حد يساعدنى فى حل مشكلة الحرارة 93 si

[mopecoolboy]

رجالة انا عندى مشكلة من ساعت ما جبت العربية من شهرين... الحرارة كانت بتعلى اوى و بتوصل لل h روحت لكهربائى قلى المروحة عندك بتشتغل من اول ما تدور العربية و دا غلط خلى المروحة تدور لما العربية تسخن ... الامانة العربية بقت احسن بس فى حاجة هوا انا فى الشتاء و مش مشغل تكيف و العربية الحرارة على النص ؟ هوا دا الطبيعى بتعاها ؟؟ و تانى حاجة لما بقف فى زحمة العداد بيوصل لل h او قبليها بشرطة و لما امشى و الطريق يبقا مفتوح تنزل على النص و تلطلع و تنزل و تطلع ... حد يفدنى بليييييييييز انا اتجننت و مش عايز اروح ل حد يشتغلنى و كمان داخلين على صيف انا بشوف فى العربيات الطبيعية عداد الحرارة بيبقى ثابت و مش بيطلع غير لما يبقى فى مشكلة !!! بلييز حد يفدنى

ملحوظة ممكن تكون مهمة :: لما ببقى فى الزحمة عداد الحرارة بيعلى قوى بجبها على n و بزود بنزين الاقى العداد بيقل نسبياا و سعات ينزل للنص ......... مستنى حلكوا يا هونداوية

[Hamdy Masria]

اولا : انت معاك عربة نوعها اية
يعنى سيفك مثلا موديل كام
لأن فى بعض الموديلات القديمة مؤشر الحرارة بيكون درجاتة مختلفة

ثانيا : أنت عملت اية فى حكاية المروحة

يعنى غيرت ترموستات مثلا ولو غيرتها جبتها اية
فى اصلى وفى تايوانى وفى صينى

ثالثا : اخبار المية عندك فى الردياتير اية بتنقص ولا لآ
ولو بتنقص بتنقص بمقدار قد اية وكل فترة قد اية برضوا

رابعا : الردياتير عندك حالتة اية ... هل فية صدا مثلا ولا مفيش

[sanhory]

على كلام حضرتك اللي بيحصل ده بيحصل للاسباب الاتية

1- المية مش مظبوطه او ما اتاخدش من الردياتير هوا بطريقة صح
2- طرمبة ميه وحشة او مكسورة
3-جوان وش سليندر

خلينا واحدة واحدة هل الميه لونها طبيعي و الزيت لونه طبيعي ؟
هل الميه بتنقص ؟
هل في دخنة بيضا من الشكمان ؟

[lord_of_egypt22]

الخطوه الاولي اكشف ع الريداتير ونضفه عند متخصص وكدا كدا احنا داخلين ع الصيف وشوف الغطا والجوان سلام ولا لا
بص علي طرمبه الميه صوتها عالي ولا لا
افتح غطا الريداتير وزود لو العربيه نفخت يبقي جوان وش السيلندر عاوز يتغير

[mopecoolboy]

عربيتى يا رجالة هوندا سيفيك 93 si و بلنسبة للمروحة مغيرتش اى حاجة الكهربائى عملها كدة بدون تغير اى حاجة

[wildwest100]

السبب ان طلمبة المية ضعيفة ولما بيقل عدد دورات الموتور بتقل سرعتها فداورة المية بتقل سرعتها ولما بتدوس بنزين بتلف بسرعة فبتبرد العربية

[mopecoolboy]

ومن شهر نظفت الردايتير فى موبل ونزل صدا بس لسة المشكلة

[mopecoolboy]

يعنى العيب فى الطلمبة بتاعت المية ؟؟؟

[wildwest100]

ان شاء الله دا تحليل الكلام اللى انتا بعت عليه المشكلة معناه ان سرعة دورنا الميه فى دورة التبريد بطىء او ضعيف ولما بتزود بنزين لفات المتور بتزيد وبتئدى الى سرعة دوران طلمبة المية

[mopecoolboy]

طب يا باشا مش ممكن يكون العيب فى المروحة يكون حد لاعب فى الكهربة بتاعتها عاشان لما بزود المروحة بتزيد سرعتها و بالتالى بتقل السخونة ممكن يكون المروحة متظبطة مع الاكسلاتير بتاع البنزين و دا غلط عشان المفروض المروحة لوحدها هى الى تزيد و تقل حسب سخونة العربية ولا اييية ؟؟

[M_Nabil]

المروحة بتشتغل وتفصل ملهاش علاقة بدواسة البنزين ولفات الماتور لكن ممكن تكون سرعة دورانها بطيئة لو ماتور المروحة تعبان وفي الحالة دى تتغير

[cruelcliff]

باشا لازم تنزل عند بتاع ردياتيرات وتنظفة كويس مش حوار بنزنية دة الصنايعى بيسلكوا ويشكلك على التنفيس وشوف بعد كدة ان شاء الله خير

ممنوع الكتابة بطريقة الفرانكو عرب

9:19 ص

12/03/2012

تم التعديل بواسطة مشرف القسم 13 ب

[wildwest100]

طب يا باشا مش ممكن يكون العيب فى المروحة يكون حد لاعب فى الكهربة بتاعتها عاشان لما بزود المروحة بتزيد سرعتها و بالتالى بتقل السخونة ممكن يكون المروحة متظبطة مع الاكسلاتير بتاع البنزين و دا غلط عشان المفروض المروحة لوحدها هى الى تزيد و تقل حسب سخونة العربية ولا اييية ؟؟

المروحة ملهاش اى علاقة بدواسة البنزين دى بتشتغل على ثرموستات عند درجة حرارة معينة

[SAMEH_FOUAD]

شوف ياباشا دلوقتى حضرتك بتقول ان العربية عندك بتسخن وبتوصل لل h واول لما تتحرك المؤشر بينزل تانى

طيب دة معناة ان فية عندك مشكلة فى حاجتين

1- طلمبة المياة ضعيفة لان طلمبة المياة تقليبها بيزيد لما عدد لفات المحرك بتزيد

2- اتاكد تماما ان كل الخراطيم عندك ماشية بمسارها الصحيح يعنى مافيش عائق امامها يمنع من سريان المياة بطريقة سلسة

3- الردياتير مسدود فمع التوقف طبعا مافيش عامل مساعد ( الهواء ) انة يبردة فالحرارة بترتفع لكن مع المشى بيبقى فية عامل مساعد وهو الهواء فبيبرد الرداياتير

4- ثرموستات المروحة حضرتك تتطلعها برة وتخلى الكهربائى يسنفرلك السخان بتاعها بسنفرة عشان لو عليها صدأ كتير مش هتقرى بصورة صحيحة وبعد كدة تتابع شغل المروحة يعنى بتشتغل كل قد اية وبتفصل كل قد اية

وخلى بالك كويس من الحرارة عشان لاقدر الله الموضوع مايتطورش اكتر من كدة

[mopecoolboy]

الف شكر يا رجلة هعمل كل اللى قلتوا علية و هتابع معاكواا شكرااا