شراء سيفيك 96-99 مطلوب بعض الارشاد من المحترفين

[saladin911]

سلام عليكم....

انا بتابع المنتدى الجامد بتاعكم من وقت للتانى ومؤخرا بتابع الهوندا كتير عشان بفكر اشترى واحدة... انا بجد كنت فخور جدا انى لقيت ناس عارفة كل موديلات المواتير وعندها معلومات برة وجوة السوق المصرى وخصوصا معلومات علمية وتقنية خرافية.


المهم انا مش عامل البوست ده 100% للشراء انا بدور حاليا "اسكندرانى" على هوندا سيفيك 96-99 si مانيوال متكونش ملعوب فيها ومتظبطة وكدة "لان اذواق الحاجات دى بتختلف من واحد للتانى" مش مهم تكون نص عمر او فيها دهان عايز يتلم الخ...
بس للاسف فى اسكندرية السوق اصغر بكتير ومش عارف ادور فين غير على كونتكت كارز "باقى المواقع مليانة اعلانات قديمة" مش ممانع طبعا لو اتزنقت فى السفر للقاهرة عشان اشوف كام واحدة

المهم انا كنت محتار بين ديه وبين الهوندا الاقدم برضه لانى مستعد اصلح وواضب وكدة ....

ياريت لو اى حد عنده مشاركة او معلومة او نصيحة يقولهالى
وان شاء الله يشرفنى انى ابقى معاكم فى المنتدى.

سلام
محمد نبيل

[SAMEH_FOUAD]

اولا اهلا بيك يأاستاذ محمد فى المنتدى عموما وفى قسم الهوندا خصوصا

دلوقتى بالنسبة لطلبط ان شاء الله تلاقى اللى انت عايزة

عموما بالنسبة للسيفيك الجيل السادس 96- 2000 مافيهاش si هية فئتها ( lxi - exi- vti- SiR )

من الشمال لليمين الاقل فالاعلى فى الاوبشن والمحركات

عموما ال lxi محركها 1500 سى سى انجيشكن سعرها يترواح مابين 47 الف الى 50 الف جنية

الفئة التانية : exi محركها 1500 سى سى انجيكشن يتراوح سعرها من 52 الف الى 55 الف جنية

الفئة الثالثة : vti : محركها 1600 سى سى انجيكشن يترواح سعرها من 60 الف الى 65 الف جنية

الفئة الرابعة : SiR محركها 1600 سى سى 160 حصان : يترواح سعرها من 65 الف الى 68 الف جنية

اى حاجة احنا فى الخدمة فية عندك موضوع ( كل ماتريد معرفتة عن الجيل الخامس - كل ماتريد معرفتة عن الجيل السادس ) اقراهم هتستفيد منهم اوى

[saladin911]

اولا اهلا بيك يأاستاذ محمد فى المنتدى عموما وفى قسم الهوندا خصوصا

دلوقتى بالنسبة لطلبط ان شاء الله تلاقى اللى انت عايزة

عموما بالنسبة للسيفيك الجيل السادس 96- 2000 مافيهاش si هية فئتها ( lxi - exi- vti- SiR )

من الشمال لليمين الاقل فالاعلى فى الاوبشن والمحركات

عموما ال lxi محركها 1500 سى سى انجيشكن سعرها يترواح مابين 47 الف الى 50 الف جنية

الفئة التانية : exi محركها 1500 سى سى انجيكشن يتراوح سعرها من 52 الف الى 55 الف جنية

الفئة الثالثة : vti : محركها 1600 سى سى انجيكشن يترواح سعرها من 60 الف الى 65 الف جنية

الفئة الرابعة : SiR محركها 1600 سى سى 160 حصان : يترواح سعرها من 65 الف الى 68 الف جنية

اى حاجة احنا فى الخدمة فية عندك موضوع ( كل ماتريد معرفتة عن الجيل الخامس - كل ماتريد معرفتة عن الجيل السادس ) اقراهم هتستفيد منهم اوى

