غررررررررررررررريبه

[lord_of_egypt22]

اللي حصل دا فعلا شيئ غريب
كنت ان و 2 اصحابي في نويبع ولما وصلنا طابا - 100 كم تقريبا- عديت فتحه الدخول
فبدات ارجع للخلف وفجأه العربيه شحططت كأني شديت اليد وبطلت
مورت الفتيس
حاولت ادور....دارت
حاولت انقل ....استحاله
شمال يمين مفيش العصايا طووووووووبه
كلمت سامح ربنا يكرمه فضل معايا اكتر من نص ساعه
نسيت اقوللكم كنا في صحرا بمعني الكلمه لما عطلنا اكتشفنا المكان موحش قد ايه يااااااااااااااااه كابوس
فين وفين لما رضيت تاخد رابع_واحنا واقفين طبعا- وبعدين الاول
سامح قالي امشي ع الاول وبعدين الرابع
وفعلا
وبعديييييين دخلنا علي نقطه تفتيش
هديت مورت
السلام عليكم ... اتفضل مع السلامه
تاني...شغال
تالت ..شغال
رابع....خامس
وكأن شيء لم يكن
العفريت انصرف
مسسسسسسسسسسسسسسخره
النهارده بصيت علي زيت الفتيس كان ناقص حاجه بسيطه -نص كيلو- معتقدش انه يعمل كده
العفشجي بيقول مسمعتش حاجه زي كده طول عمري
حد عنده تفسير؟؟
اولا الحمد لله ان ربنا نجانا لأننا كنا قبل المغرب بنص ساعه وكان زمانا لسه هناك لحد الوقتي
بس العربيه كده زعلتني بجد موقفين سافلين في اسبوع واحد

[lord_of_egypt22]

ههههههههههههه انا برده عارف انها غريبه فعلا
15 مشاهده بدون رد واحد

[el_magic]

اقرا لها قرآن يمكن تهتتدى :d

[Hamdy Masria]

مش عارف

بس لية ميكونش زيت الفتيس السبب
الزيت هو المحرك الأساسى للفتيس

آخر مرة غيرتة كان أمتى

[AHMED_HAMDY]

والله بيحصل معايا اكثر من كدا وفجأه كان مفيش اي حاجه حصلت خالص تبطل من غير سبب واول مدور تدور ومش تعملها ثاني
ربنا يسترها معانا جميعا بس اظن اللزيت مش يعمل كدا والله اعلم

[M_Nabil]

خشونة الفتيس دى انواع، منها 3 انواع يحسهم سواق الديريكسيون(أللى مالوش فى اى حاجة تحت الكبوت) ونوعين يحسه اللى بيفهم ميكانيكا فقط

1-النوع الأول: عصاية الفتيس تقيلة، يعنى بتحركها كأنك بتشيل صخرة من على الأرض، زى فتيس الشاهين الصبح وهى باردة، وده سببه اما يكون تصميمى او انك حاطط لها زيت ثقيل، لو تصميمى علاجه التعايش معاه، لو بسبب الزيت نغير الزيت

2-النوع التانى: الغيارات مبتجيش بسهولة او غيارات معينة مبتجيش خالص او غيار بييجى مكان غيار، وده ممكن يكون بسب قدم عمر جير بوكس وتآكل مجموعة التوجيه بتاعته(ألفورك) او بسبب لوحة فى العصاية او الوصلات بينها وبين الجير بوكس او بوظان ، وعلاجه تغيير الجزء التالف


3- الفتيس بيعض: يعنى سماع صوت حشرجة مزعجة جدا عند تعشيق غيار معين وتكون اما بسبب عدم ضغط الدبرياج بشكل كافى او بسبب ان الدبرياج واطى او ان غويشة غيار معين متاكلة

اما بالنسبة لعيوب الجير التى يشعر بها من يفهم فى الميكانيكا فهى نوعين

1- خشونة التروس: ويشعر بها السائق عند ظهور صوت غير محبب لكنه غير مرتفع بشدة ومستمر على سرعات معينة وليس من المحرك

2-الونة: وهو صوت مستمر مزعج جدا ومميز ومرتفع يشبه صوت سيارات التاكسى القديمة(اللادا والبولونيز تحديدا كان دايما بيطلع منه الصوت ده) وهذا الصوت يعنى اقتراب نهاية عمر الكورونا، كما انه صوت غير محتمل اصلا(وقبل ما حد يسأل انا هجاوب: جميع السيارات فيها كورونا، سواء كانت جر امامى ام دفع خلفى، كل الفكرة انه فى سيارات الدفع الامامى تكون تروس الكورونا موجودة داخل علبة الفتيس، لكن لا توجد سيارة بدون كورونا)

[tarekzein]

الله ينور يابوحميد

إييييييييييييييييييه فين مواضيعك ياسبعاوى

[M_Nabil]

وعليك يا كبير ما أنت عارف الراجل ده جامد ومن الأخر :)

أتفضل شوية مواضيع تستاهل القراءة

http://www.nilemotors.net/Nile/30806-a.html

[lord_of_egypt22]

تسلملي اديك