حد عنده فكره عن turbo kit في مصر

[mohammadaolo]

هو ما فيش حد مركب تيربو هنا ؟

اصل موضوع تيربو كبر في دماغي و بفكر فيه حد عنده فكره عن الوضوع ده
انواع
اسعار بتبدأ من كام
اماكن تركيب في مصر
الخ ....

[SAMEH_FOUAD]

هيكلفك من 3500 جنية الى 5000 جنية

[mohammadaolo]

هيكلفك من 3500 جنية الى 5000 جنية

عند مين ؟

[M_Nabil]

الكيت الصينى زى اللى في الصورة بيبدا من 6000 جنية تقريباً وفي الغالب هتلقى عند عادل وجدى أو تامر فهمى أو تربو رولز وفي ناس تانية بيتبعوا

طبعاً غير المتطلبات التانية اللى هتحتاجها ..

عشان تركب تربو صح عاوز ميزانية محترمة ولو عاوز هورس باور عالى هتحتاج تغير اجزاء المحرك الداخلية

[SAMEH_FOUAD]

غلى اوى كدة يامحمد ؟؟؟

انا بقالى فترة ماتابعتش الاسعار وكانت اخر حاجة 5000 الاف جنية

[abdulkhaleq]

على العربيات العاديه بتاعتنا لو عايز تركبه صح هتتكلف جامد, وماتنساش انه هيديك باور جامد يعني العفشه والفرامل هتتغير كللها بصراحه خساره الفلوس (وجهة نظر)
الا لو الامور سهله معاك وعندك ايفو وعايز تكبر التربو مثلا ساعتها اصرف مايهمكش :) :) :)

[ahmedeihab]

خدها نصيحه من واحد كان بيفكر يتربن

يوم ما هتوصل لهوس باور 250 حصان هتدفعلك فوق ال 10 او 12 الف جنيه و ممكن يوصل ل 20 الف لو هتغير اجزاء المحرك الداخليه كلها ( ده غير تمن الموتور اللى هتجيبه علشان لو الموتور اللى عندك تعبان مش هيقعد معاك شهر بلكتير )

ده غير انك مش هينفع تمشى على سرعات عاليه وقت طويل علشان التوربينه متتحرقش

و مشاكل كتيييييييير كل شويه عايز صيانه بمبلغ مش اقل من 100 جنيه علشان يبص التربينه سليمه ولا لاء

اشترى دماغك

عندك مواتير كتير فى الهوندا ممكن توصلها ل 210 حصان بدون شواحن و الكلام ده كله مش هيكلفك 10 الاف بلتركيب


تحياتى
^_^