الف شكر للرد السريع وانا عارف "من موضوعاتك انت وموضوعات المنتدى" بس فعلا فى ناس اعلالنات البيع بتسمى اى موديل 1600 vtech = SI!!! انا شفت موضوعك انت بتاع مواتير الفئة السادسة فظيع بجد.. ملخص عصارة معلومات فى صفحة واحدة... الهم الموديل الذى اقصده بصورة عامة 1600 vtech.
انا ببص على المواضيع اللى انت قولتلى عليها... شكرا

[saladin911]

بعد ما اخذت قرار الشراء وبدأت افهم من بعض الشباب الاخر فى المنتدى هنا عن التجار وخدعهم... لقيت بالحبث عن الايميلات للمعلنين او ارقام محمولهم غالبببببببببب السيارت اللى بتباع فى ....... زفت كلها تجار وفعلا بيغلوا الاسعار بس 80% من السيارات هناك كدة وكذلك على موقع فابريكة!!!!!

في واحد زميلى فى الشغل الحمد لله معاه واحدة للبيع وعرفت ذلك بالصدفة بكرة ان شاء الله اشوفها بس لسة معرفش تفاصيل!!!

لكن حقيقى عشان تلاقى واحدة بحالة متوسطة استعمال بيتى صعببببببب جداااااااااا فما بالك ب sir!!!!
عموما انا ابحث عن 92-2000 لكى ازيد من فرص العثور على واحدة خلال الشهور الجاية :]


ياريت لو حد عنده او قدامه حاجة يقول...

سلام

[saladin911]

قدامى سيفيك 92 خليجى si بالمواصفات الاتية "بالاسكندرية"


موتور 1600 مرفوعة 9 سنوات "ده كلامه ناقله عن اول يد" العربية تانى يد عاملة 177 الف كم
فابريكة من جوة الكراسى قماشها محافظ عليه لكن الابواب فرشها الداخلى متسخ او مستهلك وكذلك فرش الارضيات..
من الهارج فابريكة فعلا "لونها فيرانى" سقف وشنطة "وفعلا طبقة الوية رفيعة جدا وكمان الصاج قرب يتكشف من البلى"
لكن الكبوت واخدله خبطة ومتصلحة لان البوية بتاعته سميكة وكمان مشرخة بعرض الكابوت مطرح التنية " من حادثة ما"
من الاخر العربية ديه عايزة دهان وهى متسابة كدة عشان يبان انها لسة فابريقة فمتفقدش تمنها...

العربية بصورة عامة عدا الجنوط "فى جنط مكشوط جامد والكاوتش جنبه فى انتفاخ صغير " والجنوط متخدشة مش بتلمع يعنى مع انها شكلها مميز مقاس 15....

اللى بشتريها منه لسة شاريها شهر خمسة بس شركتنا فيها ازمة فعايز يبيعها "وهو راجل صادق مشكش فيه" غيرلها سير موتور وزيوت الخ وظبط التكييف كان ناقصه خرطوم وجابلها زينون "انا مش عايز الكلام ده :/ "

المهم هو واخدها بحوالى 45 ونصف وصرف عليها حوالى 3 الاف......
عايز فيها 48.5 الف
انا من خبرتى المحدودة شايف ان المبلغ ده كتييير قوى على عربية عايزة شوية شغل "انا بفترض انها مفيهاش اىىىىىىىى حاجة فى الشاسية الخ ولسة مجبتش حد بيفهم كويس يبص عليها"

ده غير اسوأ شئ انها مع انها عاجبانى عشان عربية بيتى نسبيا وسليمة "كل حاجججة شغالة حتى فتحة السقف الالكترونى" ولكن انا مش عايز ادفع فى اوتوماتيك !! لو كانت اختها مانيوال كنت اشتريت وش.......



ممكن ارفع صوريت ن خدتهم ليها....... فى انتظار ردودكم الغالية باى نصيحة او راى!!

