بجد بجد الموضوع بقى أوفر

[yalahwy2010]

يا رجالة...عايزين حل لموضوع العزل لأرضية السيفك الجيل التامن
وانا راجع من القاهرة امبارح........الأسفلت اللى مش متسفلت حلو بيعمل صوت غير طبيعى
صوت فى أرضية العربية تحس ان مافيش أى عازل بين جوة العربية وبرة العربية
وبيعمل دوشة غير طبيعية ............أنا عايز أعمل اللباد اللى بيتحط تحت الموكيت.........بس قلقان من النتيجة ماتبقاش فعالة...........
فى الأوروبى....الحاجات دى الواحد ما بيحسش بيها خالص.......ومعلش الهوندا عربية محترمة جدا جدا جدا.....وانا شايف انهم ظلموها فى موضوع العزل ده
فا أنا من شدى إعجابى بيها........واهتمامى بيها........مش عاجبنى ان يبقى فيها عيب زى ده.....وانا شايفه انه سهل وممكن يتعالج........والواحد يسكت عليه
فا إيه رأيكم يا رجالة؟؟؟؟

[hany63]

مافيش عربيه كامله و كل عربيه فيها نقط ضعف و قوه حتى الفيراري
حضرتك مركز زياده عن اللزوم في حاجات انا شايفها اقل ما يتقال عليها ثانويه عشان الموضوع ده موجود في كل العربيات اللي جبتها
بدل ما تلعب في العربيه و شويه عزل و شويه واطيه انا شايف انك تبيعها احسن و بالتوفيق

[el_magic]

العيب ف شوراعنا :d

[yalahwy2010]

مافيش عربيه كامله و كل عربيه فيها نقط ضعف و قوه حتى الفيراري
حضرتك مركز زياده عن اللزوم في حاجات انا شايفها اقل ما يتقال عليها ثانويه عشان الموضوع ده موجود في كل العربيات اللي جبتها
بدل ما تلعب في العربيه و شويه عزل و شويه واطيه انا شايف انك تبيعها احسن و بالتوفيق

أنا عارف ان مافيش عربية كاملة......عشان كدة عارف ان الهوندا أحسن عربية فى فئتها ..........وكلامك مظبوط فى موضوع انها عيب ثانوى.........عشان كدة مش شايف ان ده عيب يخلينى أفكر حتى أبيعها
أنا اتعودت على قعدتها وبدأت أسمتع بيها فعلا..........بس البنى آدم طماع بطبعه........واحساسى ان العزل ده حاجة مش صعبة........وتكلفتها بسيطة......فا دا اللى مخلينى عايز أعمله .....بس خايف مايجيبش نتيجة
هو ده خوفى الوحيد

[hany63]

الشغلانه كلها ب 200 جنيه فحتى لو ماجابتش نتيجه الدنيا ماخربتش
وبعد انا مشغل الكاسيت ومبسمعش صوت الطريق
ولاحظ ان تكرار الكلام في نفس المواضيع وياريتها تستاهل بيبوظ سمعة العربيه و بيقلل قيمتها يعني انك هتضر نفسك برضه
و ياريت تعدي على بقية الاقسام و تشوف العيوب اللي بجد و اصحابها عمالين يكتموا
ده فيه عربيات نازله بعيب شاسيه وعربيات جايبه فتيس وكل ده و هي على الزيرو مش تقول عزل و ملمس الطاره

[SAMEH_FOUAD]

على فكرة الموضوع مش موضوع عزل هو كل الحكاية انة لو الموضوع دة بيظهر معاك فى الاسفلت المحبب بس يبقى عادى موجود فى كل العربيات ودية شىء طبيعى , لكن لو بتحس بية على الاسفلت العادى يبقى الموضوع هيكون من الكاوتش نفسة

[M.Elgergawy]

بالظبط زي ما سمسم قال ممكن العيب عندك بسبب الكاوتش
قرب ينتهي وممكن لما تيجي تغير الكاوتش تجيب كاوتش سوبر سايلانت
والعيب دا فى كل العربيات لو الاسفلت المحبب

[yalahwy2010]

الشغلانه كلها ب 200 جنيه فحتى لو ماجابتش نتيجه الدنيا ماخربتش
وبعد انا مشغل الكاسيت ومبسمعش صوت الطريق
ولاحظ ان تكرار الكلام في نفس المواضيع وياريتها تستاهل بيبوظ سمعة العربيه و بيقلل قيمتها يعني انك هتضر نفسك برضه
و ياريت تعدي على بقية الاقسام و تشوف العيوب اللي بجد و اصحابها عمالين يكتموا
ده فيه عربيات نازله بعيب شاسيه وعربيات جايبه فتيس وكل ده و هي على الزيرو مش تقول عزل و ملمس الطاره

