استفسار بخصوص الصيانة خارج التوكيل

[yalahwy2010]

صباح الخير يا رجالة
انا عايز أعمل الصيانات برة التوكيل (خارج الضمان حاليا)
لسببين
الأول....رحت أكتر من مرة عشان يظبطولى الطارة.......وبرضه لسة معووجة
التانى..... أسعار المصنعية المبالغ فيها..........يعنى عشان يغيرلى زيت وفلتر......يضربله 200 جنيه عالفاضى
فا ترشحولى مين أعمل عنده الصيانة
انا بشوف اسم عصام اللى فى الحرفيين كتير فى المنتدى...........ممكن أعرف مكانه بالظبط
ولو فى حد تانى كويس يا ريت تقولولى عليه
وموضوع ظبط الطارة ده أعمله فين؟؟؟؟؟

[M_Nabil]

أنصحك تروح لرفعت السودانى في الحرفيين

[yalahwy2010]

أنصحك تروح لرفعت السودانى في الحرفيين

مكانه فين بالظبط فى الحرفيين
ويا ريت لو معاك موبايله
وهو شغله حلو اوى........حضرتك جربته؟؟؟؟؟

[M_Nabil]

مكانه فين بالظبط فى الحرفيين
ويا ريت لو معاك موبايله
وهو شغله حلو اوى........حضرتك جربته؟؟؟؟؟

أنا مابتعملش غير معه هو يمكن تكون المصنعيه بتاعته أعلى شوية من باقى الميانيكيه لكن النتيجة تستهل

هو ورشته قدام توشكى بتاع قطع غيار الهوندا لو تعرفه

المهندس رفعت قلينى وده رقمه 170 1818 0100

ولو روحت قوله انك جاى من طرف نبيل اللى معه الـ VTi الزيتى

[yalahwy2010]

ألف شكر يا نبيل باشا
انا ان شاء الله هروحله فى تغيير زيت وتيل أمامى وفلتر هوا (انا عارف انه سهل.....بس بالمرة)
سؤال تانى معلش............هل هو بيلتزم باللى مكتوب فى كتيب صيانات السيفك....ولا لو عندك شكوى بيعملها بس
ولا أنا لو قلتله عايز أعمل صيانة ال 40000 هيعمل زى اللى التوكيل بيعمله بالظبط؟؟؟؟

[M_Nabil]

ربنا يخليك وتحت امرك

هو بيشتغل زى ما أنت عاوز بمعنى لو عندك شكوى بيكشف ويحدد العطل أو المشكلة وبتجيب قطعة الغيار اللى مسببه المشكلة ويركبها ولو عاوز تعمل صيانة 40 ألف/كم أو غيرها هيعملهالك برضه بس يفضل تكون عارف اية اللى بيتغير في الصيانة دى وتقوله عليه او يكون معك كتالوج الصيانة وهو هيتعامل