اسبراتير ولا موبينه ؟!

[wael ahmed]

السلام عليكم
بعتذر يا رجاله عن عدم حضورى المقابله لعدم تواجدى فى قاهره المعز ... وهوه دايما حظى كده المقابلات بتبقى وانا خارج القاهره

دلوقتى يا رجاله امبارح قعدت افتى مع واحد صاحبى وقلت اختبر غرف الحريق وياريتنى ما لعبت فى حاجه

المهم شلت كل سلك بوجيه من اليمين للشمال واحد ورا التانى واسمع صوت الطقطقه واحطه لحد اخر سلك

بشيله وهوووب العربيه بطلت
ادور فيها مفيش لحد ما البطاريه نامت ...
المهم كلمت قريبى جالى ومعاه الكابل ندور مفيش :(
كلمت سمسم .. قالى كده الموبينه شيعت :@
المهم جبت ميكانيكى قالى كده فى حاجه فى الاسبراتير واسحبها على الورشه ونشوف الدنيا
النهارده فكه ووداه لكهربائى قالى الموبينه شغاله بس الاسبراتير مش طالع منه كهربا حاجه زى كده
انا اصلا فى مشاكل وحورات والعربيه جت كملتها فعملت اتصالاتى علشان مفيش حاجه للهوندا هنا فى الغردقه وبكره اجازه فى الحرفيين والعربيه فى الشارع وقلقان عليها ... والحمد لله كلمت واحد صاحبى راح جابهلولى من عصام ب 500 جنيه وبعته وهركبه بكره وربنا يستر

كده الموضوع ماشى تمام ولا فيه حاجه غلط .. والحركه اللى عملتها دى هيه السبب فى التشييعه الجميله دى ولا لأ ؟؟ وهل كان فيه امكانيه اغير الموبينه مثلا والمشط جوه الاسبراتير بجديد احسن من الاستيراد علشان انا بتعقد من كلمة استيراد دى

لو كده انا بطالب بإحضار محمد ممدوح فورااااااااا
علشان هوه اللى علمنى الحركه دى فى عربيه معتوق فى المقابله الوحيده اللى حضرتها فى الهرم

[SAMEH_FOUAD]

وائل باشا اية الاخبار

على فكرة انت متأكد من ان الاسبراتير هو اللى باظ وعملت الحركة اللى قولتلك عليها

واتأكد قبل ماتغير اى حاجة ان الموبينة شغالة عشان ممكن الكهربائى دة يلبسك تمن اسبراتير كامل

وخلى بالك نااااااااااااس كتير بيعملوا الحركة دية والعربية مش بترضى تدور تانى وبيطلع العيب من الموبينة وبيغيروها فانت اتأكد الاول

[wael ahmed]

تم تغيير الاسبراتير والعربيه دارت الحمد لله
شكرا يا سمسم على اهتمامك :)
________________________
مش عارف بقى يا سمسم علشان انا مرضتش العب فى العربيه اكتر من كده والميكانيكى لما راح معايا للعربيه قعد يحاول كتيير بس انا كنت جوه وبدور مكنتش واخد بالى .. بعد كده الكهربائى قالى العيب فى الاسبراتير نفسه والموبينه شغاله .. ممكن يكون مش فاهم وريح نفسه وقالى هات اسبراتير علشان ميطلعش شكله وحش وفى الاخر العربيه متدورش ...وعامة انا مبحبش اعمل اى شغل فى عربيه هنا فى الغردقه علشان 90 % منهم كفتجيه بس الحمد لله انها جت على قد كده ...

عامة انا جاى القاهره بكره ان شاء الله هبقى اودى الاسبراتير عند حسنى يشوفه مع انى شاكك برضه فى الموبينه بس هيه اللى باظت بس زى مفهمتك بقى ...

