اللى معاه هوندا سيفيك 83

[smsm_cato]

العربية معايا 1500 cc وبتعمل معايا 200-210 كيلو فى الصفيحة انا بسافر كل يوم يعنى بمشى طوالى بس فى مسافة 3 كيلو بيبقوا زحمة شوية ده كل يوم بس انا شايف ان الاستهلاك عالى ياترى انا غلطان ولا فى حاجة مش مظبوطة فى العربية اشيك عليها انا لسه ظابط التاكيهات علشان كنت شاكك فيها بس فى صوت تكة خفيفة بردة لسه موجودة والميكانيكى قالى ان فى عصفور مبوش شوية يعنى شاكوش من اللى فوق الصبابات معرفش اسمة الصح ايه

[SAMEH_FOUAD]

هو لو فية تاكية مبوش شوية هياكل بنزين بس مش للدرجة دية ,

انت عموما شيك على الكربراتير والبوجيهات

وياريت تقول سرعتك كام عشان فى الكربراتير بتفرق جامد

[pop_king3]

الكيلومتر عندك مع الصفيحه زى الفل مش مصدقنى اسال اى تاكسجى

[smsm_cato]

يا سمسم انا لسه مظبط الكاربيتير من اسبوعين ومحستش بفرق وسبب تظبيط الكاربيتير كان كاوتشة الرداخ بتجيب بنزين وغيرتها ونظفتة وظبطة وغيرت البوجيهات ngk وبالنسبة للسرعة مابين 100-110 بس بصراحة ساعات بشد على 150 بس مش لفترات طويلة بتبقى فرايحى يعنى مش علطول بس لما حسبت الاستهلاك مشيت بسرعة ثابتة ما بين 90-100 مزودتش عنها خالص فولت التانك لغاية الزور ومشيت ورجعت فولت تانى لغاية الزور ولقيت الاستهلاك 210 فى الصفيحة اما بالنسبة للاخ بوب كينج ايه علاقة التاكسجى بالموضوع اللى بتكلم فيه وبالهوندا سيفيك ده على اساس ان تاكسيات مصر كلها هوندا سيفيك

[slem1001]

شكرااااااااااااااااااااااااااااااااااااااااااااااا ااااااا

[smsm_cato]

شكرااااااااااااااااااااااااااااااااااااااااااااااا ااااااا

ايه علاقة ردك باللى احنا بنتكلم فيه بتشكر مين وعلى ايه