استشاره فنيه

[nenotaker]

صباح الخير يا رجاله
امبارح كنت مسافر وللاسف حصل مشكله في العربيه بقيت كل ما ادوس بنزين الموتور صوته بيعلي ومفيش سحب ولما اخف رجلي شويه من ع البنزين تبدا تسحب شويه المهم فضلت مقضيها كده لحد ما وصلت وكلمت الميكانيكي اللي بروحله قاللي روح لاي حد وقوله يبص علي باب الكاربيراتير التاني يمكن يكون مفتوح لانها كانت حصلت قبل كده وعملها
ودتها لواحد صدمني قالي العربيه دي اوتوماتيك قلتله لا مانيوال قالي طيب يا برنس العربيه جابت اسطوانه وموضوع ان العربيه صوتها بيعلي ومبتسحبش بنزين ده عشان الاسطوانه بتلف ع الفاضي
اخدتها لواحد تاني قالي العربيه مفيهاش اي حاجه وبتخمس اهي وزي الفل وروح برضه الحرفيين لحد يبصلك علي الموتور يادوب طلعت من عنده لقيتها فعلا ظبطت , النهارده الصبح رايح الشغل رجعت تاني !! ياريت تفيدوني يا وحوش اعمل ايه وهل فعلا الاسطوانه انتهت كده ولا في حاجه تانيه , واسطوانه الدبرياج سعرها كام .. العربيه سيفيك 93 ex

[exact]

مش اكيد وانتظر كلام باقي الاعضاء.... بس للأسف دبرياج

[nenotaker]

شكرا ع الرد ياباشا , واحد صاحبي بيقولي ممكن فلتر البنزين عايز يتغير اصل انا اتغابيت في التفويله اللي فاتت وفولتها 80 :s

[koshary]

ياراجل حد يزود 80 طيب حط 92 او 95 شوف الدنيا هيحصل فيها ايه وانت مش خسران حاجه بس انا شاكك فى البنزين صراحه لانها مره عملتها معايا كدا والبنزين كان مغشوش واصلا الباب التانى بتاع الكربيراتير بيفتح بعد سرعه 80 كيلو وساعة الحرق

[nenotaker]

ياراجل حد يزود 80 طيب حط 92 او 95 شوف الدنيا هيحصل فيها ايه وانت مش خسران حاجه بس انا شاكك فى البنزين صراحه لانها مره عملتها معايا كدا والبنزين كان مغشوش واصلا الباب التانى بتاع الكربيراتير بيفتح بعد سرعه 80 كيلو وساعة الحرق

كان غصب عني كنت مسافر ومش لاقي بنزين نهائي وملقتش غير محطه بنزين في الحواري كده ومفيهاش غير 80 , يارب بس تطلع المشكلة مشكلة فلتر

[SAMEH_FOUAD]

دلوقتى ياباشا عشان تتاكد من الاسطوانة هات الرابع وارفع فرامل اليد , ورجلك على الدبرياج للاخر ومالكش دعوة بالبنزين , وارفع رجلك شوية شوية عن الدبرياج وشوف العربية هتبدأ تتبرجل وهتبطل امتى , لو لقيتها هتبطل بعد مشوار قليل يبقى كدة الاسطوانة تمام , لو لقيت نفسك رفعت رجلك لحد النص كدة يبقى الاسطوانة دية متوسطة , لكن لو غير كدة يبقى ضعيفة

وجرب وقول اية اللى هيحصل

[M_Nabil]

المفروض أنت بتكون عارف أخر مرة غيرت فيها طقم الدبرياج امتى وماشى بيه قد اية! من الواضح دى اعراض تلف اسطوانة فعلاً بس جرب الطريقة اللى شارحهالك سامح لو طلع العيب منها يبقى هتشترى طقم دبرياج كامل ( اسطوانة وديسك وبليه) ويفضل جديد سواء الاصلى (1600 جنية) أو اليابانى (700 جنية).

[nenotaker]

الحمدلله انا اكتشفت المشكله كانت فين طلع عندي دواسه الدبرياج بتعلق يعني لما بسيب دبرياج خالص بيبقي لسه كاني دايس عليه خفيف كده بتلزق يعني...بقيت ارفعها برجلي كاني راكب موتوسيكل عشان تظبط والحمدلله السحب ظبط زي الاول...طبعا لما جيت اعمل حكايه الرابع واسيب دبرياج دي مش عارف اقيمه لاني زي ما قلت بسيب الدبرياج بيكون لسه معلق...ان شاء الله هروح الحرفيين النهارده اظبط القصه دي...والف شكر ع الرد

[nenotaker]

دلوقتى ياباشا عشان تتاكد من الاسطوانة هات الرابع وارفع فرامل اليد , ورجلك على الدبرياج للاخر ومالكش دعوة بالبنزين , وارفع رجلك شوية شوية عن الدبرياج وشوف العربية هتبدأ تتبرجل وهتبطل امتى , لو لقيتها هتبطل بعد مشوار قليل يبقى كدة الاسطوانة تمام , لو لقيت نفسك رفعت رجلك لحد النص كدة يبقى الاسطوانة دية متوسطة , لكن لو غير كدة يبقى ضعيفة

وجرب وقول اية اللى هيحصل

الحمدلله انا اكتشفت المشكله كانت فين طلع عندي دواسه الدبرياج بتعلق يعني لما بسيب دبرياج خالص بيبقي لسه كاني دايس عليه خفيف كده بتلزق يعني...بقيت ارفعها برجلي كاني راكب موتوسيكل عشان تظبط والحمدلله السحب ظبط زي الاول...طبعا لما جيت اعمل حكايه الرابع واسيب دبرياج دي مش عارف اقيمه لاني زي ما قلت بسيب الدبرياج بيكون لسه معلق...ان شاء الله هروح الحرفيين النهارده اظبط القصه دي...والف شكر ع الرد

[SAMEH_FOUAD]

الحمدلله انا اكتشفت المشكله كانت فين طلع عندي دواسه الدبرياج بتعلق يعني لما بسيب دبرياج خالص بيبقي لسه كاني دايس عليه خفيف كده بتلزق يعني...بقيت ارفعها برجلي كاني راكب موتوسيكل عشان تظبط والحمدلله السحب ظبط زي الاول...طبعا لما جيت اعمل حكايه الرابع واسيب دبرياج دي مش عارف اقيمه لاني زي ما قلت بسيب الدبرياج بيكون لسه معلق...ان شاء الله هروح الحرفيين النهارده اظبط القصه دي...والف شكر ع الرد

طيب طالما بيعمل كدة اكشف بقى على خزنة زيت الدبرياج , لان العربية لو دخل هواء فى الدورة بيعمل كدة اكشف على البدال شوفة ممكن يكون عايز يترش علية wd-40 ,

[nenotaker]

علم وجاري التنفيذ يا عمهم :d ربنا يكرمك يا سامح باشا...انا اخدت رقمك وان شاء الله هكلمك عشان نتعرف اكتر يا باشا