يا هوندا وية اريد حلا

[ais_semsem]

السلام عليكم يا جماعة

انا عندي هوندا سيفيك 2008 وكان جاي معاها مفتاحين [overline]مفتاح ريموت زراريين [/overline]و [overline]مفتاح عادي [/overline]

المفتاح الريموت اتكسر وطلع السن لوحده والعلبة لوحدها وطبعا حاولت كتير بـ امير وسوبر جلو
وحتى الكله مجبتش نتيجة, وربنا يحفظ مفاتيحكم وعربياتكم ان شاء الله

السؤال بيقول علل : المفتاح الريموت بيتباع ولا لا , ولو في حل اخر ؟؟؟؟؟؟!!!!

لا اراكم الله مكروها في هوندا لديكم

[hany63]

شوف الموضوع ده و انشاء الله تتحلhttp://www.nilemotors.net/Nile/272654-a.html

[ahmedeihab]

شوف الموضوع ده و إن شاء الله تتحلhttp://www.nilemotors.net/Nile/272654-a.html

+1

[frdnwr]

بما إن الريموت والمفتاح مافيهمش حاجة، انت تغير الهاوسينج بتاع الريموت بس . صدقني الامير هيشوه شكل المفتاح ومش هيمسك إلا في حالة شرخ صغير مثلا .. وده هتلاقيه عند بتوع المفاتيح ، تقدر تتصل بسعيد أو عزب ، تليفوناتهم موجودة في المنتدى ..

[m3touk_85]

بيتباع ياباشا وفعلا زي ما قال الاخ هتحتاج تعمل مفتاح خريطة بس لكن الفحمة هي هي هتنقلها فى الريموت ’ لو الريموت بايظ هتحتاج توفقه مع كنترول الايموبليزر بس لو حبيت ناس تعملها لك كلمني

01003736110

[haythamkmal]

الهاوسينج مينفعش يتغير عشان السن الحديد مصبوب مش مربوط بمسامير ، مفيش قدامك حل غير انك تغير المفتاح اما بالاصلة وده بيتكلف حوالى 1500 جنيه او تقليد بس مش عارف بكام بالظبط

[frdnwr]

الهاوسينج مينفعش يتغير عشان السن الحديد مصبوب مش مربوط بمسامير ، مفيش قدامك حل غير انك تغير المفتاح اما بالاصلة وده بيتكلف حوالى 1500 جنيه او تقليد بس مش عارف بكام بالظبط

يا باشا سن حديد ايه بس اللي هيخليه يعمل المفتاح ب 1500 جنيه؟ ما بيتغير كله وينقل الريموت والترانسبوندر في هاوسينج جديد ( بالسن الحديد عشان ما تزعلش) مش هيكلفه عشر المبلغ ده يعني .. ويخلي القديم سبير عنده كمان،