[SAMEH_FOUAD]

شوف ياباشا مبدأيا على الشرح اللى حضرتك قايلة

1- الكابوت كلة يترمى ويتجاب واحد استيراد بنفس لون العربية هيعمل 400 جنية

2- كاوتش عامل بالونة بردة مافيش مشاكل ممكن تغير الفردة دية بس بواحد استعمال نظيفة مش هتكلفك غير 150 جنية بس يكون نفس النوع

3- الجنط لو متجرح بس من غير تأثير عادى ممكن تبقى تتدهنة خفيف وتلمعة

4- جلد الابواب ممكن يتحط علية جلد عمولة بيتعمل عادى جدا مافيش مشاكل وبيبقى شكلة روعة ومش بيتكلف اكتر من 300 جنية

مبدأيا كدة انا شايف انها مش محتاجة حاجة خالص طالما العفشة سليمة والمحرك سليم وكل حاجة شغالة تمام
وعلى فكرة دة سعر ممتاز جدا على سيفيك فابركية برة وجوة

بالنسبة بقى للفتيس الاوتو صدقنى هو ممتاز جدااااااااا ومافيش منة مشاكل الا لو واحد مش محافظ علية ومش بيغير الزيت باستمرار وبيحرق بية على الفاضى والمليان

[saladin911]

استاذ سامح الف شكر ليك....... بجد معلوماتك ديه غيرتلى دماغى وعلى الاقل لو مفيش نصيب فى العربية ديه فانت وجهتلى دماغى صح عشان انا مكنتش عارف ابص على المزايا والعيوب ومش عارف احكم غالية ولا ايه الكلام..... عموما ان شاء الله ححاول اجى القاهرة اشوف سوق الجمعة مع واحد صاحبى تفتكر ديه فكرة كويسة؟؟؟؟ سمعت فى المنتدى ان السوق ده بقى زبالة..... ولا اشوف كام عربية كدة معقولين من كونتاكت وانزل ابص عليهم مرة واحدة؟ "الفكرة انى لا اريد دفع هذا المبلغ فى هوندا الموديل ده طبعا انت عارف الاهل بقى حيقولوا عربية عشرين سنة ب50 الف الخ الخ.... فعشان كدة عايز مانيوال منها او من ال 96-2000" وشكرا على كلامك عن الاوتوماتيك بتاعها انا سمعت من كام واحد صاحبى نفس كلامك بس هما بيسمعوا مش فاهمين صح زيك :)) بالمناسبة انا مهندس ميكانيكا "انتاج" ....

الصور بتاعت العربية اهيه.... خد بالك اللمعان "كاميرا الموبايل" مش مبين البوية الرايحة فى السقف ولا الشرخ فى الكبوت.... الراجل ده انا معلقه على فكرة كام يوم لو حد عاجباه العربية ومفيش نصيب معايا

[SAMEH_FOUAD]

شوف ياباشا ابعد عن سوق الجمعة نهائى عشان كلة تجار

العربية دية ممتازة جدا وفعلا 50 الف مش كتير عليها لانها بجد تستاهل اكتر من كدة وصدقنى الهوندا عموما متاخد عنها افكار من زمااااااان ان قطع غيارها غالية ومش موجودة , وانها واطية جدا وبيعها تقيل فخلاص الافكار دية توارثت جيل بعد جيل واركب الى انت عايزة واللى تستريحلة سواء دية او 96 او غيرها

عموما العربية شكلها نظيفة بس هية متعلية من ورا غلط

اهلا وسهلا بيك ياباشا

[saladin911]

لأخذ رايكم بس انا مدى نفسى فرصة كام اسبوع لغاية ما افهم اكتر السوق والاسعار كويس واستشير...


انا كنت حاطط اعلان مطلوب سيفيك فى اسكندرية بعد كام يوم جالى تليفون غريب من برة مصر لقيت مفتاح هولندا.... المهم كلمت الرقم لقيته واحد اسكندرانى بيبيع هوندا...

