ديسك واسطوانه تانى......

[mostwanted]

السلام عليكم .....سيفيك 97 1500 مانيوال
كنت عملت موضوع من كام شهر كده قلت انى غيرت ديسك واسطوانه وبليه فتيس هوندا اصليين المفروض المهم يعنى بعد ماغيرتهم باقل من 6 شهور العربيه بدأت تكركر وتترج وهيا طالعه على السلانسيه جامد جدا وقت ماعملت الموضوع كتير فيكو اهتم وطبعا سمسم وقالى على شويه حاجات جربتها وقلتله وبعد مداولات كتير موصلناش لحاجه والموضوع نام وانا كبرت دماغي وبقيت بتقل رجلى على البنزين شويه واهى ماشيه لحد ماوصل بقي الموضوع دلوقت ان السواقه بقت وحشه جداااا وخصوصا فى الزحمه مقرفه بجد وكمان بقي صوت صفاره من الفتيس كأن فيه صرصار معشش جواه وصوت خشانه البليه واضح جدا لما ادوس دبرياج كل الاصوات دي بتنتهى.....
انا انشاء الله رايح بورسعيد يوم الخميس اجيب اربع مساعدين وتشيات اسكترا جنبين لان العغشه بتقول ابوس رجلك ارحمنى السؤال بقي انا بفكر دلوقت انى اجيب الاسطوانه والبليه اليابانى(مش هوندا زى المره اللى فاتت) واركبهم مع الديسك الاوريجينال اللى نزل من العربيه خصوصا انا شايف ان حالته كويسه جدااا الكلام اللى انا باقوله ده منطقى ولا ايه افيدونى افادكم الله ولو حد يقعرف تمن الاسطوانه دي كااام ؟؟؟؟
المساعدين اجيب مساعدين بتوعها جدداد ولا اشوف مساعدين رياضى استيراد حالتهم كويسه وبكام برضه الجديد والمستعمل ؟؟؟؟
اسف على الاطاله يا ريت تقولى رأيكم

[SAMEH_FOUAD]

دلوقتى ياباشا انت بتقول ان عندك رجة فى الطلعة وصوت خشانة يبقى حضرتك تغير الديسك والبلية مش الاسطوانة
لان الاسطوانة تعملك تقل فى السحب مش رجة

يعنى دلوقتى حضرتك عايز ( ديسك - بلية )

بالنسبة للمساعدين هاتهم بتوع ال SiR ممتازين وسعرهم للاربعة 800 جنية

العفشة الرياضى koni ب 3500 جنية جداد و سعرهم من 1200 - 1500 استيراد بحالة نظيفة

بس طبعا هيدوا ثبات عالى جدا بس هينشفوا العفشة وهيوطوا العربية

خليك فى ال SiR

[mostwanted]

شكرا يا سمسم باشا على ردك...
أيه رأيك اركب الديسك الاوريجنال القدين بتاعى انا شايفه سليم مفيهوش عالى و واطي والريش بتاعته كلها سليمه وفمستوى وحد مش عارف بقي اصلي بصراحه ن بعد الديسك والاسطوانه الهوندا اللى مفروض اصليين و مكملش 6 شهور وكانو باكتر من 1500 جنيه اتعقدت ولا اجيب اليابانى هيا بكام اصلا.... يعنى استبعد الاسطوانه تماما هيا لو رجلى تقلت سنه العربيه بتفرك فى الارض... كمان انا مابروحش بةرسعيد كل يوم وبدوخ على حاجتها هنا فى اسكندريه......
و كل سنه وانت طيب يا سمسم

[hany63]

الله يقطع الزحمه اللي دوبت فتايس البلد ده استعمال يوم بمقام استعمال ٦ شهور من ايام زمان

[SAMEH_FOUAD]

وانت طيب ياباشا

الديسك والاسطوانة اليابانى ب800 جنية

عموما قبل ماتعمل اى حاجة ورى الديسك بتاعك للميكانكيى بتاعك وقولة ايو رايك , ولو قالك تمام , يبقى توكل على الله اشترية وهات البلية وزيت نظيف وشكرا

[mostwanted]

الله يقطع الزحمه اللي دوبت فتايس البلد ده استعمال يوم بمقام استعمال ٦ شهور من ايام زمان

الله يطمنك يا باشا :-)
متنساش كمان مطبات الطريق الزراعي اللى كسرت عفشه للعربيات فعلا

[mostwanted]

طب سؤال كمان يا سمسم....
لو عايز اركب فرامل sir خلفي يعنى اركب ديسكات وتيل بدل الطنابير العاديه اللى عندي..هل ده ينفع واعوز اغير ايه ويتكلف كام؟؟؟؟
تقلت عليك انا:-)

[mostwanted]

ايه يا جماعه صعب الموضوع ده ولا ايه...مفيش رد؟؟؟؟؟

[SAMEH_FOUAD]

طب سؤال كمان يا سمسم....
لو عايز اركب فرامل sir خلفي يعنى اركب ديسكات وتيل بدل الطنابير العاديه اللى عندي..هل ده ينفع واعوز اغير ايه ويتكلف كام؟؟؟؟
تقلت عليك انا:-)

هتجيب دوشمتين كاملين بواير فرامل اليد تمنهم 700 جنية وشكرا

وهما بيجوا بكاليبرات الفرامل + التيل + الديسكات

[wildwest100]

السلام عليكم .....سيفيك 97 1500 مانيوال
كنت عملت موضوع من كام شهر كده قلت انى غيرت ديسك واسطوانه وبليه فتيس هوندا اصليين المفروض المهم يعنى بعد ماغيرتهم باقل من 6 شهور العربيه بدأت تكركر وتترج وهيا طالعه على السلانسيه جامد جدا وقت ماعملت الموضوع كتير فيكو اهتم وطبعا سمسم وقالى على شويه حاجات جربتها وقلتله وبعد مداولات كتير موصلناش لحاجه والموضوع نام وانا كبرت دماغي وبقيت بتقل رجلى على البنزين شويه واهى ماشيه لحد ماوصل بقي الموضوع دلوقت ان السواقه بقت وحشه جداااا وخصوصا فى الزحمه مقرفه بجد وكمان بقي صوت صفاره من الفتيس كأن فيه صرصار معشش جواه وصوت خشانه البليه واضح جدا لما ادوس دبرياج كل الاصوات دي بتنتهى.....
انا إن شاء الله رايح بورسعيد يوم الخميس اجيب اربع مساعدين وتشيات اسكترا جنبين لان العغشه بتقول ابوس رجلك ارحمنى السؤال بقي انا بفكر دلوقت انى اجيب الاسطوانه والبليه اليابانى(مش هوندا زى المره اللى فاتت) واركبهم مع الديسك الاوريجينال اللى نزل من العربيه خصوصا انا شايف ان حالته كويسه جدااا الكلام اللى انا باقوله ده منطقى ولا ايه افيدونى افادكم الله ولو حد يقعرف تمن الاسطوانه دي كااام ؟؟؟؟
المساعدين اجيب مساعدين بتوعها جدداد ولا اشوف مساعدين رياضى استيراد حالتهم كويسه وبكام برضه الجديد والمستعمل ؟؟؟؟
اسف على الاطاله يا ريت تقولى رأيكم

فيه محل اسمه فرح بتاع المهندس صبحي داوود المحل ده موجود في العصافره شارع عبد الناصر في شارع متفرع منه بين أسواق الشريف وبنزينة مصر تاني محل علي ايدك الشمال
وفيه واحد اسموا وائل بيبع حاجات استيراد دا رقموا 01225568984 اسالهم قبل ماتضرب مشوار لبورسعيد