انت زعلت ولا ايه يا أستاذ هانى.....أنا بس حبيت آخد رأيكم قبل ما أعمل أى حاجة
انا اتعودت على كدة من زمان ان قبل ما اعمل أى حاجة .....أستشير
وماليش أى غرض أنى أسوء سمعة العربية..........إزاى هسوء سمعة العربية بتاعتى
دا انا كل اللى بيسألنى أجيب ايه.....بقوله عليك وعلى السيفك
المهم حصل خير.......وانا مش هفتح الموضوع ده تانى.......لا هو ....ولا الطارة

[hany63]

انت زعلت ولا ايه يا أستاذ هانى.....أنا بس حبيت آخد رأيكم قبل ما أعمل أى حاجة
انا اتعودت على كدة من زمان ان قبل ما اعمل أى حاجة .....أستشير
وماليش أى غرض أنى أسوء سمعة العربية..........إزاى هسوء سمعة العربية بتاعتى
دا انا كل اللى بيسألنى أجيب ايه.....بقوله عليك وعلى السيفك
المهم حصل خير.......وانا مش هفتح الموضوع ده تانى.......لا هو ....ولا الطارة

ياباشا مفيش زعل ولا حاجه الفكره ان الموضوع حضرتك فتحته قبل كده 3 مرات ووصلنا ان جينز كار بيعملها و حضرتك عرضت عيوب السيفيك اللي من وجهة نظرك في قسم المقارنات و اقسام سكودا و رينو بغرض انك متضايق من العربيه و عايز تغيرها يعني ماجبتش حاجه من عندي وده من حقك بس الطريقه كان فيها تجني على العربيه من وجهه نظري
و ارجو ان الخلاف في الرأي لا يفسد للود قضيه

[yalahwy2010]

أصل بصراحة المنتدى هنا بياخد وقت فى الرد
وانا بخاف ألعب فى العربية ويطلع فى الآخر عالفاضى
وأنا من الزقازيق.........وعلشان أروح لجينز كار عايزة يومين...ومجهود محترم........فا قولت أستنى حد من الأعضاء ممكن يشورنى او يشرحلى ان الموضوع يا يبقى مفيد يا إما غير مفيد
يعنى أنا خوفى ان السيفك يكون محطوطلها طبقة عزل ومش محتاجة تانى.......فا بالتالى لو روحت لجينز كار..ممكن يقوللى السيفك مش محتاجة
أو العكس.....ممكن حد من الأعضاء يقوللى أستخدم نوع تانى من العزل غير اللباد اللى بيتسخدمه جينز كار
على كل حال ......حصل خير يا هانى باشا......وانا مقدر ان تكرار الموضوع فعلا ينفرز..........لأن العربية ما شاء الله....حرام الواحد يقول عليها حاجة وحشة.....أنا كل يوم ييزيد إعجابى بيها.........ولسة ناقل الملكية وعملت الرخصة بأسمى إمبارح.....ومفيم كمان

[hany63]

الف مبروك على الرخصه و الفيميه و بكرر لحضرتك ان ردودي تتعلق بوجهات نظر فقط لاغير المشكله ان الواحد لما بيقرا الكلام ساعات بيتفهم غلط على اساس انك متعرفش انطباع اللي كتبه ( عشان مش شايف شكله و هو بيكتب او بتسمعه) و انا طبعا بعتز بحضرتك

[yalahwy2010]

الف مبروك على الرخصه و الفيميه و بكرر لحضرتك ان ردودي تتعلق بوجهات نظر فقط لاغير المشكله ان الواحد لما بيقرا الكلام ساعات بيتفهم غلط على اساس انك متعرفش انطباع اللي كتبه ( عشان مش شايف شكله و هو بيكتب او بتسمعه) و انا طبعا بعتز بحضرتك

اللى انت ما تعرفوش يا هانى باشا انك من أكتر الأعضاء اللى هنا فى المنتدى حببونى فى العربية
وأنا بجيب فى سيرتك كتير قدام كام واحد صاحبى معايا فى الشغل
من كام يوم.......كان فى واحد صاحبى معاه سيفك 2007......وباعها لأخوه.....ولما جه يشترى قلتله هتندم لو ماجبتش سيفك تانى......وحكيت عليك فى الباسات اللى كانت معاك.....وقولتله مافيش أحسن من الهوندا .....نعومة وقلة أعطال .....وحمالة أسية
بس للأسف ..ما سمعش كلامى وجاب فليوانس.....
وفعلا كلامك صح بالنسبة للكاتبة على المنتدى....ما بتبينش ملامح وتعبيرات الوجه ساعة الكلام.....فا ممكن يتفهم غلط.........بس أنا بكون فكرة عامة على أعضاء المنتدى وبيبانوا من أول يوم فى المنتدى.....
أحسن حاجة ان الواحد يعمل خير بدون مقابل
وده اللى بلاقيه هنا فى المنتدى
وان شاء الله الأيام اللى جاية نعمل كام موضوع حلو يفيد باقى الأعضاء