إستشاره فى موضوع مهم جدا وعاجل للأهميه

[honda forever]

السلام عليكم
إستشاره بس برجاء السرعه فى الرد عشان الوقت ضيق شويه
طبعا إنتو عارفين إنى معايا ex 93 والعربيه تمام والحمد لله بقالها معايا سنه ونص تقريبا
المهم ظهرت قدامى عربيه SI 93 إستوك (بصراحه كان نفسى فى العربيه دى بس واحده تكون نضيفه) دواخل سليمه وفرش نضيف ولسه مشدوده من بره (ده كلام واحد بثق فيه شافها لحد ماشوفها بكره أو السبت بالكتير إن شاء الله)
فأنا بفكر أخدها بعد ما أشوف العربيه وأكشف عليها كويس طبعا
بصراحه مش هاعرف أركب بعد هوندا عربيه تانيه (دى حقيقه)
المشكله إنى قلقان من موتور D16A9 بس مش عارف قلقى ده فى محله ولا لأه
عايز أعرف كمان أسعار قطع غيارها إيه اللى مختلف عن ال ex
ولما أبص عليها باستثناء الأساسيات أركز على إيه
والموتور أعرف منين إذا كان سليم ولا فيه مشكله؟
والفتيس أعرف إذا كان بتاع الماكنه ولا الفتيس الصغير؟
عايز نصيحتكم بدون تحيز خصوصا الناس اللى معاها الماكنه دى

[m3touk_85]

محمد بيه عامل ايه

ندخل فى الموضوع

انا معاية si استوك من غير ما العب فيها وموتور D16A9 هما حاجتين تنتبه ليهم وان شاء الله مش هيحصل حاجة

1- تغيير زيتك فى موعدك وتبص على الزيت باستمرار
2- تبريد الدورة

بس خلاص

ظبط ده كلو اتوكل على الله لان فعلا الهوندا ما تتركبش اقل من الموتور ده ( مش علشان معاية بس انا جربت بصراحة )

ثانيا بص علي طنبورة الكرنك ( اكتر مواتير الهوندا فيها العيب ده بسبب الصنايعية اللش مش عارفة )

[honda forever]

محمد بيه عامل ايه

ندخل فى الموضوع

انا معاية si استوك من غير ما العب فيها وموتور d16a9 هما حاجتين تنتبه ليهم وان شاء الله مش هيحصل حاجة

1- تغيير زيتك فى موعدك وتبص على الزيت باستمرار
2- تبريد الدورة

بس خلاص

ظبط ده كلو اتوكل على الله لان فعلا الهوندا ما تتركبش اقل من الموتور ده ( مش علشان معاية بس انا جربت بصراحة )

ثانيا بص علي طنبورة الكرنك ( اكتر مواتير الهوندا فيها العيب ده بسبب الصنايعية اللش مش عارفة )

معتوق باشا أخبارك إيه
موضوع الزيت والتبريد ده مفروغ منه يا باشا فى أى موتور مش ده بس
بس هل معنى كلامك إنه بياكل زيت؟ وبمعدل كام وبيتحطله زيت نصف تخليقى ولا تخليقى ولا معدنى
وطنبورة الكرنك أكشف عليها عند الميكانيكى ولا فى حاجه ممكن أبص عليها بنفسى يعنى مثلا فيها رفه بتبان
وبصراحه أنا نفسى أطلع لموتور أعلى شد وجرى أكبر عشان كده فكرت فى الموضوع ده
بس أخبار قطع الغيار ايه يعنى أعتقد هيكون الفرق فى قطع غيار الموتور بس

[SAMEH_FOUAD]

شوف ياباشا ال si , زى ال ex من ناحية الكشف اللى هيزيد عليها العفشة متغيرة , كود الشاسية بتاع ال si هيكون eh9 بدل عندك eg8

هتلاقى ال si ديسكات ورا , فية مسند يد جنب الكرسيين , فتحة السقف , الريد لاين بتاع العداد هتلاقية بيبدأ من 7200 لفة

