تقرير عن هوندا سيفيك 2012 اسعار الفئات والكماليات ومقارنة وسؤال

[Mohamed.Ramah]

اولا انا عارف العنوان غريب شوية ولاكن الموضوع حيوضح العنوان

بالنسبة للشكل فلقد اختلف علية الكثير وانا رايت ان دة اوضح صور للسيارة
الانطباع الشخصى جميلة من الامام بشكل هوندا المميز يعيب عليها الشكل من الخلف فهو مقبول و كان من الممكن ان يكون احسن

صور السيارة :











ثانيا بالنسبة للسعر : السعر التى طرحت بية هوندا بمصر دة سرقة اولا قبل ما يبقى غالى جدا وخاصة ارتفاع سعرالسيارة منذ 2007
بالنسبة للاسعار وحبيت اعمل مقارنة سريعة بين الكماليات والفئات بالسعودية انا محبتش اضيف اسعار من اى بلد اخرى حيث انها الاقرب لنا بفارق بسيط فى فرق سعر العملة ولاكن شتان الفرق بين السعر والكماليات بين السيارات

وانا قمت بعمل التقرير الاتى عن الاسعار والكماليات بيوضح كلامى اكثر :
فى توكيل هوندا - شركة عبدالله هاشم - جدة طريق المدينة
مع اختلاف السعر فى مكة باكثر بحوالى 5000 ريال فى اول فئتين فقط

وكانت الاسعار كالاتى :
اول فئة 1.8LXI ب 67 الف ريال
وثاني فئة EXI ب 74 الف ريال
وثالث فئة VTI ب 100 الف ريال

ب 100.000 ريال بما يعادل 160.000 جنية مصرى !!! دة VTI

مقارنة بمصر:

السيفيك 2012 فئتين الفئه الاساسيه LXI تمنها 176 الف والهاي لاين VTI تمنها 199 الف
بغض النظر عن الكماليات انا مش حعيد ذكرها علشان بتدايقنى !!
----
الفئات والتجهيزات فى السعودية :

الفئة الاولى ستاندرد 1.8LXI

- الموتور 1.8 - 139 حصان
اقصى عزم 17.7 عند 4300
نظام الدخول من دون استخدام المفتاح متوفرة
نوافذ كهربائية مع فتح/إغلاق أوتوماتيكي (مقعد السائق)
مكيف هواء يدوي
ظهر المقعد الخلفي قابل للطي مقعد واحد فقط
نظام صوتي AM/FM/CD مع مكبرين للصوت
التحكم بمستوى الصوت حسب سرعة السيارة (SVC)
مدخل AUX
MP3/WMA
خاصية ECON
تعديل ارتفاع مقعد السائق
عدادات رقمية متعددة المستويات
تكنولوجيا Drive by Wire
انظمة الامان:
نظام منع دوران المحرك
نظام الإنذار من السرقة
نظام المساعدة في ثبات السيارة (VSA)
نظام الفرامل المانعة للانغلاق (ABS)
نظام التوزيع الإلكتروني لقوة الفرامل (EBD)
نظام الوسائد الهوائية SRS في الأمام عددها 2
أحزمة أمان ELR من 3 نقاط لـ 5 ركاب
مساند رأس نشطة
--------------------------------
الفئة الاوسط 1.8 EXI تزيد الاتى :

نظام تثبيت السرعة
أزرار للتحكم بالنظام الصوتي على عجلة القيادة
جنوط 16 المونيوم
عرض ذكي متعدد المعلومات (i-MID)
كاميرا للرؤية الخلفية
نظام استخدام الهاتف من دون اليدين (HFT) بتقنية البلوتوث
عجلة قيادة مغلّفة بالجلد
ظهر المقعد الخلفي قابل للطي انقسام 60/40
نظام صوتي AM/FM/CD مع 6 مكبرات للصوت
عرض لدرجة الحرارة الخارجية
فوج لايت - مرايات ابواب كهرباء مع اشارة الاتعطاف- فتحة سقف مع خاصية التحكم فى وضع الميل -
الامان
نفس الفئة القياسية فى المواصفات الامان
------------------------------------------
يزيد فى اعلى فئة VTI الاتى :

مكيف هواء أوتوماتيكي فقط
مصابيح أمامية بتفريغ عالي الكثافة (HID)-
بالنسبة للمقصورة الداخلية والكماليات :
فرش جلد وGPS
بالنسبة للامان تزيد
نظام الستائر الهوائية الجانبية في الأمام والجوانب
8ايرباج

السؤال الدائم الجاب لناس كتير شلل وكرهو العربيات بسببة مش لتوكيل محدد ولاكن التوكيلات فى مصر اين توكيل هوندا مصر من الاسعار دة والتجهيزات دة .؟؟ هل السعودية فى كوكب تانى او انا جايب الاسعار من اليابان مثلا علشان محدش يقول ما لازم تبقى ارخص مش عارف الى متى حتفضل التوكيلات تتلاعب بينا وتنزلنا اقل الامكانيات باغلى الاسعار !!!

للتاكد من الاسعار يتفضل يكلم الوكيل ويعرف الاسعار :
هوندا | المملكة العربية السعودية | سيفيك

[hany63]

انا شايف الحكومه هي اللي بتسرقنا عشان كل عربيه داخله البلد نص تمنها جمارك و رسوم و ضريبة مبيعات وده للفئه ال 1600 فأقل فالوكيل مفيش قصاده غير تقليل الكماليات لتحقيق هامش ربح
ده فيه حاجه ماحدش واخد باله منها وهي تمن العربيه بالنسبه لمتوسط دخل الاسره يعني مثلا في الخليج الموظف الخليجي العادي دخله لايقل عن 35000 جنيه مصري فتقف العربيه الزيرو بما يوازي مرتب 3 اشهر
نيجي لمصر هنلقى الدخل 1500 جنيه بمايوازي 120 شهر عشان يجيب نفس العربيه بعد الجمارك يعني المصري افقر ميت مره و العربيه الطاق طاقين بجد حاجه تقرف

[XxMaDaxX]

العربية تصميمها ممكن في الحقيقة يبقى احلى من الصور على فكرة
و هي من ورا شبه الكامري 2005
اما بخصوص التوكيل في مصر فمش هتكلم عشان بفقد اعصابي

[Hamdy Masria]

اولا ... شكرا على التقرير وتسلم ايدك
ثانيا ... السعودية مش فى كوكب تانى
انت بس نسيت ان مصر هى اللى عالم تانى
ركز شوية وانت تعرف ان مصر للأسف اى قانون
او ظاهرة عالمية تلاقينا مشيين بالعكس
يعنى العربيات ترخص برا تغلا عندنا
البنزين يرخص برة يغلا عندنا
الثورة تنجح برة تفشل عندنا

[Mohamed.Ramah]

اولا شكرا على مشاركتكم ومتفق معاكم فى ارائكم لان فى الفترة الاخيرة بالفعل انتشرت بصورة كبيرة فكرة رفع السعر واستفزاز العملاء المصريين المفروض يبقى فى وقفة ضد الهبل دة لان ولا دة كماليات ولا اسعار بتنزل العملية بقت مساومة تزود دة تدفع اكتر مبقاش فى كماليات محدد ودة بدليل ابتدت عربيات تنزل ب 7 فئات و10 باسعار غالية عن سعرها بمراحل وصحراء مفيهاش الكماليات الاساسية حتى انا مش عارف اية الحيحصل بعد كدة العربيات العادية حتبقى ب 500.000 بعد كدة ولا اية !!!