سيفيك 2010

[midobond]

العربية معروضة عليا بحالة ممتازة بس انا قلقان جدا من ارتفاعها على الارض الضئيل جدا
خصوصا اننا فى بلد كلها مطبات و مطبات غشيمة عالية كمان
ممكن حد يقولى ايه هى الكماليات الموجودة فى العربية اول فئة اتوماتيك يعنى فتيس اوتو عادى ولا ستيبترونيك فيها مثلا بلوتوث - سينسور- مالتى فانكشن الحاجات دى يعنى؟؟؟

[yalahwy2010]

العربية ال lxi بيبقى فيها تكييف وكاسيت ومثبت سرعة وزجاج كهربا ولوك لقفل الزجاج وسنتر لغلق الأبواب
ومرايات كهربا بس مش ضم .....وبس.....هى يعتبر مافيهاش كماليات كتير....يعنى مافيهاش وحدة رفع ولا جنوط ولا فوانيس شبورة ولا مرايات ضم.......ولا تقدر تفتح الشنطة بالريموت ...بس انا جربت الميجان ....كماليات رهيبة بس تغووووور من كتر الأعطال
اليابانيين دول ناس بتفهم اوى.......والكماليات الزيادة حلوة أه....بس نقصها مايعيبش العربية فى مقابل السعر...........لو عايز كماليات أكتر يبقى هات ال vti بس تمنها يزيد من 15 الى 20 ألف
لكن بالنسبة للإرتفاع......انا شايف انها مش واطية لدرجة الاشاعات اللى طالعة عليها
هى قاعدة عجلاتها بعيدة عن بعض.......
يعنى مثلا انا ببقى شايل 3 غيرى......ولما بشوف مطب وحش جدا.....بعرض سنة صغيرة على المطب....ومابتحكش خالص
ولو مطب وحش اوى والعربية شايلة واحد بس......مستحيل تحك
والمطبات العادية لما بعدى عليها والعربية شايلة 3 غيرى....مابتحكش خالص
ولو الموضوع ده هيقلقك.....ممكن تعليها 1 سم زيادة.....شوف الموضوع المثبت اللى عمله سمسم
بس العربية ما شاء الله تحفة.....موتور رهيب وسحب غير طبيعى
ونعومة غير طبيعية......
اكشف عليها فى التوكيل ولو لقيتها كويسة توكل على الله ومش هتندم أبدا

[hany63]

و احب ازود ان 2010 بالذات مساعدينها غير اللي قبلها فما بتهبطش لما تحمل على الكنبه
العربيه ماحكتش (2010 في تي اي) ولا مره رغم انها عربية اسره و سفريات

[yalahwy2010]

و احب ازود ان 2010 بالذات مساعدينها غير اللي قبلها فما بتهبطش لما تحمل على الكنبه
العربيه ماحكتش (2010 في تي اي) ولا مره رغم انها عربية اسره و سفريات

لنا هنا وقفة ..........
فعلا ال 2010 غير ال 2009 فى المساعدين اللى ورا.......
يعنى لو حبيت أغير مساعدين ال 2009 اللى معايا وجبت بتوع ال 2010 هتبقى أعلى ومش هتهبط لو شالت ورا....ولا ايه؟؟؟
ولا قصدك هم ركبولها صدادات؟؟؟؟

[hany63]

طبعا لو غيرت المساعدين هتبقى زي 2010 بس طالما انت مسايس امورك فمفيش داعي للغرامه و خليها لما يبوظوا و ماعتقدش انهم حاطين صدادات عشان شكلا الارتفاع واحد