تجديد رخصه سيفيك 2008 مساعده

[diver]

السلام عليكم
انا كنت بسال رخصه العربيه انتهت .وعايز انقل ملكيه
واجدد الرخصه
وانتقل على مرور الغردقه لان العربيه مرور المعادى ومش عارف الخطوات والتكلفه زى
نقل ملكيه الشهر العقارى
ضريبه بكام
وهيفحصو العربيه ولا لا اما ميعاد الفحص المكتوب 2014
لازم اخد العربيه القاهره ولا لا
اسف على الاطاله
شكرا

[SAMEH_FOUAD]

شوف ياباشا

اولا هتروح المرور التابعة للعربية وهتجيب منهم شهادة بيانات مخالفات وبراءة ذمة

بعد كدة لازم يكون معاك الرخصة الاصلية بتاعة صاحب العربية الاول وتصورها كذا صورة

ثم هتروح للمرور اللى تبع منطقتك السكنية وهتشترى ملف نقل ملكية وحبة حبشتكانات كدة تمنهم 75 جنية تقريبا

وطبعا لازم يكون معاك التوكيل اللى خدة من الشهر العقارى وصورة بردة

وطبعا هيتعمل للعربية فحص رقم ماتور وشاسية ( بس دية انا مش متأكد منها اوى بس غالبا تتعمل )

وتشرب شايك لحد ماتطلع الرخصة

تجديد الرخصة السنة للمحرك ال1600 سى سى 350 جنية الى 400 جنية فى السنة شاملة التأمين الاجبارى وكلة لو ماعكش طفاية يبقى اعمل حسابك على 121 جنية سعر الطفاية

هو الموضوع كلة لو هتجدد 3 سنين هيكلفك 1300 جنية

[محمد أنور]

نسيت يا سمسم مصاريف تسجيل العربية في الشهر العقاري انا لسة عاملها دافع 1260 جنيه تقريبا عشان تعمل عقد بيع موثق باسمك

[SAMEH_FOUAD]

نسيت يا سمسم مصاريف تسجيل العربية في الشهر العقاري انا لسة عاملها دافع 1260 جنيه تقريبا عشان تعمل عقد بيع موثق باسمك

تمام ماهو دفعها ومعاة العقد التسجيل

بس هو بيسأل على بقية الاجراءات عشان يبقى اسمة مكتوب على الرخصة

والف مبروك ياباشا

[diver]

شكرا كتير يا جماعه وربنا يخليكم يارب

[diver]

بس لسه ماقولتليش انا لازم اخد العربيه القاهره ولا لا الرخصه خلصت وهعمل نقل ملكيه الاول وبعدين هجدد فى مرور المعادى .هو هخلونى افحص ؟

[محمد أنور]

لأ مش لازم تاخد العربية للقاهرة
هتروح مرور المعادي مرتين:
مرة عشان تطلع شهادة بيانات للمرور اللي هتسجل فيه
و مرة عشان تطابق البيانات بتاعة رقم الموتور و الشاسية و ده بيبقى بعد الفحص في مرور الغردقة