زعلان زعل السنين منكوا

[ahmedeihab]

بصراحه يا رجاله
زعلان زعل الدنيا من رجاله الهوندا
عدا الناس المهتمه بحرف ال h
الناس كلها محدش مهتم بلقسم تماما ولا بمواضيع جديده
ولا مقابلات ولا اى حاجه
و لما رحنا فورميلا الاهرام
قلنا الناس اكيد كلها جايه
لقيت سمسم و علام و 2 تانى و شكرا على كده
بجد انا لولى انى اتعرف على سمسم و علام لانهم من الناس المحترمه جداااااااا
انا مكنتش دخلت القسم ده تانى
و كنت هدخل زيي زى اى حد عايز مصلحه
يقضيها و بعدين يمشى
كل واحد فى القسم فى وادى غير التانى
و لما يعوز مصلحه
يقولك الحقووووووووووووونى يا رجاله مشكلتى كذا
يا فرحتى و بعديها متشوفش وشه تانى لما المشكله تتحل
و لما يبقى فى مقابله مثلا تلاقى 5000 واحد يقولك انا جاى
و اول ما نوصل المقابله
هما ال 3 بتوع كل مره
سمسم و علام و انا و 2 ولا 3 كمان و شكرا على كده ده لو جم
و الناس اصل مش عارف ايه اصل ايه و كلام كده و مقدرناش نييجى
فى ناس هتطلع دلوقتى تقولى انت مش مقدر مشغوليات الناس
هقولهم لاء مقدر طبعااا بس لو شايف انه اليوم ده صباعك الصغير هيوجعك و مش هتقدر تييجى
قول يا جدعاااااااان انا مش جااااااااى او ارفع سماعه الفون اعتزر للرجاله اللى قدرتكوا و نازله علشانكم
ماهو ممكن نتقابل انا و سمسم و علام ونقعد مع بعض احنا التلاته و شكرا على كده
و نحلق لكل الناس التانيه
بس احنا متعودناش اننا نعمل ده
ياريت يا جماعه تتقبلوا كلامى بصدر رحب
لان بصراحه كده عيب اووووى محدش بيقدرنا
تحياتى ليكوا
^_^

[SAMEH_FOUAD]

والله عندك حق يابو حميد وبجد انت انسان كويس ومحترم جدا ولا يقل عنك شىء محمد علام

وطبعا ماننساش فى الذكر الاستاذ المحترم بجد الاستاذ هانى اللى بردة دائما موجود فى كل مقابلة ومش بيفوت ولا مقابلة

انا مش عايز اقولك اننا بالظبط من حوالى سنتين كنا بنتقابل مش اقل من 13 فرد دلوقتى بيبقى اخرنا 5 ,6

وانا اصلا زهقت من الكلام فى الموضوع دة لانى بجد لاقى عدم تجاوب نهائى من الاعضاء واللى يقولك جاى ومايجيش

دة كفاية الاستيكرات اللى خلاونى اجيبها وعملوا عليها موال وطلبوا من الادارة ولما جيبتهالهم اربعة بس هما اللى خدوا الاستيكر انا مش عارف الصراحة اعمل اية تانى

كل الاقسام بتتكلم وبتتناقش وبيتقابلوا وماشاء الله الهونداوية فى تراجع تقريبا متأثرين بسياسة هوندا الجديدة هية بتتراجع والاعضاء كمان بيتراجعوا

ربنا يقومهم بالسلامة

[SAMEH_FOUAD]

فاتتك الشداية يابو حميد بتاعة امبارح كنت بجرى مع x5 2002 وعلمت عليها تعليمة السنين طلعت فيها الكبت اللى حصلى من اللى بالى بالك

[hany63]

وطبعا ماننساش فى الذكر الاستاذ المحترم بجد الاستاذ هانى اللى بردة دائما موجود فى كل مقابلة ومش بيفوت ولا مقابلة

عشت يا امير ده بس من ذوقك
جزء من المشكله راجع برضه لقله عدد اعضاء القسم و تفرقهم بين اجيال هوندا
يعني مثلا معظمنا من مالكي مو 92-94 على 2 معاهم سيتي و 4 الجيل التامن و دمتم و مبنكترش
و ده راجع ان العربيه غاليه (تتفك ب 2 و نص نيسان) وليها زبونها
فطبيعي لما نسبه 30% تتجمع نطلع في الاخر 5 او سته
قارن بقى مع قسم هونداي مثلا لو جم 30% هتلقى 60 واحد حضر اقله
المهم انا بصراحه استمتعت بالصحبه قبل المكان و بالمناقشات اللي دارت بيننا لما كنا بنتفرج على كل عربيه

