلة مستحمل علشان عارف انى معايا عربية محترمة بس عايزة فلوس معلش على الفضفضة ووجع دماغكم

[SAMEH_FOUAD]

هما عملو طقم اصلاح لعلبة الدريكسيون وغيرو الكوتش بتاعها والمفروض حجات جوة علبة الدريكسيون بس مش عارف اية بالظبط بس مفيش تخبيط دلوقتى فى الحتت المكسرة والبارات كانو مبوشين جامد قالى لازم بتكبسو قولت ماشى وشاف كاوتش الميزان وقالى لازم يتغير وخلانى اجبلو مقاس معين وجبت ال8 بى 20 جنية وراكبهم فى نفس المسمار القديم ..
الكبالن روحت عند واحد تانى فى المعادى وقالى الكبلن الشمال الصليبة بتاعتة مكسورة فك الاتنين وكاشف عليهم وظبطهم وجرب العربية معايا وقالى معاك ضمان 6 شهور ....... دلوقتى لو فى حاجة فى قطمة الدريكسيون مش كانت هتبان وانا بعمل طقم الاصلاح بتاعها ...................... وبصراحة انا لحد دلوقتى مرحتش عند حد اشتغل فى العربية وحاستو انو فاهم اى كلام بيتقال فى اى حتة وخلاص وانا تعبت بجد مصاريف على العربية ومشوفتش منها غير وجع القلب والديون انا كان معايا استراليت والله برقبتها كنت بخيط اى حد على الطريق انما مع عربيتى حاسس انى سايق زى الناس الكبيرة اخرها معايا 100 -120 بس مش مشكلة مستحمل علشان عارف انى معايا عربية محترمة بس عايزة فلوس معلش على الفضفضة ووجع دماغكم

معلش انا لا اوافقك الرأى فى حاجات كتير وهما كالاتى :

1- علبة الدركسيون الشغل اللى فيها اعتقد انة العيب اللى كان فية من البارات الداخلية والخارجية ليس اكتر

2- طقم كاوتش الميزان اللى ركب دة مش بتاعها الاصلى واردىء نوع موجود فى السوق وطبعا باين من سعرة

3- قطمة الدركسيون بتتفك من جوة العربية ولو عايز تعرفها لف الدركسيون بايدك يمين وشمال وفوق وتحت وحط ايدك عليها من تحت خالص هتلاقى الصليبة بتاعتها اللى رابطة بعلبة الدركسيون

4- انا مش معاك خالص فى اللى انت بتقولة على العربية لان السيفيك الموديل دة مع ناس كتير ومبهدلين بية عربيات كتير فى الثبات والجرى مع ان المحرك 1500 كربراتير 92 حصان بس ماشاء الله تحفة ولا يمكن ابدأاااااااااااا مقارنتها بال starlet لانها كانت مع صاحبى ومش عايز اقولك ان كانت كل مميزاتها هية استهلاك البنزين غير كدة مافيش

[mohannd]

ياسمسم والله عارف انى معايا عربية محترمة وانا دورت على العربية دى 3شهور لحد ماجبت عربية نظيفة والحمد لله وكل الى يشتغل فيها يوقلى الحاجة دى اول مرة تتفك بس بجد خادت منى مصاريف كتير اوووى اة بحس بكل قرش بيدفع بس مش زى مانا عايز يالا ربنا يسهل وتطلع قماش هحوشلها مبلغ تانى محترم ونشوف اية الاخبار تانى فى العفشة ..... بس على فكرة انا كان معايا استراليت مختلفة كانت عليها مكنة 1600 انجيكشن اوتوماتيك وباور والله كانت بتقفل امبار مستريحة اوى وانا كنت عامل فيها شغل عالى .......

[aboulojain]

- الكربراتير زى ماقولتلك فى التليفون
..
..

قلتله ايه بالظبط ان شاء الله
ما احنا برده عندنا كاربيراتيرات

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!

[SAMEH_FOUAD]

السلام عليكم ورحمة الله وبركاته

عندى مشكلة فى العربية i10 موديل 2008، العربية لما أسخنها وأمشى بيها فجأة لما ابتدى أغير السرعات من الأول للثانى أو من الثانى للثالث، واول ما ارفع رجلى من على البنزين وادوس دبرياج الاقى صوت الموتور يعلى بالرغم من انى لا ادوس على البنزين، والاقى العربية تجرى بسيط، لازم ادوس على البنزين بعد كده (أنطشه) عشان الصوت يروح، العربية بتعمل معايا كده 5 او 6 مرات فى الساعة.

لو ممكن حد يقولى أى الموضوع اكون شاكر جدا

اهلا بيك اولا فى قسم هوندا

يعنى لو انت دايس بنزين وماشى عادى وشيلت رجلك من على بدال البنزين كأنك مثلا بتهدى سرعتك , مافيش تعليقة والعربية ماشية عادى , لكن اول لما بتدوس على الدبرياج بتلاقى صوت المحرك ارتفع والعربية بتجرى شوية وعشان تفك التعليقة لازم ترفع بدال البنزين او تضغط علية

طيب عموما هية مشكلتك كدة فى واير الاكسراتير بيعلق