عزيزى بابا ضياء (قصدى سمسم): ماذا تفعل لو كنت مكانى؟

[Nicoblaksoon]

"الموتور فيه سبيكة داخلية عايزة تتغير. احنا غيرنا الخارجية. لكن الداخلية لازم نطلع الموتور بره علشان نغيرها. وانت مش عايز تطلع الموتور بره"

الميكانيكى المحترم قاللى الكلام ده بعد ما غيرلى طقم الشنبر وقفللى الموتور ومشيت بالعربية مسافة حوالى 300كم تليين وسمعت صوت خشونة فى الموتور بيزيد ورجعتله وسألته

افيدونى بالله عليكم: هل فيه حل سهل للموضوع ده؟
ويعنى ايه السبيكة دى اصلاً؟

[SAMEH_FOUAD]

اولا بالنسبة للموضوع بتاعك دة اكيد طبعا كل السبيكة هتتعمل عادى والمحرك موجود من غير مايطلع برة بس دة هيعتمد على مدى حالة ركب الكرنك

ثانيا : السبيكة مابتعملش صوت خشونة , السبيكة بتعمل صوت تكتكة او تنقير جاى من داخل البلوكة

وطبعا لو الحالة متأخرة هتسمعها بمجرد ماتدور المحرك , ولو الحالة لسة فى اولها هاتسمعها عند الضغط على المحرك فى اربى ام عالى او لو الحالة متوسطة هتسمعها فى اربى ام منخفض يعنى على 3000 مثلا

ثالثا : نقطة انة يركب السبيكة من تحت دية تنفع سواء فوق اوتحت مش داخلية وخارجية

السبيكة دية لقم بتبقى متركبة عشان توصل البساتم بعمود الكرنك

اتاكد من الصوت الاول واشوف صوت الخشونة جاى منين لان ممكن تكون طلمبة الزيت وحشة وهية اللى عاملة صوت الخشونة

[makmak_10]

بيفكرك بأيه الموضوع ده يا سمسم؟؟؟
عموما ياباشا اكشف فعلا كويس و فيه ميكانيكيه ممكن يغيروها من تحت و فيه ناس تانيه تقولك الاضمن و الموتور بره عشان نكشف علي الكرانك بالمره..و انت و الميكانيكي بتاعك بقي و ربنا يكرمك انشاء الله

[Nicoblaksoon]

اشكركم على الإهتمام والرد
استاذ سمسم:
الصوت فعلا صوت تكتكة وتنقير جاى من الداخل
ولكن الصوت ده كان خفيف جدا قبل ما الميكانيكى يفك الموتور علشان يركب طقم الشنبر والميكانيكى هو اللى لاحظه وقاللى الموتور فيه سبيكة وغيرها فعلاً. ولكن ماقالليش على السبيكة اللى تحت واللى فوق غير بعد ما قفل الموتور وسمع الصوت تانى!!!!
وبعد تقفيل الموتور: الصوت بدأ يزيد كل ما امشى مسافة اطول
ما اعرفش ايه اللى ممكن يكون الميكانيكى عمله علشان يحصل ده!!
على اى حال: ازاى وفين وامتى اقدر اوريلك العربية علشان تسمع الصوت وتميزه بنفسك؟؟

[Nicoblaksoon]

ومين الميكانيكى اللى ممكن يركبها من غير ما يطلع الموتور بره؟؟؟


مين غير عصام اللى فى الحرفيين ؟؟

[tarekzein]

مقابله الهونداويه يوم الجمعه الجايه بإذن الله

نادى حرس الحدود - الزمالك

بس سيبك أنت ....العنوان تحفه جدا

فكرتنى بالراديو زمان ..أييييييييييه كانت أيام

[ايمن محمود محمد ابراهيم]

ومين الميكانيكى اللى ممكن يركبها من غير ما يطلع الموتور بره؟؟؟


مين غير عصام اللى فى الحرفيين ؟؟

اشمعنى عصام يعنى؟؟

ده بيقولوا عليه كويس


؟؟؟

[Nicoblaksoon]

ايوه عصام كويس جدا بس يشتغل صبى مش صنايعى.

يا جماعة انا سلمته العربية ناعمة وجميلة علشان بس يركبلى طقم شنبر (بناءً على تشخيصه) خدتها منه والموتور صوته مزعج جدا!!
ولما سألته يقوللى انت جاى تعمل طقم شنبر بس لكن اى حاجة تانية انا مش مسؤل عنها!!

