سمسم باشا ارجو المساعدة منك

[mody100]

السلام عليكم بص بقى انا قررت انى اجيب هوندا و لانك اللى حببتنى فى العربية دى المهم بقى انا بدور على حاجة حالتها كويسة اية بقى اللى اكشف عليه كويس فى العربية دى انا عايز هوندا اس اى فتحة سقف كدة كدة انا ناوى انشاء الله لما اجيبها اظبتها تظبيطة حلوة المهم بقى لو فكرت انى اسقط مكنة بعفشتها اس اى ار تعمل فى حدود كام ؟ و اية الحاجات اللى فيها اللى غالية اوى عشان ابص عليها و انا بشترى العربية و سعر العربية فى حدود كام تقريبا لو حالتها كويسة
انا واحد صاحبى ساكن جمبى كان جايب عربيتة هوندا من بره وللاسف بعها و انا ملحقتهالش كانت فبريكة بره و جوه فعلا و مافيهاش خربوش واحد حتى و كل حاجة فبريكة كاملة بدون فتحة سقف بعها بى 51 بص انا عارف انى طولت عليك بس مش عايز اجيب عربية كنبة عشان حكرها و مش حاركب هوندا تانى .....و شكرا يا معلم

[SAMEH_FOUAD]

والله ياباشا مش عارف انا كل مافتح الموضوع يطلع كلام غريب كدة بلغة مش مفهومة

عموما اللى قدرت افهمة من ال high lights بتاعة الموضوع انك عايز تكشف على سيفيك وعايز اهم النقط اللى تقدر تشيك عليها

طبعا الاساسيات والشاسية دة شىء مفروغ منة

بس اهم حاجة اللى تشيك عليها كويس الصالون + المحرك كويس جدا + الاكسسوارات الخارجية للعربية عشان بتبقى غالية

وطبعا تتطابق كود الشاسية باللوحة المعدنية اللى موجودة على اخر باب قائم السائق ولازم تكون متبرشمة برشمة الفابركية

ولو عايز اى حاجة دة رقمى 01003088605 ولو انت قريب انا ممكن انزل معاك اشوفلك العربية مافيش مشاكل

[hany63]

هو عايزك تدورله على si نضيفه

[makmak_10]

دي الترجمه يا سمسم :
((السلام عليكم بص بقى انا قررت انى اجيب هوندا و لانك اللى حببتنى فى العربية دى المهم بقى انا بدور على حاجة حالتها كويسة اية بقى اللى اكشف عليه كويس فى العربية دى انا عايز هوندا اس اى فتحة سقف كدة كدة انا ناوى إن شاء الله لما اجيبها اظبتها تظبيطة حلوة المهم بقى لو فكرت انى اسقط مكنة بعفشتها اس اى ار تعمل فى حدود كام ؟ و اية الحاجات اللى فيها اللى غالية اوى عشان ابص عليها و انا بشترى العربية و سعر العربية فى حدود كام تقريبا لو حالتها كويسة
انا واحد صاحبى ساكن جمبى كان جايب عربيتة هوندا من بره وللاسف بعها و انا ملحقتهالش كانت فبريكة بره و جوه فعلا و مافيهاش خربوش واحد حتى و كل حاجة فبريكة كاملة بدون فتحة سقف بعها بى 51 بص انا عارف انى طولت عليك بس مش عايز اجيب عربية كنبة عشان حكرها و مش حاركب هوندا تانى .....و شكرا يا معلم ))

[mody100]

مش عارف اية سبب اللغة الغريبة دى المهم تقريبا اكتر الهوندا اللى انا شفتها هنا فى الاسكندرية متهانة اوى بفكر انى ممكن انزل اشوف فى القاهرة اية رايك انت مع انى مقلق من حوار العربيات المسروقة و حوار القاهرة عشان انقلها هنا فى مرور الاسكندرية حاتبقى بهدلة فعلا ؟؟ عموما بجد شكرا جدا ليك يا سمسم و لكل اللى اهتم بالموضوع

[M_Nabil]

تابع الوسيط و اعلانات مواقع بيع السيارات وربنا يوفقك في واحدة كويسه بس الموضوع يمكن يأخد معك وقت، متستعجلش

[mody100]

الحمد الله تم بيع عربيتى
و كدة انا حادور على هوندا كويسة بالمناسبة هو اية نظام السوق العربيات اللى فى مدينة نصر و هل فى اسواق تانية و اكتر اللى هناك تجار ولا فى ناس بتبيع عربيتها عادى بصراحة مقلق اجيب عربية من القاهرة اية رايكو انتو ؟