مقارنة هوندا سيفيك من 1992- 2000 بباقى سيارات فئتها

[totti78ali]

متابع

[makmak_10]

ازيك ابو سمسم...واحشني كتيييييييييييير من هنا لحد الدائري حبيبك ...ههههههه
بص ياباشا انا فيه حاجه غريبه بتحصل و هتجنن و افهمها...مره العربيه تبقي علي الطريق وحش و بتجمع بطريقه غريبه لدرجة اني لاقتني داخل علي 160 و مريح رجلي علي دواسة البنزين..
و مره تانيه دايس شويه و متقل علي الغيار العربيه حالفه طلاق ما تعدي ال120 او 130....مع العلم زيت الفتيس فالفولين 10000 كيلو..و زيت فيتيس موبيل..و بوجيهات تمام و كله تمام...هتجنن ياسمسم..
قلت يمكن الكاوتش؟قلت يمكن انا لما بكون واكل العربيه بتتقل؟؟
فهمني يا كبيييييييييييير...

[SAMEH_FOUAD]

ازيك ابو سمسم...واحشني كتيييييييييييير من هنا لحد الدائري حبيبك ...ههههههه
بص ياباشا انا فيه حاجه غريبه بتحصل و هتجنن و افهمها...مره العربيه تبقي علي الطريق وحش و بتجمع بطريقه غريبه لدرجة اني لاقتني داخل علي 160 و مريح رجلي علي دواسة البنزين..
و مره تانيه دايس شويه و متقل علي الغيار العربيه حالفه طلاق ما تعدي ال120 او 130....مع العلم زيت الفتيس فالفولين 10000 كيلو..و زيت فيتيس موبيل..و بوجيهات تمام و كله تمام...هتجنن ياسمسم..
قلت يمكن الكاوتش؟قلت يمكن انا لما بكون واكل العربيه بتتقل؟؟
فهمني يا كبيييييييييييير...

حبيب قلبى ياعدول والله انت كمان واحشنى هكلمك انهاردة ياباشا

عموما كل اللى انت فية دة بيكون من عدم نظافة البوابة , والرشاشات

وانت ونصيبك جرب تنظف البوابة كل فترة هية وفلتر البنزين والهواء

وياريت كل سنة كدة تقوم بتنظيف التانك

[Ahmod]

والله يا سامح هو بغض النظر عن مقارنة الهوندا بالعربيات المذكورة في الموضوع

لان كل عربية وليها ناسها وكل عربية ركوبة مختلفة عن التانية بالذات مثلا عربيات زي ال e36 والفكترا b

دول ليهم ناسهم اللى بيحبوهم

عندي واحد زميلي هو معاه فكترا ووالدته معاها فكترا ووالده معاه فكترا !! بموديلات مختلفة وهو تتكلم معاه يقولك انا ماركبش غير الاوبل

فانا اعتقد ان العربيات القديمة دي ليها اللى بيقدرها وبيفهمها وبيحبها ومش بتتقارن بنقطة مين احسن من مين !!

فيه ناس تحب البي ام القديم !! وفيه ناس تعشق الفكترا b وفيه ناس تقولك لا كريستالة واسقط مايفك !! وناس دماغها في الهوندا

واما بالنسبة الفيرنا او الانوس موديلات 2004 لحد 2012 ! فهي فعلا سعرها جديد ممكن يكون في سعر هوندا موديل 2000 ولا حاجة

بس فيه ناس بتخاف من المستعمل بالذات انك بتتكلم على عربيات بقالها اكتر من عشرين سنة على الطريق !!!!!

فيه ناس مقتنعة تمام الاقتناع ان الهوندا موديلات 92-2000 احسن مليون مرة من اي فيرنا او لانوس ومافيش وجهة للمقارنة بس خايفين يجيبو حاجة بقالها عشرين سنة على الطريق ويطلع فيها عيب او مشاكل او حتى يدوخو على قطع الغيار !! ؟

ومش كل الناس فاهمة وعارفه فيه ناس بيضحك عليها

فالناس بتخاف وتقولك ابعد عن المشاكل والمستعمل بدل مالبس حاجة تبهدلني

[koshary]

اذيكوا ياهونداوية عاملين اية

دلوقتى فية ناس كتير بتحتار تختار سيفيك وبتبقى عايزاها وبالتحديد من موديل 1992-2000 اكتر موديلين مطلوبين فى السيفيك

طيب ماتيجى نعمل مقارنة بين سيارات فئتها يعنى مثلا السيفيك مين منافسيها بين بقية الشركات من جميع النواحى ونشوف مين اللى تقدر تقف امام السيفيك وتبقى البديل ليها وهنبتدى بالسيارات المنافسة للسيفيك


