سيتي 2012

[r_elsewedy]

انا عايز اشتري هوندا سيتي 2012 العربية عجباني جداااا
بس انا خايف من موضوع قطع الغيار الغالية وهل فعلن هي متوفرة في التوكيل بس
وهل الكنبة الخلفية ضيقة ولا كويسة
ارجوا الافادة من اصحاب الخبرة والتجربة
وشكراااااااااااااااااا

[r_elsewedy]

محدش يعرف حاجة عن العربية دي ولا ايه

[ashrofa72]

انا لسه شايف العربية من ساعتين بس .... العربية جميلة جدا انا شفت الموديل ex بصراحة تحفة بس ليا نفس سؤال حضرتك من الخبراء انا كمان منتظر الرد لانى لو كانت اوكى حتوكل على الله فيها

[SAMEH_FOUAD]

لسة موديل 2013 مانزلش فى التوكيل ودلوقتى مافيش سيتى بتتباع هناك موديلات قبل 2011

عموما هو نفس الشكل بتاعة الجيل دة بس اتعملها face lift وشوية اوبشن اتغير

[ashrofa72]

انا شفت العربية فى الامارات موجودة هنا موديل 2012 بس ايه الوضع فى مصر؟؟؟؟؟

[ashrofa72]

شكل العربية ملهاش انتشار ولا قطع غيار ولا ايه يا رجالة

[SAMEH_FOUAD]

ليها كل حاجة ومنتشرة داخل وخارج التوكيل

[FrozenFire]

إقرأ الموضوع ده يافندم وابقى إسأل لو في أي سؤال

http://www.nilemotors.net/Nile/29429...ty-2010-a.html

[hossam_elwani]

حتى لو عجباك فى مصر متشتريش اى عربيه مش منتشره حتى على الاقل انتشار متوسط عشان قطع الغيار من ناحية السعر والندره

والستى اشوفها فين وفين

[hugan]

لو مكانك افكر 1000 مره قبل ماشتريها
السيتي تقريبا مش موجوده في الشارع في مصر
ايه اللي يجبرني اشتري عربيه فشلت
ولا اعرف ابيع ولا اعرف اصلح
يعني خساره من كل اتجاه
يطلع واحد يقولك
اصلها هوندا اصلها ياباني اصلها اعتماديه اصلها بتمشي في البر والبحر وعلي الحيط
بصراحه ما ينفعش
فكر في السيفك
وحضرتك ليك حريه الاختيار

[ashrofa72]

انا شفت السيفك الاول 2012 وعجبتنى جدا بس المشكلة انها فى الامارات بتنزل بس 1800 سى سى ولما شفت السيتى قلت كويس هوندا و1500 سى سى علشان الجمارك وفيها كماليات وشكل جميل لكن اكيد رالسيفك تكسب

[ashrofa72]

بصراحة يا دكتور انا قريت التقرير بتاعك وبصراحة تقرير رائع الله ينور عليك ويحبب الواحد فى العربية بس مشكلة الانتشار دى ايه ظروفها وطبعا ده حيقلل قطع الغيار بتاعتها ودى مشكلة فى حد ذاتها

[FrozenFire]

حتى لو عجباك فى مصر متشتريش اى عربيه مش منتشره حتى على الاقل انتشار متوسط عشان قطع الغيار من ناحية السعر والندره

والستى اشوفها فين وفين

لو مكانك افكر 1000 مره قبل ماشتريها
السيتي تقريبا مش موجوده في الشارع في مصر
ايه اللي يجبرني اشتري عربيه فشلت
ولا اعرف ابيع ولا اعرف اصلح
يعني خساره من كل اتجاه
يطلع واحد يقولك
اصلها هوندا اصلها ياباني اصلها اعتماديه اصلها بتمشي في البر والبحر وعلي الحيط
بصراحه ما ينفعش
فكر في السيفك
وحضرتك ليك حريه الاختيار

