استفسار عن سيفيك 2008

[kliken]

السلام عليكم و رحمه الله و بركاته
ازيكم يا احلى شباب
أنا بصراحه متابع مواضيع القسم من فتره لانى حابب السيفيك جدا بصراحه بس مشكلتى انى حاسس انها ممكن تعكنن عليا شويه فى موضوع انخفاض العربيه عن الأرض و فى نفس الوقت فى ملاك السياره هنا فى المنتدى مش بيشتكوا من الموضوع ده و بالتالي أنا ليا كأم استفسار من حضرتكم
أنا بحس ان فى عربيات سيفيك ارتفاعها معقول و فى عربيات تانيه بحسها واطيه مش عارف ايه السبب يعنى ساعات بحس ان ارتفاعها مناسب و ساعات العكس
الاتساع الداخلى السياره معقول و لا ضيقه
أنا هجيب ان شاء الله لو ربنا أراد موديل قديم شويه علشان الفلوس اللى معايا فهيكون موديل 2007 أو 2008 و كنت قريت عن مواضيع هنا عن بعض حاجات أو مشاكل صغيره و اتعالجت فى التمويل اللى بعده زى قوه الفرامل على ما اتذكر
اخر حاجه و هتعبكو معايا فى اى مواضيع عن أسعار قطع الغيار فى التوكيل و بره على الأقل الحاجات الاستهلاكية و فوانيس و اكصدامات و لو بالتقريب و شكرا مقدما يا احلى شباب

[tarekmaher]

متابع

[ahm128]

والله موضوع الارتفاع مش بالسوء اللى بعض الناس بتتكلم عليه يعنى مجرد اتعودت عليها لن تجد صعوبة فى المرور بها على المطبات لانها تقريبا بتعدى95 فى المائة من المطبات بالقاهرة بدون مشاكل لو مركب 4 افراد بالسيارة اما قطع الغيار فأكثر مايستهلك فيها هو تيل الفرامل وهو غالى شوية بالتوكيل ولكن بيتباع بره ارخص بكتيير يعنى الاصلى ب 400 تقريبا وتتدرج حتى التيوانى ب 120 جنيه وانا مجربتوش بس فى ناس بتأكد انه غير مضر بالطنابير

[kliken]

انا متشكر جدا لرد حضرتك و لذوقك
و بالنسبه للفروق بين 2008 و موديل 2009 او 2010
و برضه الوسع الداخلى للصالون و لو اسعار اكصدامات او فوانيس و لو بالتقريب و شكرا جزيلا لحضرتك

[hany63]

2008 فرامل خلفي طنابير - 2009 فرامل خلفي ديسكات و العربيه جنوط 16 فتعتبر اعلى سنه
2010 مساعدين خلفي معدله عشان ما تهبطش
سعر التيل الامامي 550 جنيه الاصلي و الفانوس تمنه 2000 جنيه امامي الاصلي 1000 استيراد و احتمال يكون رخص عشان فانوس 2012 ب 1025

[kliken]

متشكر جدا لرد حضرتك

[hany63]

اي خدمه

[Unendlich]

و العربيه جنوط 16 فتعتبر اعلى سنه

الجنوووووووووط مش عاملة أي فرق في الارتفاع
الجنط صحيح اكبر بس اللي ناس بتنساه إن الكاوتش برده ال profile بتاعه اصغر
يعني الخلاصة إن ال rolling diameter لل 195/65/15 هو هو بتاع ال 205/55/16 بل كمان ال 205 أوطي 1 ملي

[hany63]

الجنوووووووووط مش عاملة أي فرق في الارتفاع
الجنط صحيح اكبر بس اللي ناس بتنساه إن الكاوتش برده ال profile بتاعه اصغر
يعني الخلاصة إن ال rolling diameter لل 195/65/15 هو هو بتاع ال 205/55/16 بل كمان ال 205 أوطي 1 ملي

طب تفسر بايه ان ملاك ٢٠٠٩ ما بيشتكوش من المطبات

[kliken]

أنا بصراحه محتار فعلا فى السيفيك شويه احس انها عاليه علو مقبول و شويه احبها واطيه و ما تمشيش فى شوارعنا حاجه عجيبه! !

[HISHAM80]

بص يا سيدي سيفيك أحسن عربيه في مصر وعن تجربه بدون الدخول في تفاصيل ومقارنات العربيه ارتفاعها ذي معظم العربيات ألي في نفس الفئه بص قاعده عجلاتها هي الأطول فهتلاقي العربيه بتحك في المطبات يعني لو ساكن في المنصوره أو الأقاليم بلاش بس ده لأن المطبات مش طبيعيه

[Unendlich]

طب تفسر بايه ان ملاك ٢٠٠٩ ما بيشتكوش من المطبات

أنا مقلتش هما علوها ولا لأ عشان أنا معرفش, أنا بوضح إن تفسيرك لكون سبب الارتفاع هو الجنوط ده خطأ 100%
راجعتاني اللي أنا كاتبه كده

الجنوووووووووط مش عاملة أي فرق في الارتفاع
الجنط صحيح اكبر بس اللي ناس بتنساه إن الكاوتش برده ال profile بتاعه اصغر
يعني الخلاصة إن ال rolling diameter لل 195/65/15 هو هو بتاع ال 205/55/16 بل كمان ال 205 أوطي 1 ملي

و علي فكرة هم علوا ال 2012 و الكاوتش رجع تاني 195/65/15
يبقى نرجع و نقول تاني: مش مسألة جنوط

[hany63]

أنا مقلتش هما علوها ولا لأ عشان أنا معرفش, أنا بوضح إن تفسيرك لكون سبب الارتفاع هو الجنوط ده خطأ 100%
راجعتاني اللي أنا كاتبه كده

والله قريت و فهمت من اول مره و للعلم العربيه لحد 2010 ارتفاع واحد بالمللي انما مقارنة بعربية زميلي 2008بيستغرب لما يكون راكب معايا ب 2010و نعدي على مطبات من غير ما تحك وبيقعد يقر

[ahm128]

والله ياجماعة موضوع الارتفاع دة نغمة سايدة من التسعينات ايام لما كانت فعلا واطية بالنسبة لاقرانها ولكن الان الكلام ده اصبح فى غير محله لانها تقريبا فى نفس معدلات السيارات اللى فى فئتها انا على فكرة معايا 2008 وتحديدا السيارات اللى قارنتها بيها وركبتها وجربتها على نفس المطبات كانت السيراتوا 2011 والبيجو بارس والباسات 2011 و فيرنا 2008 وكانت النتائج مطابقة للهوند طبعا فى عربيات اعلى جربتها وكانت التويوتا 2008

[hany63]

فعلا الناس حافظه و خلاص