الحقوني السيفيك بتاعتي حريقة بنزين !!!!!!!!!!!!

[Hondawy_2008]

أنا عارف ان الموضوع ده اتفتح كتير بس حبيت أتأكد منكم لأن استهلاكي مش طبيعي رغم أني حطيت من أكتر من بنزينه طبعا بحط 92 :

ال 40 لتر بيعملوا 360 كيلو بالظبط يعني اللتر بيعمل 9 كيلو من غير تكييف ومش كله جوه البلد يعني كمان شويه منهم بسرعه عاليه !!!!!!!!!!

يعني يا جماعة الصفيحه بتعمل 180 كيلو بس معقولة؟؟؟ وعربيتي عاملة 2500 كيلو بس وهي سيفيك 2008 دي ولا العربيات ال 2000 سي سي حاجه مش طبيعية خصوصا على عربيه ياباني !!!!!!!!

[Hassan Khalil]

اعتقد ان المعدل ده طبيعي في الـ 1600 ( الاوتوماتيك ).. ممكن لو مانيوال يكون افضل من كده شوية .. و ممكن يتظبط شوية بعد ال5000 .. لكن لا تتوقع انه حيبعد كتير عن المعدلات دي ..
عربيتك سليمة و زي الفل .. و ممكن تديلهم ملحوظة بكده في صيانة ال5000 ..
يا راجل ده اللانسر ال 1300 الاوتوماتيك .. بتعمل رقم قريب اوي من اللي انت بتقوله !!!!
كلمهم بس في التوكيل و الناس هناك غاية في الذوق و الاحترام و التعاون .. و فيه هناك م / محمد ايهاب .. مش حيسيب في نفسك حاجة الا و حيعملهالك ..
تحياتي

[شاهين - بنز]

فعلا إستهلاكها مبالغ فيه جدا لدرجة إن اللانسر إللي بنقول إنها بلاعة بنزين بتعمل 400 في ال 40

[Hondawy_2008]

المشكلة اني ساكن في المنيل و شغلي في 6 أكتوبر يعني كل يوم رايح جاي 80 كيلو طبعا ده غير لو هأخرج باليل يعني كل 3أو4 أيام بحط ب 75 جنيه بنزين (40 لتر)حرااااااااااااااامممممممممممممممممممممممم !!!!!!!!!!

أنا مكنتش متخيل الاستهلاك الرهيب ده أنا شكلي هستعمل العربيه في أيام و أيام لأ

أعتقد ده الحل السليم ولا ايه رأيكم ؟

[amrtalaat]

الماتريكس الأوتوماتيك 2008:arghh: معايا بتعمل معدل شبة كدة

[abf-nassar]

قعلا معدل الاستهلاك ده غير طبيعيانا عربيتي بتعمل حوالي 260 علي الطرق السريعة وحوالي 200 داخل البلد مع تشغيل التكييف في الحالتينوعاملة 2200 ك حتي الانحاول تبلغ التوكيل علشان اكيد في مشكلة وانا شاء الله تكون بسيطة

[CosmicOne]

my car CIVIC 2007
10KM for every 1Litre in the City
i was in Marina & returned with the crusie control set on 98KM & i made 15KM per Litre

[som3aa]

اعتقد كدا كتير اوى اوى اوى.
انا عربيتى 2400cc و بتعمل حاجة كدا (530-580) كيلو على 60 لتر

[Mohamed-Saoud]

أكيد سواقتك رياضية... خللي سواقتك هادية و أنت ان شاء الله تحس بالفرق.

[Ramy.Gamal]

طيب هى سواقتك فيها شد وحرق وkickdown كتير ولا عاديه وهاديه وعلى الطرق السريعه متوسط سرعتك كام .علشان نعرف اذا كانت فعلا حريقه بنزين ولا ده من نمط القياده بتاعك؟

[Hondawy_2008]

بص يا رامي باشا الحمد لله بعد ما المحور اتفتح ال 30 لتر عملولي 430 كيلو بدل 270 وكمان مشغل التكييف في 200 كيلو منهم على الأقل تخيلوا الفرق أعتقد كده العربية زي الفل ولا ايه ؟؟؟؟ (14 كم/لتر) :embarrassed2:

فعلا يا أبو السعود سواقتي رياضية ومش هادية خالص هحاول أغير طبيعة السواقة وأشوف وكمان هحط نتروجين بدل الهواء عشان سمعت ان ده بيقلل استهلاك البنزين كمان بس يا ترىالضغط يكون على 28 ولا كام بالظبط ؟؟؟؟؟؟؟

[Ramy.Gamal]

اعتقد اظبط الظغط على 30 احسن علشان لو قل يبقى 29 بعد فتره فيبقى فى المعدل المظبوط انما لو ظبطه على 28 ونسيته وقل لاقل من كدة هيحصل ان العربيه هتستهلك منك بنزين اكتر والباور هيبقى اتقل والكاوتش هيتاكل اسرع(جزء اكبر من الاطار ملامس الارض والاحتكاك اكبر)ومتقلقش النيتروجين غار بارد ولايتمدد بسرعه فأمان انك تظبطه على 30

[Ahmed Hassan]

اعتقد اظبط الظغط على 30 احسن علشان لو قل يبقى 29 بعد فتره فيبقى فى المعدل المظبوط انما لو ظبطه على 28 ونسيته وقل لاقل من كدة هيحصل ان العربيه هتستهلك منك بنزين اكتر والباور هيبقى اتقل والكاوتش هيتاكل اسرع(جزء اكبر من الاطار ملامس الارض والاحتكاك اكبر)ومتقلقش النيتروجين غار بارد ولايتمدد بسرعه فأمان انك تظبطه على 30

مهو بردو مش بينكمش... يعني المفروض يتظبط على الدرجه المطلوبه و متعملش حساب انكماش و تمدد. انا سمعت ان النيتروجين بيتظبط درجه واحده أقل من الهواء العادي.. بس مش متأكد من صحه المعلومه.. و علشان كده بعمله نفس الدرجه بتاعت الهواء العادي.