افيدونى فى تعديل لهوندتى سيفيك 83

[smsm_cato]

بصراحة من ساعة ما اشتريت العربية بتاعتى واكثر حاجة مضايقانى الفوانيس الامامية يعنى من الاخر وش العربية بينرفزنى ويكاد يكون كرهنى فى العربية فشوفت من كام يوم وانا ماشى هوندا اكوورد 83 بردة بس الشبكة بالفوانيس احلى بكثير واللى لفت نظرى ان الشبكة بتاعتها قريبة جدا فى الشكل والحجم للشبكة بتاعتى وتقريبا رسمة الكبود قريبة ففكرت فى تعديل الشبكة والفوانيس ببتوع الاكورد ودى الصور علشان تقدروا تفيدونى فى التعديل ده ممكن ولا لأ ولو حبيت اعملة اروح فين

.
.


.
.


.
.

[ahmedeihab]

الموديل اللى تحت ده الموديل الاحدث منك بيبتدى من موديل 85 لحد 89
لكن انت 83 الفانوس المربع
لكن علشان توصل للفانوس المسحوب ده
هتغيير رفرفين و اكصدام و صدر و شكبه و كبوووت و فيلم علشان تعمل الكلام ده
لكن الاسلم انك تبيعها و تشترى الموديل اللى بعديك
تحياتى ليك
^_^

[smsm_cato]

العربية اللى انا حاططها تحت دى اكوورد مش سيفيك وموديل 83 انا متأكد الهوندا سفيك 84 فيما فوق مختلفة جدا وفعلا فيها سحبة فى الفوانيس ولو على فكرة البيع فهى متواجدة فعلا من ساعتها وعرضتها فى المنتدى بس لسه مجاش نصيبها

[ahmedeihab]

العربية اللى انا حاططها تحت دى اكوورد مش سيفيك وموديل 83 انا متأكد الهوندا سفيك 84 فيما فوق مختلفة جدا وفعلا فيها سحبة فى الفوانيس ولو على فكرة البيع فهى متواجدة فعلا من ساعتها وعرضتها فى المنتدى بس لسه مجاش نصيبها

برااااافو عليييييييييييك
انا مش عارف ازاى دى فاتتنى
انت كلامك صح انا كلامى غلط
^_6

[SAMEH_FOUAD]

الموضوع مستحيل لان اختلاف الابعاد وعرض العربية مش هينفع تركبها ابدا

[smsm_cato]

الموضوع مستحيل لان اختلاف الابعاد وعرض العربية مش هينفع تركبها ابدا

ربنا يبشرك يا سمسم سدتها فى وشى طيب اعمل ايه انا مش مرتاح لوش العربية خالص بصراحة احلى كلمة مستحيل دى جبت من الاخر

[SAMEH_FOUAD]

مش قصدى والله

بس ماينفعش فى اى جيل من الاجيال انك تركب وش اكورد على وش سيفيك لان الفرق فى الابعاد فى كل حاجة دة

وبعدين مشكلة العربية عندك ان قطع غيارها الخارجية قليلة اصلا فمش هتلاقى ليها تعديلات كتير

وبعدين ياباشا العربية شكلها مش وحش اوى كدة والله لو شوفت الشكل بالنسبة للموديل هتلاقى ان شكلها جيد جدا

ممكن لو عايز تعدلها تروح تركبلها فوانيس كريستال عمولة , تركب عتب او اكصدام فيبر

جنوط مقاس 14 او 15 , اسبويلر على الشنطة , بوية ميتاليك , كراسى بفرش نظيف لو عايز تظبطها كلها هتفرق معاك فى الشكل جامد

[smsm_cato]

مش قصدى والله

بس ماينفعش فى اى جيل من الاجيال انك تركب وش اكورد على وش سيفيك لان الفرق فى الابعاد فى كل حاجة دة

وبعدين مشكلة العربية عندك ان قطع غيارها الخارجية قليلة اصلا فمش هتلاقى ليها تعديلات كتير

وبعدين ياباشا العربية شكلها مش وحش اوى كدة والله لو شوفت الشكل بالنسبة للموديل هتلاقى ان شكلها جيد جدا

ممكن لو عايز تعدلها تروح تركبلها فوانيس كريستال عمولة , تركب عتب او اكصدام فيبر

جنوط مقاس 14 او 15 , اسبويلر على الشنطة , بوية ميتاليك , كراسى بفرش نظيف لو عايز تظبطها كلها هتفرق معاك فى الشكل جامد

حلو الكلام ده طيب اولا اعمل الشغل ده فين وهيكلفنى كام وياريت لو تعرف تجبلى صور للفوانيس الكريستال اللى بتقول عليها ثانيا هقدر اظبط حاجة بدل النواكل اللى حوالين الفوانيس او الغيها خالص لانها لو اتشالت على الوضع الحالى هتعمل فراغ كبير حولين الفانوس معلش تاعبك معايا يا سمسم بس مليش غيركوا يا هونداوية تقدروا تفيدونى بخبرتكم