[SAMEH_FOUAD]

عشت يا امير ده بس من ذوقك
جزء من المشكله راجع برضه لقله عدد اعضاء القسم و تفرقهم بين اجيال هوندا
يعني مثلا معظمنا من مالكي مو 92-94 على 2 معاهم سيتي و 4 الجيل التامن و دمتم و مبنكترش
و ده راجع ان العربيه غاليه (تتفك ب 2 و نص نيسان) وليها زبونها
فطبيعي لما نسبه 30% تتجمع نطلع في الاخر 5 او سته
قارن بقى مع قسم هونداي مثلا لو جم 30% هتلقى 60 واحد حضر اقله
المهم انا بصراحه استمتعت بالصحبه قبل المكان و بالمناقشات اللي دارت بيننا لما كنا بنتفرج على كل عربيه

ياباشا ربنا يخليك دة اقل شىء يقال عن حضرتك والله بجد مش مجاملة

وعموما انا اللى مزعنلى اننا كنا الاول بنتقابل 13 فرد والله ودلوقتى زى ماحضرتك شوفت فى المعرض والمقابلات اللى فاتت واللى اتلغت بسبب الاعضاء

ياباشا هقول لحضرتك حاجة بس بدون زعل

انا بحس ان معظم الاعضاء موجودين هنا للمصلحة ليس اكتر يعنى مثلا واحد يطلب حاجة يبقى عايز الناس ترد علية بأسرع وقت ويزعل ويضايق لما محدش يرد علية ويحسسنا اننا متجاهلينة

ولما يكون فية مقابلة ولا اى حاجة ولا اكنة يعرفنا ولا حتى يدخل يشارك بأى كلمة او بأعتذار كأنة لا ينتمى لهذا القسم

يعنى بجد بجد الناس هنا شايفة ان القسم دة مجرد معلومات وخلاص

مايعرفوش بجد ( انا هتكلم عن نفسى ) عرفت ناس بجد بشكر المنتدى وبشيل جميلة ليا انة عرفنى بيهم والحمد لله بعيدا عن اى مصلحة

والحمد لله كل يوم فى تزايد مستمر ودة الاهم من اى حاجة

[ahmedeihab]

فاتتك الشداية يابو حميد بتاعة امبارح كنت بجرى مع x5 2002 وعلمت عليها تعليمة السنين طلعت فيها الكبت اللى حصلى من اللى بالى بالك

ههههههههههههههههههههههههههههههههه يا جااااامد
بس انا ماكلش دلوقتى مع حد
لما نركب المكنه اللى بالى بالك نبقى نجرى مع ايفو بقا انا و انت
و ياباشا طلع الكبت زى ما انت عايز و لو عايز تطلعه عليا مفيش مشاكل اروح امون 80 و اجيلك
^_^

[SAMEH_FOUAD]

ههههههههههههههههههههههههههههههههه يا جااااامد
بس انا ماكلش دلوقتى مع حد
لما نركب المكنه اللى بالى بالك نبقى نجرى مع ايفو بقا انا و انت
و ياباشا طلع الكبت زى ما انت عايز و لو عايز تطلعه عليا مفيش مشاكل اروح امون 80 و اجيلك
^_^

ياحبيب قلبى ايفو اية بس انا بعلم عليها وهية مرة اللى جريت معاها والحمد لله عرفتة WHAT SiR KNOWN

انا محدش هيعمل فيا زى العربية اللى زحفتنى وراها دية بس عادى فى بيتها يعنى

[ahmedeihab]

ياحبيب قلبى ايفو اية بس انا بعلم عليها وهية مرة اللى جريت معاها والحمد لله عرفتة WHAT SiR KNOWN

انا محدش هيعمل فيا زى العربية اللى زحفتنى وراها دية بس عادى فى بيتها يعنى

يا سمسم ربنا يكفيك شر ال SIR
و يكفينا شر ال h22a
^_^

[omran73]

