إعـــــــلان

Collapse

.

,
See more
See less

دخان ابيض من شكمان سيفيك 2008

Collapse
X
 
  • Filter
  • الوقت
  • Show
Clear All
new posts

  • دخان ابيض من شكمان سيفيك 2008

    لاحظت خروج دخان ابيض مع رائحة عادم سيئة للغاية من الشكمان ( السيارة 75000 كم ) و الموضوع ده بيبدأ بعد الدوار ب دقيقتين تلاتة كدة و يستمر بعد كدة علي طول حتي لما العربية تسخن و شكله مش بخار مياه لانه بيحصل علي طول حتي و العربية سخنة و الجو مش بارد.
    قمت بتغيير الزيت و لاحظت ان كميته كاملة 4 لتر ( موبيل 10000 ) و لونه و درجته مظبوطين
    و اشتريت الزيت الاصلي و فلتر هوندا من مجدي الدسوقي وحطيته و مفيش فايدة
    علما باني لسة عامل شوية صيانات غيرت فيها
    فلتر بنزين + فلتر هواء + بوجيهات
    برضه مياه الرادياتير كاملة مش بتنقص و سحب العربية تمام و بتجيب 210 كم
    حد يقولي ده ممكن يكون ايه ؟؟؟؟
    برضه للعلم كان صوت الشكمان عالي كشفت عليه لقيت علبة البيئة (الكاتالايزر) مافيهوش المادة المحفزة اللي جواه ( انا شاري العربية استعمال وواضح ان صاحبها الاولاني عمل كدة بس لما اشتريتها من سنة مكنش فيها اي حاجة من دي) سألت ميكانيكي قاللي مش مهم بس العربية بتاكل بنزين ( الصفيحة جوة البلد تمشي 160-170 كم )
    يا ريت حد يساعدني و يقوللي ايه الاحتمالات لاني قلقان يكون الموتور فيه مصيبة

  • #2
    هل العربية سخنت منك جامد قبل كدة لاى سبب؟ ومتأكد ان المياة عندك مش بتنقص ؟

    لون دخان أبيض ومش بيروح حتى والعربية سخنة دى معناها ان فيه مياة بتدخل جوه غرفة الأحتراق

    الأفضل تروح تطمن عليها وتكشف في التوكيل
    [CENTER][B]HONDA THE POWER OF DREAMS[/B][/CENTER]

    Comment


    • #3
      المشاركة الأصلية كتبت بواسطة m_nabil مشاهدة المشاركة
      هل العربية سخنت منك جامد قبل كدة لاى سبب؟ ومتأكد ان المياة عندك مش بتنقص ؟

      لون دخان أبيض ومش بيروح حتى والعربية سخنة دى معناها ان فيه مياة بتدخل جوه غرفة الأحتراق

      الأفضل تروح تطمن عليها وتكشف في التوكيل
      كلام مضبوط ١٠٠٪
      دخان ابيض علي طول يبقي فيه ميه في غرفه الاحتراق يا اما عدم احتراق جيد للوقود
      انت متاكد ان الميه ما بتنقصش و ان ريحه العادم ما فيهاش بنزين ني

      من كلامك واضح ان صاحب العربيه كان معدل فيها علشان يعلي الاداء
      و ما اظنش انع عمل ريماب لان لسيفيك الجيل التامن يكاد يكون مش موجود ريماب ليها في مصر

      عموما فيه علبه stp بتتضاف علي الزيت تقريبا مخصوص علشان الدخنه البيضه و هاتلاقيها في بنزينه كبيره
      و الافضل فعلا انك تكشف في التوكيل
      اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها

      Comment


      • #4
        شوف ياباشا من كلامك حضرتك واللى انا شاكك فية انك عايز تنظف البوابة كويس والرشاشات لان من الواضح عندك ان الاستهلاك عالى لان دة مش استهلاك سيفيك انها تعمل معاك 160-170 داخل المدينة

        وياجماعة انا مستبعد موضوع الجوان دة نهائى لان كان زمان الحرارة عندة عليت ولا قدر الله بوظت المكنة وكمان العربية مش هتسحب معاة اصلا بعد كدة , وهو كمان بيقول ان الحرارة عندة مظبوطة