وكده انا محتاج اظبط العربيه على الجهاز ولا كده تمام :)
وتسلم يا كبير مره تانيه :)
حدش معاه اوكره باب يمين داخليه بقى لاخوكم يا جدعان :(

[AHMED_HAMDY]

انا كان معايا اسبراتير لو كنت عايزه ههههههههه وكنت هدهولك بسعر ارخص من كدا بكثييير بس يلا خير
الحمد الله انها دارت وجت سليمه

[AHMED_HAMDY]

الاكره كان معايا واحده زياده هدورلك عليها باب الي جمب السواق لو لقيتها هكلمك وشوف الرسائل عندك عايزك في حاجه برضه

[Hamdy Masria]

حدش معاه اوكره باب يمين داخليه بقى لاخوكم يا جدعان :(

الأوكرة تايوانى عند مجدى الدسوقى لسة شاريها ب 50 لحلوح

[wael ahmed]

انا كان معايا اسبراتير لو كنت عايزه ههههههههه وكنت هدهولك بسعر ارخص من كدا بكثييير بس يلا خير
الحمد الله انها دارت وجت سليمه

يلا يا باشا حصل خير الحمد لله :)
وبالنسبه لموضوع ظبط الكهربا
انا كنت عملتها مره عند رفعت السودانى بجهاز كده بيقرا العربيه على rpm كام
وبيفضل يظبط فى مسمار الفاكيوم لحد ما تظبط قرايه على 7.5 او 8.25 بتبقى بين القرايتين دول بس مش فاكر كام بالظبط بس مش بيقرب للاسبراتير خالص
انا نفسى فى مكان اكشف فيه على ecu errors ؟

[wael ahmed]

الأوكرة تايوانى عند مجدى الدسوقى لسة شاريها ب 50 لحلوح

ليه يا عم ...والله اخرها معايا عشيين جنيه لو تايوانى مسألتش عليها استيراد بكام علشان حاسس برضه هتبقى نفس السعر
ده فى بورسعيد الناس فارشه فى الشارع بحاجات اشكال والوان والله كنت هجيب مفتاح الزجاج الرئيسى ب 40 جنيه

انا محتاج الحديده اللى بتبقى ماسكه الباب وبيدخل فيها البنز ... مكسوره عندى من زمان بس الباب قرب يتخلع .... دى هعرف اجيبها استيراد ولا هيقولوى مبتططلعش غير مع الباب D:
وصحيح يا رجاله محدش عنده تانك SI من غير طرمبه ؟!!

[AHMED_HAMDY]

والنبي برضه يا وائل لو لقيت تانك قولي صحبي محتاجه ضروري بس مكنه ال1500 فتيك
ولاقاه ب 350 لو لقيته في مكان ارخص قولي برضه

[wael ahmed]

مش طارق :)))) انا بسأله على فكره :)
هوه عندى على الفيس وانسان محترم جداا كلمنى علشان حصل معاه نفس الحوار بس طلع فيوز فى الاخر عنده
وتنك 1500 بيفرق عن si ?!

[SAMEH_FOUAD]

طبعا تنك ال1500 بيفرق عن ال si

وعلى فكرة ياوائل انا زى ماقولتك فية مقدمات الاول عشان الاسبراتير يقطع مش بيقطع مرة واحدة

وعموما ماترميش الاسبراتير او تهملة روح جرب علية موبينة وان شاء الله هتلاقية شغال , لائما المشط الالكترونى هو اللى بايظ زى ماقولتلك فى التليفون والاتنين بيتغيروا

[wael ahmed]

زى ايه يعنى يا سمسم المقدمات دى ؟
اصل الميكانيكى لما كان بيركب الاسبراتير كان شايل السلك ومحصلش حاجه !!
وقالى ممكن لما تكون رافع سلكين مع البعض الموبينه يحصلها حاجه .. بس لو سلك واحد ميحصلش حاجه بس غلط برضه . بس هوه محمد ممدوح كان اللى كان بيورينا مهارته


وطبعا الاسبراتير معايا . انا من يوم طرمبة الباور دى ومبسبش حاجه لميكانيكى