هوندا سيتي 2012 وصلت مصر

[eng_maged]

الخبر كما جاء باليوم السابع








طرح هوندا سيتي في مصر يونيو القادم

أكد شريف محمود، مدير عام شركة النيل للتجارة والهندسة "الفطيم مصر"، فى تصريح خاص لـ"اليوم السابع"، أن شركته تنوى طرح "هوندا سيتى" الجديدة، وهى سيارة سيدان عائلية ذات أربعة أبواب، بقوة محرك 1500 سى سى أربع أسطوانات، يولد 118 حصانا، وذلك خلال شهر يونيو المقبل.

وأضاف أن هناك تغيرات طفيفة على الشكل الخارجى، وهو ما يعرف بـ"فيس لفت" بالفوانيس الأمامية ومنتصف الشبكة الأمامية، وعن السعر المتوقع للسيارة، أكد "محمود" أن السيارة "سيتى" سوف يتم طرحها بسعر 129 ألف جنيه، موضحاً أن تسليم السيارة للعملاء سيكون فورى لأوائل الحاجزين.



وده لنك عن موضوع انا كنت عامله قبل كده فيه معلومات عن الشكل الجديد

http://www.nilemotors.net/Nile/251751-2012.html

[No Comment]

يا ريتها ما وصلت ... يالا .. خليها تقعد جنب اختها الكبيرة تونسها فى وحدتها .

[lord_of_egypt22]

مالها بس
ماهي زي الفل اهي
اعضاء الهوندا عاوزين مركبات فضائيه وكده يعني هههههههههههههههه

[AHMED1718]

بصراحة انا مصدوم من اداء هوندا وتويوتا وميتسوبيشى السنة دى

هوندا سيفيك جابو السيتى وداسو عليها جامد من فوق ظهرت السيفيك الجديدة

تويوتا فقر السنين فيها كالعادة ومبالغ ف سعرها جدا بغض النظر عن اعتمادية مواتيرها ونعومتها مهو مش دى بس اللى بيدفع فيها فلوس اكنى راكب عربية موديل 90 نو اوبشن

ميتسوبيشى لانسر لا حياة مع اليأس هتفضل البوما الى مالانهاية
والشارك جامد اوى الفانوس الدارك ده مع ال 100 سي سي الجداد لو كانو خالوها زى مكانت كان هيبقا اظرف

شايفين رينو - كيا -هيونداى -سيتروين - بيجو - فورد - سكودا - اوبل

بصراحة هوندا وتويوتا اوت السنة دى من اى مقارنة للاسف

ولازم الكل يعرف ان الهوندا حلم لكل شاب من صغره لحد ميبقا ف الخمسينات
بس الظاهر الحلم ده هيتوقف على Sir وsi حتى 93

[Mohamed.Ramah]

طب اية الجديد غير الشكل تفرق فى اية عن موديل 2011 ؟ !

[Ayman999]

شكلها حلو

[kar!m]

مش شايف فرق كبير بينها و بين القديمه .. و بعدين هي هتنزل بطراز واحد ولا ايه؟

و أخبار الانتريور بتاعها ايه؟

هي القديمه 118 حصان برضه؟

[houseiny]

إخيههههههههههههههههههههههه، شكلها استغفر الله العظيم هو البانجو اشتغل في اليابان كمان ، أنا حاسس ان الأعصار اللي كان في اليابان لم كل الناس المبدعين اللي كانوا فيها ، ولا الناس بينها لسه أعصابها تعبانة من اللي حصل ومالهومش نفس يشتغلوا
سبحان الله ، زي مالنبي قال ( عهد الله ما رفع شيء في هذه الدنيا إلا وضعه) او كما قال
تويوتا كانت صانع السيارات رقم واحد في العالم ، دلوقتي هيونداي ونيسان ورينو عمالين يلطشوا فيها يمين وشمال وفورد كمان بتتفوق ، دلوقتي هوندا وتويوتا في النازل ، يعني الكامري دي انا كنت بحلم اشوف اخر موديلاتها ماشية قدامي عشان أشوف أخر إبداعتها ده بالنسبة لهنا في مصر ، هي طبعاً مرطرطة في الخليج ربنا يزيدهم ويوسع رزقهم يا رب ، والسيفيك من اول 2008 هي والأكورد كانوا لوحة إبداعية ، سيفيك 2012 شكلها بشع والسيتي اهي فظيعة والأكورد بجد سيئة ، التحية لهيونداي الأم على إجتهادها ومحاولتها بلوغ القمة ، بغض النظر عن بعض المشاكل الموجودة بها ولكن يكفي شرف المحاولة ويعيب الشركات العظمي باليابان اتباعها سياسة الإهمال والفبركة ومشي حالك وهذا ليس من شيمهم ، ربنا يكرمنا احنا يا عرب ونقدر نصنع سيارة مصرية 100 % وتبقى فخر كل عربي ومصري

[m3touk_85]

مع اني شايفها شكلها حلو وركبتها كمان وكنا 4 افراد الوتكييف شغال وكنت تحس ان عزمها جامد

[SAMEH_FOUAD]

العربية شكلها ممتاز وجميل جدا مش عجباكوا فى اية وعلى فكرة العربية دية يعيبها بس الخامات البلاستيك لكن ماتور وتقفيل وسرعة وثباتها كمان عالى لحد سرعة 160 وفراملها ممتازة وفيها كل وسائل الامان وواسعة مش ضيقة

يعنى معلش مع احترامى لكل الاراء العربية دية شكلها حلو جدا ورياضية جدا

عيبها حاجتين اتنين ( غلاء قطع الغيار - لازم تمنها ينزل عن كدة على الاقل اخرها 120 الف جنية

[Dr'AhmZZong]

العربية شكلها ممتاز وجميل جدا مش عجباكوا فى اية وعلى فكرة العربية دية يعيبها بس الخامات البلاستيك لكن ماتور وتقفيل وسرعة وثباتها كمان عالى لحد سرعة 160 وفراملها ممتازة وفيها كل وسائل الامان وواسعة مش ضيقة

يعنى معلش مع احترامى لكل الاراء العربية دية شكلها حلو جدا ورياضية جدا

عيبها حاجتين اتنين ( غلاء قطع الغيار - لازم تمنها ينزل عن كدة على الاقل اخرها 120 الف جنية

smsm بييييييييييه ..

ياتري إيه مواصفتها بالظبط ؟؟؟

[khaleddapino]

و هو من امتى السيتى كانت حلوه كاشكل؟؟؟

[S O P H O S]

مسألة ازواق

[Dr'AhmZZong]

smsm بييييييييييه ..

ياتري إيه مواصفتها بالظبط ؟؟؟

????????

[SAMEH_FOUAD]

smsm بييييييييييه ..

ياتري إيه مواصفتها بالظبط ؟؟؟

انتظر لازم يتعمل موضوع بيها وانا هعملة ان شاء الله موضوع مفصل كامل عن الهوندا سيتى 2012