بالنسبة بقى للمحرك ال d16a9 شوف ياباشا

الماتور دة سريع جدا وقوى جدا

استهلاكة للبنزين مابين ( 190 -200 كم ) فى الصفيحة فى وسط البلد قيادة عادية

عيبة انة خشن يعنى مش هادى يعنى صوت المحرك بيتسمع قبل ال100 كم وبعد كدة بيبدأ الصوت يخف بس مش للدرجة بعكس الواحد كامة

المحرك كل قطع غيارة موجودة

طبعا المحرك لو كبسة حلو , مش هتحتاج تزود زيت و وهو بياخد زيت نصف تخليقى افضلة بلاش المعدنى دة مش بحبة فى الماتور دة عشان بيتقلة

مشكلة طنبورة الكرنك هية ان الصنايعى لما بيغير سير الكاتينة مش بيربطها بمفتاح عزم قوى فبتفك مع الوقت ( دة عيبها )

[honda forever]

شوف ياباشا ال si , زى ال ex من ناحية الكشف اللى هيزيد عليها العفشة متغيرة , كود الشاسية بتاع ال si هيكون eh9 بدل عندك eg8

هتلاقى ال si ديسكات ورا , فية مسند يد جنب الكرسيين , فتحة السقف , الريد لاين بتاع العداد هتلاقية بيبدأ من 7200 لفة

بالنسبة بقى للمحرك ال d16a9 شوف ياباشا

الماتور دة سريع جدا وقوى جدا

استهلاكة للبنزين مابين ( 190 -200 كم ) فى الصفيحة فى وسط البلد قيادة عادية

عيبة انة خشن يعنى مش هادى يعنى صوت المحرك بيتسمع قبل ال100 كم وبعد كدة بيبدأ الصوت يخف بس مش للدرجة بعكس الواحد كامة

المحرك كل قطع غيارة موجودة

طبعا المحرك لو كبسة حلو , مش هتحتاج تزود زيت و وهو بياخد زيت نصف تخليقى افضلة بلاش المعدنى دة مش بحبة فى الماتور دة عشان بيتقلة

مشكلة طنبورة الكرنك هية ان الصنايعى لما بيغير سير الكاتينة مش بيربطها بمفتاح عزم قوى فبتفك مع الوقت ( دة عيبها )

تسلم يا كبير الهونداويه
معلش طلب أخير وهو فيه عشم شويه لو من حيث المبدأ لقيت العربيه شكلها مش متهان ينفع أقابلك فى أقرب مكان ليك تبص عليها بصه سريعه لو مفيهاش تعب معلش أصلى بثق فى رأيك

[SAMEH_FOUAD]

تسلم يا كبير الهونداويه
معلش طلب أخير وهو فيه عشم شويه لو من حيث المبدأ لقيت العربيه شكلها مش متهان ينفع أقابلك فى أقرب مكان ليك تبص عليها بصه سريعه لو مفيهاش تعب معلش أصلى بثق فى رأيك

ماشى ياباشا مافيش اى مشاكل خالص بس قولى قبليها بيوم عشان اظبط امورى

[honda forever]

ماشى ياباشا مافيش اى مشاكل خالص بس قولى قبليها بيوم عشان اظبط امورى

أنا اسف جدا يا باشا إنى مردتش الأيام اللى فاتت
بس الراجل فضل ميردش عليا يومين ولما رد قاللى باعها ياللا الحمد لله خيرها فى غيرها
لو فى حد قدامه واحده si كويسه يقولى يا جماعه لأن عربيتى فى حكم اللى متباعه وبدور عشان مش هينع أقعد من غير عربيه نهاااائى لظروف الشغل
وشكرا يا كبير الهونداويه مره تانيه

[SAMEH_FOUAD]

ولا يهمك ياباشا مافيش اى مشاكل وانا لو وقعت واحدة قدامى هاقولك

[honda forever]

ولا يهمك ياباشا مافيش اى مشاكل وانا لو وقعت واحدة قدامى هاقولك

تسلم يا باشا بس متنسانيش