استهلاك بنزين سيفك 93

[link7200]

انا معايا بتعمل 250 ك فى الصفيحه
هل دا المستوى الطبيعى بتاعها مع العلم انها 1600 سى سى
انا حاسس انها بتكل بنزين , الى يعرف مقدار استهلاكها فى الوقود ياريت يدينى خبر

[Khalid Shalabi]

انا معايا 1600 برضة جوة البلد الصفيحة بتعمل 230 او 240 و في السفر 280 ك بس بتبقى غول بنزين مع التكييف او مع الشد او السرعات العالية

بجد الموتور دا بروحين واحدة بنت ناس و هادية و حلوة في البنزين و التانية وحش كاسر مابييرحمش لا في السرعة و لا في البنزين

[link7200]

دا معايا ال 250 ك فى السفر
و بصراحه بتجرى جرى الوحوش
(شكلها من النوع الكاسر الى مبيرحمش ) ):

[Khalid Shalabi]

وفي السلانسية فلة برضة :)

على فكرة انا قصدي 280 ك في السفر دا على سرعة ثابتة و معقولة بس لو 160 و 180 و 200 ك/س و الكلام دا يبقى متسالش اكيد على البنزين

بجد انا من كام يوم كنت في الاسكندرية الساعة 12 ميد نايت و كان مزاجي عنب الحمد لله اخد الكورنيش دا على 150 و لاول مرة بجد استمتع و انبهر بثبات و تسارع وهمي و جرريت ورايا اربع عربيات 1600 الماني على ياباني بس كلة كان بيهدي في الملفات

عشان اتجنب هجوم و انتقاد رجالة المنتدى الكرام انا طبعا بعترف ان دا غلط جدا بس هيا بتبقا واننا كدا مرة في السنة و الحمد لله ربنا ستر

مستر link7200 هي فعلا ممكن تكون بتاكل بنين شوية لو سرعتك معتدلة بس اوفراوول لو حسبت انك راكب 1600 موديل 93 و بتعمل 250 ك في الصفيحة و قارنتها بالموديلات الحديثة نفس الفئة هتلاقيها حلوة اوي .

[S H @ F T]

انا معايا 1600 برضة جوة البلد الصفيحة بتعمل 230 او 240 و في السفر 280 ك بس بتبقى غول بنزين مع التكييف او مع الشد او السرعات العالية

بجد الموتور دا بروحين واحدة بنت ناس و هادية و حلوة في البنزين و التانية وحش كاسر مابييرحمش لا في السرعة و لا في البنزين

+100000000000000000000000

[link7200]

عشان اتجنب هجوم و انتقاد رجالة المنتدى الكرام انا طبعا بعترف ان دا غلط جدا بس هيا بتبقا واننا كدا مرة في السنة و الحمد لله ربنا ستر

يا اخى الفاضل مين الى يهاجمك از كان كله بيطير من على الارض