معارض لكم وبشدة
ألا مش معنى إنها مش منتشر يبقى عربية فاشلة يا فندم
عندك الفولفو مش محتاجة إني أشرح لك هي إيه، ورغم ذلك ما بتشوفهاش ولا بتملحها عندنا.
فاشلة برضه؟؟؟؟؟؟؟؟
في عربية كوري شهيرة جدا منتشرة جدا ولما ركبت الإتنين واضح فرق التقفيل وفرق جودة الصنع وفرق الثبات وفرق حاجات كتير.
وأقسم بالله كل أصحابي اللي معاهم العربية دي بيتفاخروا بين الناس إنهم يعرفوا الدكتور أحمد اللي معاه العربية الهوندا. وكل مرة يقابلوني بيها لازم يقعدوا يتفرجو عليها ويقعدوا فيها وبيتمنوا إني أسمح لهم إنهم يسوقوها.
السوق المصري ليه معاير ومقاييس مختلفة جدا عن أي بلد تانية.
الواحد بيشتري العربية وبيفكر حيبيعها بكام قبل ما يشتريها أصلا....
مش عايز يكلف نفسه صيانة توكيل ومش عايز يكلف نفسه تأمين، فطبيعي إنه يفكر هي قطع الغيار عاملة كام.....
سيادتك معاك عربية صيني ومع ذلك مبسوط بيها، رغم إني ولا أعترف بالعربيات دي أصلا.
كل واحد مبسوط بدماغه، وعايز حاجة تريحه. كل واحد بيرتاح على فكره وعلى رأيه.
حضرتك بقى مالكشي دعوة بتفكيري.
إنت بتحسبها فلوس، وأنا بحسبها أمان وقوة وإعتمادية وراحة.
أنا مش كل يوم حشتري عربية. بس كل يوم حركب العربية فلازم أكون مبسوط بيها ومرتاح فيها.

[hugan]

معارض لكم وبشدة
ألا مش معنى إنها مش منتشر يبقى عربية فاشلة يا فندم
عندك الفولفو مش محتاجة إني أشرح لك هي إيه، ورغم ذلك ما بتشوفهاش ولا بتملحها عندنا.
فاشلة برضه؟؟؟؟؟؟؟؟
في عربية كوري شهيرة جدا منتشرة جدا ولما ركبت الإتنين واضح فرق التقفيل وفرق جودة الصنع وفرق الثبات وفرق حاجات كتير.
وأقسم بالله كل أصحابي اللي معاهم العربية دي بيتفاخروا بين الناس إنهم يعرفوا الدكتور أحمد اللي معاه العربية الهوندا. وكل مرة يقابلوني بيها لازم يقعدوا يتفرجو عليها ويقعدوا فيها وبيتمنوا إني أسمح لهم إنهم يسوقوها.
السوق المصري ليه معاير ومقاييس مختلفة جدا عن أي بلد تانية.
الواحد بيشتري العربية وبيفكر حيبيعها بكام قبل ما يشتريها أصلا....
مش عايز يكلف نفسه صيانة توكيل ومش عايز يكلف نفسه تأمين، فطبيعي إنه يفكر هي قطع الغيار عاملة كام.....
سيادتك معاك عربية صيني ومع ذلك مبسوط بيها، رغم إني ولا أعترف بالعربيات دي أصلا.
كل واحد مبسوط بدماغه، وعايز حاجة تريحه. كل واحد بيرتاح على فكره وعلى رأيه.
حضرتك بقى مالكشي دعوة بتفكيري.
إنت بتحسبها فلوس، وأنا بحسبها أمان وقوة وإعتمادية وراحة.
أنا مش كل يوم حشتري عربية. بس كل يوم حركب العربية فلازم أكون مبسوط بيها ومرتاح فيها.

العربيه فاشله
مش معناها انها عربيه سيئه ورديئه
في مصر زي ما حضرتك قولت نجاح العربيه وفشلها له معايير تانيه خالص بخلاف الجوده
السيتي ممكن تكوت عربيه ممتازه وعاليه الجوده لكن مبيعاتها زيرو
تبقي فشلت في تحقيق نجاح
بس مفيش حاجه تاني