يعنى ايه الكلام الفاضى ده؟؟

الخلاصة:
عصام ده لسه بدرى قوى عليه علشان يعمل شغلانه كامله على مسئوليته
وحرام تخليه يتعامل مع الأجزاء الداخلية الدقيقة بتاعة الموتور
ودى نصيحة عن تجربة لكل اعضاء المنتدى الكرام
اشكركم

[EK4]

هيا اه العربية بتاعت حدرتك وما هوا المتور

[Nicoblaksoon]

ايوه حضرتك العربية بتاعتى
والموتور si اوتوماتيك 1600 سىسى

[sanhory]

من المتعارف عليه ان السبيكة لما تتفك و تركب تاني ممكن يحصلها كده خاصة لو كانت ضعيفة شوية
طب انا حقول لحضرتك حاجة انا اعرف واحد كان عنده تخبيط و ترزيع في المكنة ولما سالته حلتها ازاي قالي غيرت الزيت وكل حاجة بقيت فل
وقالي ان الزيت كان هوا سبب التخبط ده . . . . سبحان الله
يارب يشارك ويفدنا بتجربته الشيقة دي

عامتا حضرتك لازم تعملها في اسرع وقت عشان متبوظلكش الشمبر الجديد هو والشميز بسب الرايش الناتج من السبيكة
و ربنا يعمل اللي فيه الخير

[SAMEH_FOUAD]

اشكركم على الإهتمام والرد
استاذ سمسم:
الصوت فعلا صوت تكتكة وتنقير جاى من الداخل
ولكن الصوت ده كان خفيف جدا قبل ما الميكانيكى يفك الموتور علشان يركب طقم الشنبر والميكانيكى هو اللى لاحظه وقاللى الموتور فيه سبيكة وغيرها فعلاً. ولكن ماقالليش على السبيكة اللى تحت واللى فوق غير بعد ما قفل الموتور وسمع الصوت تانى!!!!
وبعد تقفيل الموتور: الصوت بدأ يزيد كل ما امشى مسافة اطول
ما اعرفش ايه اللى ممكن يكون الميكانيكى عمله علشان يحصل ده!!
على اى حال: ازاى وفين وامتى اقدر اوريلك العربية علشان تسمع الصوت وتميزه بنفسك؟؟

طيب تمام طالما الميكانيكى عمل السبيكة اية اللى رجع المحرك يعمل صوت تانى ؟؟؟؟؟؟؟

وبعدين ياباشا هو طقم سبيكة بيجى على بعضة طقم علوى وطقم سفلى تمنهم 350 جنية

وبعدين انا عايزك الاول تشيك على التاكيهات ممكن تكون مش مظبوطة ودة امر طبيعى بعد عمل طقم شنبر وبعد 500 كم بتروح عشان تظبطها تانى لوضوعها الاصلى وبتعمل صوت قريب جدا لصوت السبيكة لان حضرتك بتقول ان الميكانيكى عملها !!!! يبقى هترجع تانى الا اذا كانت اتعملت غلط او فية مشكلة فى الكرنك

ومعلش ياباشا ان شاء الله فى المقابلة يبقى لينا كلام اكتر ونشوف المحرك مع بعض

بس تمشى بالراحة وماتقرصش خلاص لان غلط تمشى عليها كتير

[No Comment]

هههههههههه ... مشاركة غلط .

[Nicoblaksoon]

الميكانيكى غير السبيكة اللى فوق وماغيرش اللى تحت علشان تغييرها يستلزم اخراج الموتور بره
وبسلامته قاللى الكلام ده بعد ما جمع الموتور وخلص وسمع صوت التكتكة لسه موجود

طيب ياعم يا ميكانيكى يا محترم ماقولتليش ليه انك لازم تطلع الموتور بره علشان تركب طقم السبيكة السفلى!!!
بسلامته قاللى مانا عارف انك مش حاتطلعه بره "أى كلام وطحينة"

يعنى امشى بالعربية بتخبط وترزع علشان خاطر ماطلعش الموتور بره!!!!

ده كلام معقول يا رجاله

وعلى فكرة يا سمسم باشا
التاكيهات فعلا مفتوحة ولكن الصوت اعتقد انه اكبر من صوت التاكيهات

[SAMEH_FOUAD]

الميكانيكى غير السبيكة اللى فوق وماغيرش اللى تحت علشان تغييرها يستلزم اخراج الموتور بره
وبسلامته قاللى الكلام ده بعد ما جمع الموتور وخلص وسمع صوت التكتكة لسه موجود

طيب ياعم يا ميكانيكى يا محترم ماقولتليش ليه انك لازم تطلع الموتور بره علشان تركب طقم السبيكة السفلى!!!
بسلامته قاللى مانا عارف انك مش حاتطلعه بره "أى كلام وطحينة"

يعنى امشى بالعربية بتخبط وترزع علشان خاطر ماطلعش الموتور بره!!!!

ده كلام معقول يا رجاله

وعلى فكرة يا سمسم باشا
التاكيهات فعلا مفتوحة ولكن الصوت اعتقد انه اكبر من صوت التاكيهات

بقول لحضرتك اية ياريت تكملنى على الموبايل احسن او لو حضرتك هتيجى المقابلة تشرفنا هناك ونتكلم وافهمك الموضوع كلة وتفهمنى اية اللى تم بالظبط