يا خبراء نايل موتورز لو محدش ردع عليا هانتحر

[mero5005]

انا شاب مصرى معايا بالعافيه من 90 الى 93 الف ويعنى كده ابويا ناوى يقتلنى وقالى هات عربيه وخيرنى بين اتنين ( او انا الصراحه مش ناوى اجيب غير حاجه من الاتنين دول) لانسر 1300 مانيوال وخاصه بعد ما رخصت وبقت ب 91 الف بس ده من غير الكاسيت بالكاسيت ب 93
والتانيه واللى داخله دماغى اكتر مليون مره هوندا سيتى اوتوماتيك فول اوبشن ب 93 برضه ) وليا سؤالين
1) هل قطع غيار وصيانه الهوندا سيتى غاليه قوى كده زى الرينو احسن بيقولوا قطع غيارها نااااااااااااااااار وانا خايف مقدرش عليها ومحدش يقولى ادخل وانتا تشوف كاتبينها فى المنتدى انا شفتها ومفهمتش غاليه ولا رخيصه انا عايزها مقارنه باللانسر ؟؟؟؟؟؟؟؟؟؟؟؟؟؟؟؟؟؟؟؟؟؟
2) هى السيتى 2008 بها 2سماعه خلفيه (يعنى كله اربع سماعات ولا لا؟)

[Chicco]

يا خبراء نايل موتورز لو محدش ردع عليا هانتحر

يا راجل خضتني و خلتني أدخل و أنا لا خبير و لا حاجة :arghh:
الاتنين كويسين ما دام ما ينفعش غيرهم ....هات الهوندا و اتوكل على الله:)

[MoToRiZeR]

و انا بصفتي لا خبير في السيارات ولا اعرف اي حاجة
بقولك هات الهوندا و ربنا كريم

[nahla]

بص يا شاب يا مصري

لو بابا يدفع في الأول و بعدين تعيش مع نفسك (و مظنش ان ده الي هيحصل) يبقى خليك في الانسر
لكن لو ماسورة الامادات و المعونات هتفضل مفتوحة على طول يبقى الهوندا اكيد و لو اني مش بحب شكلها خالص لكن مواتير الهوندا معروفة و ال1300شدها حلو

موضوع السماعات ده حاسة انه تلكيكة للهوندا علشان متجيبهاش متركزش في الحاجات دي و تقريبا مفيهاش سماعات ورا اصلا

[tamim]

بصفتى مش خبير
هات هوندا

[hazem_khidr]

هات ياريس و اشتري دماغك
السيتي تقفيل تايلاندي
و اللانسر شكل قديم و بقت عاديه مافيهاش اي تميز

[hussein]

هات ياريس و اشتري دماغك

هات ياريس و اشتر ياريس

[ows212]

عموما انا كنت هاسيبك تنتحر .... بس ما دام الموضوع فيه هوندا سيتى يبقى نقولك كلامك تانى .. توكل على الله وهات السيتى

[Yarisawy]

السيتى طبعا كفاية انها هوندا حتى لو تقفيل تايلاندى فيعنى دى مش حاجة وحشة اوى , ما الصنى تقفيل مصرى وعربية تمام التمام بس عيبها شكلها القديم

والانسر خلاص بقى كفايه الشكل ده , بقى قديم ومنتشر اوى

[SEATLOVER]

ولا واحدة منهم .... وامسك اعصابك

[goodwave]

السيتي لأ طبعا مع إحترامي لهوندا والكلام ده.... بس السيتي لم تثبت كفاءة ولا إنتشار وكذا علامة غستفهام على أداء موتورها.

زي ما حازم قالك خليك في الياريس لو عاوز نصيحة .... بس ياحازم كنت بقول لواحد قريبي كلمة وإحنا بنتناقش علشان هوة عاوز يجيب لانسر 1300 شكل قديم " إللي يحب الانسر عمرة ما يقتنع بالياريس وإللي يركب ياريس عمرة ما يقتنع بللانسر"

علشان متوهش من موضوعك ....... خليك في اللانسر.

[goodwave]

أأأأأأأه صحيح نسيت حاجة .... وهي تقديم فروض الولاء والطاعة :)

الحاجة الوحيدة إللي تخليني أحب السيتي إن أخونا وحبيبنا هاني أدم راكبها والراجل ده مش تحبه بس لأ وتحب عربيته كمان .... الحمد لله صلحت الكلام وإلا كريم منير منكن يهدر دمي .... يابوييييييي

نسيت حاجة كمان .... شنطة السيتي وااااااااااااااااااااااااااااااسعة جدا .... والعدادات بتاعتها تحفة.

[FLYINGPEUGEOT]

ياحماعه مش هينفع ياريس..الراجل مغصوب على واحده من الاتنين دول (لانسر..وسيتى)

انا رايى الشخصى...بصرف النظر عن ان سيتى تابعه للشركه المحترمه جدا (هوندا)
بس فى المقارنه دى ..لانسر تكسب؟؟؟

1- اكثر اعتماديه وسوقها شغال كويس ...عكس السيتى
2-تتفوق عليها اداءا وثباتا..وكلنا عارفين ان ثبات السيتى فى الكنافه
3- بصرف النظر عن انها منتشره او شكلها قديم...فا انا شايف انها شكلا وتصميما احلى واكثر تناسقا من السيتى

والله اعلم

[FLYINGPEUGEOT]

الكلام دا ياجماعه مجرد راى شخصى..قد يحمل الصواب او الخطأ او كلاهما معا

انا حبيت بس اقول كده احتراما لحبايبى الهونداويه وقسم الهوندا الجامد اللى تقريبا اول مره اشارك فيه

سيتى بردو عربيه اقتصاديه ونعمه وسعرها كويس..بس فى مقارنتها مع اللانسر ..اللانسر تكسب...عان الاسباب اللى قولتها قبل كده (راى شخصى)
.ودا لا يعيب السيتى فى شىء...
واسمع احسن سلام للهوندا...والهونداويه :)

[bassam nagy]

الانسر تكسب
والسيتى عربية حلوة بس التقفيل مش اد كدة