بوبينة الهوندا سيتي من الخارج؟؟

[مبناميزا]

للاسف بعد اقل من 100,000 ك أخبرني التوكيل ان البوبينا باظت وإني محتاج اغير الطقم كله (8 بوبينه) بـ 6000 جنيه لان العربية كانت بتقطع , سألت بره وقالو إن ممكن اجيبها استيراد بـ 2500 بس أنا عايز اجيبها جديدة من بره مصر, بس للأسف الهوندا السيتي دي مش معروفة بره.
فـلو ممكن حد من أهل الخبرة يفيدني أو يدلني أعرف منين اجيبها من بره أو حتى رقم المنتج عشان ابحث بيه بره عالبوبينا.
ولو حد جرب قبل كده يعمل الموضوع ده يقولي رأيه.
الهوندا سيتي عربية ممتازة, بس 6000 جنيه في اقل من ال 100k حراااااام :)

شكرا للمساعدة.

[mezo_88]

السيتى هى نفس قطع غيار الهوندا جاز و اسمها فى امريكا و اوروبا هوندا فيت fit ممكن تسأل على اساس الأسم دا مش السيتى

[OmaR_FekrY]

هى السيتى اللى مع حضرتك موديل كام ؟؟؟ لان انا معايا سيتى موديل 2005 كانت بتقطع برضو .. فكشفت عليها كان الميكانيكى بيقولى بوبينه .. بس كشفت عليها عند واحد تانى قالى حساس كرنك و كان عنده واحد مستعمل ركبه مكانه الحساس عندى العربيه ظبطت .... فمستنى اشترى حساس جديد تماما و اركبه


حاول حضرتك يمكن يطلع العيب عند حضرتك برضو من حساس الكرنك ... و للعلم انا عربيتى ماشيه 105000 يعنى قريبه من عربيه حضرتك