انت محددتش هنقارن من ناحية ايه بس انا هحاول اقول اللى فى بالى دلوقتى لان بجد المقارنة دى جامده اوى ولو اتعملت صح هتفيد المنتدى كلو لان انت اتتكلم تقريبا 35%من العربيات اللى فى الشارع

1- لانسر موديل 1993 - 1996 - 1998 - 2001- 2005 ( البومة )

[/color]
2- تويوتا موديل 1994 - 1998 - 2000 - 2002

3- هيونداى النترا 1994- 1998 - 2004

4- كيا سيفيا 1998 - كيا شوما 2001 - كيا سيراتو 2006

5- هيونداى فيرنا 2004- 2012

6- دايو نوبيرا 1 - دايو نوبيرا 2

7 - bmw e30 - e36

8 - اوبل فيكترا b1 , b2

9 - سوبارو 1994 - 2005

يعنى تقريبا دية اشهر السيارات اللى موجودة

ياريت بقى مقارنة كدة ونشوف مين اللى يستحق انة ياخد مكان الهوندا ولية ؟؟؟؟؟؟؟؟؟ مش كلام وخلاص

ملحوظة : انا بقارن بين ال si فقط يعنى مش مدخل ال sir يعنى اللى يقارن يقارن بسيارات استوك

من رائى شايف الاوبل تقدر تاخد المرتبة التانيه بعد السيفيك لان الاوبل فيكترا من افضل العربيات كثبات وقومة تحمل بغض النظر عن موضوع السخونية والبى ام المرتبة التالته لكن انا شايف ان تكيف النوبيرا 2احسن تكيف فى كل العربيات اللى موجوده وان الفيرنا والانسر والتويوتا تتفوق فى توافر قطع الغيار ووجود اى ميكانيكى يشتغل فيهم بسهولة جدا جدا بالنسبة للكيا والانترا نعتبرهم خارج المقارنه لانى شايفهم ميتقارنوش بأى عربيه من اللى موجودين دول الالنترا شايف فيها عيوب فى العفشه والسيراتو اداءها من اوى وتكيفها تعبان جدا والعزل سىء

[makmak_10]

حبيبي يا سمسم و شكرا علي تليفونك يا كبير..دايما مظبطني كده..
المهم من خلال تجربتي في شراء العربيات..انا بحب العربيات القديمه فعلا و بالذات من موديل 88 مثلا لحد 2000 بالكتيييييييير...
لما جيت اجيب اول هوندا ليا(اخترتها عشان دي اللي كان عليها الجدال) كانت موديل 93 و ستوك و كانت ب 48 الف بعد اما رخصت شويه المهم كل الدنيا قالت كل الكلام اللي انتو عارفينه :
" قطع غيار قليله و غاااااليه..وطيه جدا..مش عمليه...و اخرهم اخويا بقي عاشق الجديد يقولي : اجيب عربيه ماشيه بقالها 20 سنه بالسعر ده!!هات فيرنا احسن..
فلا تعليق طبعا..والحمد لله طول ما الةاحد دماغه ناشفه و بيصمم بتيجي معانا تمام الحمد لله..وانشاء الله انا لو هركب عربيه بعد الاس اي هركب 2008 انشاء الله سوداء ...كامله

[biro]

النوبيرا 2، والسيفيك الجيل الخامس، نفس الفئة السعرية تقريباً، أو النوبيرا 2 أعلى بحوالي 10 آلاف جنيه تقريباً .. في حين ان فرق الموديل بينهم ميقلش عن 10 سنين ..
النوبيرا 2 (من 2000 حتى 2009)
والسيفيك الجيل الخامس (من 92 حتى 95)

إيه اللي يخليني أشتري سيفيك عدى عليها أكتر من 25 سنة، في حين ان النوبيرا عدى عليها في المتوسط (من 10 لــ 15 سنة) ؟؟ إلا إذا كانت مميزات السيفيك تفوقها بكثير ،، ودي ميزة متحققة في السيفيك الـ sir بس، اللي بيطلع 170 حصان ..والـsi اللي بيطلع 130 حصان .. دول لو جيت قارنتهم بموتور النوبيرا هتلاقيه بيطلع 107 حصان ، يعني فيه فرق في القوة والسحب .. لكن هنقول ايه عن السيفيك اللي مواتيرها 1500 سي سي ومواتيرها بتطلع حوالي 107 حصان برضه، يعني زي النوبيرا،، ياترى ساعتها فيه فرق بينهم؟ وهل هيكون فيه أي ميزة للسيفيك ساعتها؟ اللهم إلا الثبات في المنعطفات، واللي النوبيرا 2 برضه مشهورة بيه ومميزة بيه، يعني مش أقل من السيفيك برضه .. وللا إيه؟

حد يصحح لي كلامي، لو غلطان، ويفيدني بالمعلومات اللي عنده.