العربية مواصفاتها كالاتى :

نازلة من هولندا هو صاحبها الاصلى .. عاملة 140 الف كيلو..... هو جمركها وخربت بيته وبيقولى عايز 60 الف

العربية مانيوال مش اوتواماتيك.... وهو اتضايق لما كلمته فى السعر عشان بيحلفلى انها كلفته اكتر عشان جمركها ودخلها مصر.....
وانا فاصلته او بصراحة سالته ليه 60 وهى مانيوال وكمان من كلامه ان مشكلتها بس عشان ركنها عند اخوه فى اسكندرية انها اتخدشت وكدة طيعنى بالشبه من كلامه باكوين تلاتة سمكرة ودهان صح؟؟؟""

العربية 1600 vti العربية موديل 2000
ايه رأيكم؟؟؟
الراجل كان المفروض اخوه حيكلمنى الجمعة اللى فاتت اشوفها بس الظاهر طنش لما ناقشته فى السعر!!! انا ممكن اكلمه تانى بس محتاج رايكم الاول.... طبعا خفايا العربية كدة كدة ساعة الجد حفتشها مع ميكانيكى كويس ان شاء الله.
او حد بيفهم فى الهوندا

[ahmedeihab]

موفق ان شاء الله و تبقى عضو هونداوى

هو الموضوع بس هيحتاج شويه وقت علشان تلاقى حاجه زى اللى فى دماغك

^_^

[abo-berry]

لأخذ رايكم بس انا مدى نفسى فرصة كام اسبوع لغاية ما افهم اكتر السوق والاسعار كويس واستشير...


انا كنت حاطط اعلان مطلوب سيفيك فى اسكندرية بعد كام يوم جالى تليفون غريب من برة مصر لقيت مفتاح هولندا.... المهم كلمت الرقم لقيته واحد اسكندرانى بيبيع هوندا...

العربية مواصفاتها كالاتى :

نازلة من هولندا هو صاحبها الاصلى .. عاملة 140 الف كيلو..... هو جمركها وخربت بيته وبيقولى عايز 60 الف

العربية مانيوال مش اوتواماتيك.... وهو اتضايق لما كلمته فى السعر عشان بيحلفلى انها كلفته اكتر عشان جمركها ودخلها مصر.....
وانا فاصلته او بصراحة سالته ليه 60 وهى مانيوال وكمان من كلامه ان مشكلتها بس عشان ركنها عند اخوه فى اسكندرية انها اتخدشت وكدة طيعنى بالشبه من كلامه باكوين تلاتة سمكرة ودهان صح؟؟؟""

العربية 1600 vti العربية موديل 2000
ايه رأيكم؟؟؟
الراجل كان المفروض اخوه حيكلمنى الجمعة اللى فاتت اشوفها بس الظاهر طنش لما ناقشته فى السعر!!! انا ممكن اكلمه تانى بس محتاج رايكم الاول.... طبعا خفايا العربية كدة كدة ساعة الجد حفتشها مع ميكانيكى كويس ان شاء الله.
او حد بيفهم فى الهوندا

انا شايف ان سعرها معقول على الكلام اللى انت بتقوله , دى vti يعنى كامله واخر موديل فى الجيل السادس وهو اول يد بس انت بردو لازم تروح تبص عليها

[sanhory]

والله انا بفكر ابيع عربيتي عايز اجيب 2008 بس متردد خايف اندم

[saladin911]

هى موديل كام واىه تفاصيلها..... لو حابب تبيع حط التفاصيل هنا "بس مش ملعوب فيها وكراسى وزينون والحاجات ديه لانها اضافات شخضية لو عادى يعنى متجنطة وكدة وليها تاريخ كام عيب قشطة مفيش مشكلة وخصوصا طبعا ان صاحبها واحد فاهم :) "

[sanhory]

انا الحمد لله عربيتي استوك في كل حاجة بس والله يا باشا انا لسه بفكر بس مستقرتش , لو نويت ان شاء الله حبقى ابلغك , لو مكنتش لسه اشتريت حاجة

[saladin911]

http://www.nilemotors.net/Nile/297681-si-92-a.html

ايه رأيكم؟؟؟ العربية ديه للبيع هنا فى المنتدى وكان ليها تاريخ فى صفحة هوندا هى متسقطلها موتور ومشدودة عفشة ومساعدين سبورت....
حشوفها بكرة وجاد ان شاء الله الا لو ليكم اراء.....