يا جماعة انا بعتذر انى ما كنتش معاكو فى المقابلة بس والله انا لأول مرة كنت ناوى اروح المقابلة بس ابنى تعب وهو ده اللى خلانى مقدرتش . سامحونى

[ahmedeihab]

يا جماعة انا بعتذر انى ما كنتش معاكو فى المقابلة بس والله انا لأول مرة كنت ناوى اروح المقابلة بس ابنى تعب وهو ده اللى خلانى مقدرتش . سامحونى

الف سلامه عليه يا كبير
بس انت مشاركاتك قليله
احنا بنتكلم على الناس اللى مشاركتها كتيره و كل شويه تقول جايه
^_^

[AHMED_HAMDY]

واله يا جماعه انا برضه بعتزر ومش هقول اني لسه في جامعه ولا هتحجج بس اماكن المقابله بجد بعيده عني
يعني انا نادر بجد جدا جدا اما بنزل القاهره وانا من الزقازيق غير طلب للعيله او حاجه
فبعتزر برضه ولو تشرفوني كلكم في الزقازيق يكون ده شرف ليا واي حد يعوز اي حاجه انا اعملهالوا كلنا هن ابجد اخوات (بس انا الحمد الله مش قولت في مره جاي اصلا ومجتشي )

[OmaR_FekrY]

بص انا متهيألى ان مفيش واحد فى القسم ده محاولش و لو مره انه ينشط القسم ... و كل مره بنقول خلاص احنا ملناش صوت فى المنتدى و هنشد نفسنا و هنعمل و هنسوى و نفضل على الحال ده اسبوع .. اتنين و نرجع تانى كلنا زى م كنا و يمكن اكسل ... و المشكله اللى تضايق اننا لما بنحاول ننشط القسم بتطلع افكار هايله ... خد عندك مثلا

1- احنا اول قسم نعمل موضوع للدردشه الجانبيه و كاننا قاعدين مع بعض ... و باقى الاقسام خدوا الفكره من عندنا ... و احنا موضوعنا مات
2- احنا اول قسم يعمل مسابقات بين اعضاءه .... و برضو الموضوع مات
3- احنا اول قسم يفتح موضوع تتكلم فيه عن الذكريات اللى ربطت بينك و بين عربيتك ... و الموضوع ده مشوفتوش فى ولا قسم لحد دلوقتى و للاسف برضو الموضوع مات
4- احنا من اوائل الاقسام فى المنتدى اللى يبقى ليها منسق .. و الحمد لله لسه موجود و لو انى حاسس انو بيدعى علينا و على اليوم اللى كان منسق فيه :) ( لامؤاخده يا عم سمسم )
5- و اهم ميزه فى القسم ده ان فعلا اعضاءه كلهم بيحبوا بعض .. يعنى مفتكرش مره لاقيت مشاده بينهم و بين بعض سواء على صفحات المنتدى او الطبيعه و ربنا يدومها ان شاء الله
6- و اخيرا الشىء اللى بعتبره ميزه و عيب فى نفس الوقت و هو ان اى معلومه او استفسار عايز تعرفها عن اى موديل هوندا هتلاقيها .. و ده من اهم الاسباب اللى مخليه القسم هادى شويه


و بالنسبه لموضوع المقابلات .. ربنا يعلم حضراتكوا واحشنى قد ايه .. لكن من اول السنه فعلا والله بدون مبالغه و انا لازم اسبوعيا تحصلى حاجه سواء مشكله .. حادثه ... مشاكل فى الجامعه ... وفاه .. الخ و ربنا يستر على اللى جى :)

[tarekzein]

معاك فى كل اللى قلته ده يافكرى

[OmaR_FekrY]

معاك فى كل اللى قلته ده يافكرى

تسلم يا حاج طارق .. و الله حضرتك واحشنى جدا

[m3touk_85]

ايوه سامع الناس بتتكلم عني :):)

انا سبقتكم ورحت قبلكم بيوم علشان كنت عايز اعرف حاجات مهمة وقلت ممكن ما تحوش فيضيع عليه الموضوع ورحت تاني كمان بس بعد المقابلة علشان كان في حاجات نقصاني

اللي خلاني ماجيش كنت بشوي فى اليوم ده وقلت اكيد اللي هيجوا هما هما انا جوغري يا جامعة اوعي حد يحد طماطم