هوندا سيفك بتحدف جامد مع الفرامل

[ali_2h]

الحمد لله اشتريت سيفك 2008 عاملة 70 الف كيلو
و الفرامل بتاعتها يمكن احسن فرامل لعربية سوقتها
بس اليوم ضربت فرامل جامد اوى وانا كنت ماشة على 90 ,, لاقيت العربية حدفت جامد جدا حتى مش عارف حدفت يمين ولا شمال انا معرفش العربية فيها ABS وللا لأ
ممكن يكون ايه سبب الحدفة و بعدين انا معرفش فين اماكن صيانة ليها او مركز صيانة و,, أعمل اييه

[ahmedeihab]

الحمد لله اشتريت سيفك 2008 عاملة 70 الف كيلو
و الفرامل بتاعتها يمكن احسن فرامل لعربية سوقتها
بس اليوم ضربت فرامل جامد اوى وانا كنت ماشة على 90 ,, لاقيت العربية حدفت جامد جدا حتى مش عارف حدفت يمين ولا شمال انا معرفش العربية فيها abs وللا لأ
ممكن يكون ايه سبب الحدفة و بعدين انا معرفش فين اماكن صيانة ليها او مركز صيانة و,, أعمل اييه:copy of m-s5:

فيها abs
و الحدفه دى حاجه من 4
اولا كاوتش ممكن يكون مريح
ثانيا العربيه فيها زوايا عايزه تتظبط
ثالثا تيل فرامل وحش و عايز يتغير
رابعا الفرد عايز يتاخدلها هوا من المستر لو الفرامل واطيه تحت رجلك
^_6

[SAMEH_FOUAD]

كلام احمد كلة صح

بس احب اضيف انك لازم تعمل scan لنظام الفرامل فى العربية عشان تشوف مدى صحة قرايات ال abs وهل هو يعمل بكفاءة , لان الدفة دية معناها ان فية جنب بيقفش اقوى من جنب وعلى حسب نسبة الفرق بتبقى قوة الحدفة

فانت الاول ظبط ضغط الكاوتش + بعد كدة اكشف على التيل + حط العربية على جهاز كشف اعطال هيظهرلك حالة ال abs, ebd شوف كل حساساتة بتقرى كويس ولا لأ

[Inteltech]

مبروك على العربية ولازم كمان تجربها بطريق مستوي وفاضي وميكنش مثلا في رمل بناحية من النواحي على الاسفلت وتجرب الفرملة وتشوف موضوع الحدفة ده بيجي فين بالزبط علشان تقدر تحدد المشكلة

[ali_2h]

مشكوريين يا شباب على المشاركة
بس انا امبارح لاحظت شوية حاجات
- العربية حدفها يمين
- وانا بمشى على 45 -لى 50 واشد الهاند بسمع سرخة العجل ناحية اليمين اعلى بكتير من الشمال بس العربية مش بتحدف
-- انا مش عارف مركز صيانة للهوندا كويس اروح لية عشان اكشف على abs او اظبت اى حالة فى العربية فلو ممكن الافادة بحد كويس اروحلة و مايكونش فى الحرفيين

[SAMEH_FOUAD]

نصيحة منى اطلع على التوكيل ماتخليش حد يلعب فى العربية ودية فرامل يعنى لازم تكون مظبوطة تماما

[OmaR_FekrY]

راجع زيت الفرامل و خراطيمه ممكن تكون فيها تسريب من حته و حته لا