        حضرتك روح ياباشا نظف البوابة + الرشاشات وحط العربية على جهاز كاشف اعطال وان شاء الله هتبقى تمام

        وياريت كمان تتطلع البوجية وتشوف حالتة عاملة ازاى + ياسلام لو جيبتلى الكود بتاع البوجية عشان اعرف هل هو دة المناسب لسيارتك ام لا
        [CENTER][SIZE=6]SEMSEM KANE سابقا[/SIZE][/CENTER]

        [img2]http://nileup.com/up/uploads/nilemotors_13635570671.jpg[/img2]

        Comment


        • #5
          المشاركة الأصلية كتبت بواسطة semsem kane مشاهدة المشاركة
          شوف ياباشا من كلامك حضرتك واللى انا شاكك فية انك عايز تنظف البوابة كويس والرشاشات لان من الواضح عندك ان الاستهلاك عالى لان دة مش استهلاك سيفيك انها تعمل معاك 160-170 داخل المدينة

          وياجماعة انا مستبعد موضوع الجوان دة نهائى لان كان زمان الحرارة عندة عليت ولا قدر الله بوظت المكنة وكمان العربية مش هتسحب معاة اصلا بعد كدة , وهو كمان بيقول ان الحرارة عندة مظبوطة

          حضرتك روح ياباشا نظف البوابة + الرشاشات وحط العربية على جهاز كاشف اعطال وان شاء الله هتبقى تمام

          وياريت كمان تتطلع البوجية وتشوف حالتة عاملة ازاى + ياسلام لو جيبتلى الكود بتاع البوجية عشان اعرف هل هو دة المناسب لسيارتك ام لا

          ما هو يا سمسم بيقول انه غير فلتر الهوا قريب و الثروتل بودي بيتهيقلي مالحقش يتوسخ )٢٠٠٨( لدرجه انه يعوق الهوا و لو فعلا فيه اعاقه كان ال MAF هايحدد كميه الهوا و علي اساسها هايدخل بنزين فالاستهلاك هايكون واحد تقريبا بس العربيه هاتكون مكتومه و علي حسب ما فهمت ان العربيه فياقه
          و الرشاشات لو مسدوده العربيه ممكن تبرجل علي السلانسيه و تقف كمان

          ثانيا العربيه عامله حاجه و سبعين الف و البوجيهات الاصليه بتقعد لل ١٠٠ الف علي ما اعتقد لانها platinum long life (انت شاكك في ايه من ناحيه البوجيهات؟؟)

          يا ريت صاحب المشكله يتاكد ان صاحب العربيه الاولاني ما كانش بيستخدم الاويل فلش علشان ده باثر علي السيل بتاع البساتم فالزيت ممكن يدخل للسلندرات و الزيت ينقص بمعدل بطئ

          و ان شاء الله الاخوه يفيدوك و تطلع حاجه بسيطه و عايزك تطمن
          انت معاك سيفيك
          اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها

          Comment


          • #6
            هو حضرتك جبت الزيت الاصلي منين و ايه هي درجة لزوجته و بكام

            Comment


            • #7
              المشاركة الأصلية كتبت بواسطة hany63 مشاهدة المشاركة
              هو حضرتك جبت الزيت الاصلي منين و ايه هي درجة لزوجته و بكام
              الزيت الأصلى موجود عند مجدى الدسوقى فى الحرفيين
              وهو زيت 10,000 كيلو متر وتمنة 300 جنية
              وموضوع اللزوجة معرفش عنها حاجة

