محتاج راي الهونداويه الجيل الثامن ......!!

[WalidAdel]

قولت الموضوع الاولاني ماحدش تفاعل فيه فقولت اعمل موضوع تاني اذ ربما يبقي في تفاعل
لاقيت هوندا سيفيك 2008 فابريكه بره و جوه عداد 54 الف و شويه اللون اسود فرش بيج
العربيه جديده بعد التقليب و الحركات وجد الاتي :

• الرفرف الشمال متاخد نغزه بالفانوس و ماردوده علي البارد ... ماوصلتش للكابوت بس

• السقف من الناحيه اليمين في طفسه غريبه زي مايكون حد اداله بوكس متييييييييين (حد صحته حلوه ماشاء الله)

• فيها حاجه غريبه مش عارف ده ايه هيا في معرض بتاعة مرات صاحب المعرض اصلا

الناس اللي في المعرض لما جم فتحوها دخلوا من الشنطه و فتحنا الكابوت لاقيناهم فاصلين كابل البطاريه لان الانذار شغال اول مابتحط الكابل (علي كلاكس العربيه)
المهم الواد دور العربيه و طلع بيها ركنها في حته واسعه علشان نتفرج ... مافهمتش فين المشكله بس هو قال ان لما حد جهه يفتح العربيه مش عارف عمل ايه في الريموت فالريموت باظ ا فصل فقال هابقي أجيب الريموت التاني من فوق (ده كلام الناس اللي شغاله في المعرض) هو كان معاه مفتاح بس مش عارف الريموت في المفتاح منه فيه و لا ايه الظروف

• فيها طفسه في الاكصدام من الطرف الشمال تحت التانك كده - غير كده العربيه من بره زي الفل (عتب - حود - شنطه - قوايم - صدر خلفي - ستاره اماميه ... كله)
  

• صالون زيرووووووو
  
• الطاره زيرووو و مش مقشره خالص
• المطلوب 110 الف مش ناقصين جنيه
  

فما رأيكم ياشباب

[hany63]

مش هكلم عن السعر على اساس عرض و طلب وصعب الواحد يلاقي حاجه نضيفه بجد و ماشيه قليل صاحبها بيفرط فيها وعلى ذلك لو عاجباك مش خساره فيها زياده فلوس
1-الكيلو متر كويس و الموتور هيبقى في حكم الجديد
2-خبطة الرفرف مش مشكله
3-السقف نبتدي نتكلم هل انت شايف ان شكله مقبول ولا لأ وبعدين لازم نتأكد من التوكيل اذا كانت فابريقه بره و جوه
4-المفتاح تكلفته 1500 جنيه و الاتفاق انهم يسلموك بمفتاح الريموت الاصلي وماحدش يعرض عربيه يدخل لها من الشنطه

اذا الملاحظات اللي فاتت تناسبك اطلع اكشف في التوكيل كشف شامل و كمان تتأكد ان العربيه صيانتها يتتعمل في التوكيل عشان تتأكد من العداد و ان الميكانيكيه ما بهدلوهاش و انها من الاخر مش محتاجه مصاريف و بالتوفيق

[No Comment]

دى أكيد Lxi يا وليد ... وبالنسبة للسعر والتقييم اللى انت قايله ومشكلة الريموت استنى لما ملاك الجيل الثامن يردوا وشوف رأيهم أيه .
وبعدين متوقفلناش شعرك كدة .

[SAMEH_FOUAD]

العربية كدة هتحتاج مصاريف بحوالى 2500 جنية

بالسعر دة كويس جدا بس بعد التقرير العام بتاع التوكيل العربية دية بالذات لازم تقرير التوكيل عشان ماتلبسش فى مصاريف

[WalidAdel]

4-المفتاح تكلفته 1500 جنيه و الاتفاق انهم يسلموك بمفتاح الريموت الاصلي وماحدش يعرض عربيه يدخل لها من الشنطه
جامد موضوع المفتاح ده من حيث التكلفه دي (هو كده باظ باظ يعني )

شكرا للرد ياباشا

دى أكيد lxi يا وليد ... وبالنسبة للسعر والتقييم اللى انت قايله ومشكلة الريموت استنى لما ملاك الجيل الثامن يردوا وشوف رأيهم أيه .
وبعدين متوقفلناش شعرك كدة .


14 مشاهده ياعم احمد و ماحدش قالي حتي ربنا يوفقك

العربية كدة هتحتاج مصاريف بحوالى 2500 جنية
اوببببببببببببا من اولها كده ياسم سم ... دانا قولت العربيه جديده ماشاء الله
بس ياتري ال 2500 دول في ايه

شكرا للردود يارجالة الهوندااااااااااا

[SAMEH_FOUAD]

ال2500 جنية دول

مفتاح , رش وتظبيط الخبطات , اكيد هتطلع حاجة فى العفشة وغالبا هتكون القاعدة

[haythamkmal]

يا باشا العربية دى فيها مشكله و ياريت تكشف عليها فى التوكيل كويس ، بالنسبة للمفتاح ، انت لو قافل العربية بالريموت وفتحتها بمفتاح الانذار عمرة ما هيشتغل حتى لو كان مش مفتاحها ، هيشتغل بس لو فتحت الباب من غير مفتاح او حاولت تدورها بمفتاح مش مفتاحها ، وبعدين العربية دى بتنزل مفتاح فى ريموت والمفتاح التانى مفيهوش ريموت ، يبقى ازاى بيقولك هجيب الريموت التانى من فوق .
بالنسبة للسعر او العربية تطلعت نظيفة اعتقد انه زيادة حوالى 2000-3000 خصوصا ان العربية مفيهاش اى اضافات وده برده فى حالة انها بتعمل صيانتها فى التوكيل ، اما غير ذلك فالسعر ممكن يوصل 102--205 حسب الحالة برده.