              بصراحة بفكر المرة الجاية اغير شيل واجرب الزيت الأصلى
              بس مش عارف هيناسب الموتور عندى ولا هيكون اية نظامة
              [CENTER][SIZE="3"][B]لازم يكـــون عنــــدك حنكــــة؟؟؟[/B][/SIZE]
              [SIZE="3"]إلا هـــو يعنـــى ايـــة حنكـــة!!!![/SIZE]:Oc_sun1[1]:[/CENTER]

              hamdymsr سابقا

              Comment


              • #8
                اولا شكرا جدا جدا لكل الردود و بجد الموضوع فعلا محيرني جدا
                فعلا في ريحة بنزين ني طالعة من الشكمان والزيت مش بينقص خالص لان لو بمعدل الدخان دة اكيد كنت هالاقي الزيت ناقص كتير
                كمان انا لسه باصص علي الميه لقيتها نقصت حوالي ربع لتر من اخر مرة بصيت عليها من حوالي خمس شهور
                يعني اعتقد ان ده طبيعي وللا انتوا شايفين ايه ؟؟
                الله اعلم صاحب العربية الاولاني سخنت منه وللا لأ .. مش عارف بس هي مش بتسخن مني خالص و فعلا المية مش بتنقص و العربية بتسحب كويس جدا و كمان الزيت مش بينقص خالص
                انا حاسس ان اللي كان معاه العربية كان مبهدلها عشان كدة شاكك في كل حاجة و مش مطمن
                طيب لو اللي طالع ده بنزين ني يبقي ايه السبب
                تفتكروا البوجيهات السبب و للا الفلاتر وللا الانجيكشن وللا ايه بالظبط ؟؟
                ياريت اي حد عنده معلومة يساعدني و هل فعلا التوكيل يقدر يعرف ايه ده ؟؟؟
                انا اتعاملت مع توكيل هوندا في اسكندرية المأمون و طبعا صباح الفتي اللي بيفتوه في كل حاجة
                اعمل ايه يا رجالة ؟؟؟

                Comment


                • #9
                  هو الافضل طبعا تكشف في التوكيل علشان تقطع الشك باليقين و هناك هايقدروا يشخصوا المشكله افضل بس التوكيل مش مركز معتمد
                  و طالما الزيت ما بينقصش يبقي الحمد لله الاويل سيل تمام و المشكله بتتوجه ان البنزين ما بيتحرقش كويس

                  عموما جرب تنضف الثروتل بودي و البوجيهات زي ما قالك الاخ سمسم و شوف ايه النتيجه ممكن فعلا البوجيهات تكون عاوزه تتنظف بس
                  اللهم إني أعوذ بك من علم لا ينفع ومن قلب لا يخشع ومن نفس لا تشبع ومن دعوة لا يستجاب لها

                  Comment


                  • #10
                    المشاركة الأصلية كتبت بواسطة hamdymsr مشاهدة المشاركة
                    الزيت الأصلى موجود عند مجدى الدسوقى فى الحرفيين
                    وهو زيت 10,000 كيلو متر وتمنة 300 جنية
                    وموضوع اللزوجة معرفش عنها حاجة

                    بصراحة بفكر المرة الجاية اغير شيل واجرب الزيت الأصلى
                    بس مش عارف هيناسب الموتور عندى ولا هيكون اية نظامة
                    اعتقد ان اللي يناسبك زيت نص تخليقى عشان الزيت التخليقي للمواتير اللي ماشيه بحد اقصى 120000 كم
                    وسؤالي عن اللزوجه سببه ان ممكن الزيت الاصلي تكون لزوجته 5w-30 وفي الحاله دي لا يفضل استعماله صيفا انما لو 40 يبقى اتكلنا على الله و ياريت نمرة الدسوقي نسأله

                    Comment


                    • #11
                      كان عند واحد اعرفه نفس المشكله بس فى نوبيرا وطلع صباب مكنش بيقفل كويس--استهلاك بنزين عالى جدا دخان ابيض من الشكمان-لا يوجد نقص فى الزيت ولا الماء--وربنا يستر ويكون شىء اخر

                      Comment


                      • #12
                        طيب دي كانت عند واحد صاحبي في تويوتا كورولا 2009
                        واعتقد انها قريبه من السيفيك بالاضافه الي تغييرصوت الموتور
                        حط الرشاشات علي جهاز تنظيف
                        العربيه بقت عربيه تانيه
                        اكشف وجرب وعرفنا

                        Comment

                        Working...
                        X