كرستاله ولا سيفيك 96 - 99

[fedo171]

سوال محير بصراحه لانسر كرستاله ولا السفيك 96 - 99
من حيث
الاداء
والفرامل
وقطع الغيار سعرها وتوافرها
وسهوله التصليح
والعربيه ككل ..
شكرا


مع العلم ان اللى معايا من 50 ل 55 الف وعايز اركب عربيه وانساها يكون شاسها وموتورها معمرين

طبعا انا عارف ان فيه عربيات كتير مينفعش اسمها يتحط جمب السيفك خصوصا بعد ماشوفت عربيه واحد قربنا من بعيد معاه سيفيك 1999 ومنزلها موتور معرفش اسموه ايه بصراحه بس هوه ب 12 الف جنيه
والعربيه حكايه


الخلاصه انا عايز اركب انضف حاجه استوك بالمبلغ ده ومتقرفنيش وموترها يكون معمر
ايه نصيحه الشباب ؟؟؟

شكرا مقدمااااااااا

[fedo171]

مع العلم انى ركبت هوندا قبل كده بس قديييييييييييييييمه جدا عربيه قليله قوى
honda accord 1978 hatchback

[SAMEH_FOUAD]

معلش ياباشا هية الكريستالة حلوة وكل حاجة بس ماينفعش نحطها فى مقارنة مع السيفيك

عموما السيفيك اللى انت عايزها هتبقى مثلا موديل 1997 وماتورها 1500 سى سى انجيكشن فول اوبشن ماعدا فتحة السقف , ودية فئتها اسمها exi وعاملة من 54 الف الى 58 الف حالة نظيفة

وفيها الكاملة ال vti ودية بتعمل من 58 الى 62 الف جنية حالة نظيفة

[fedo171]

1-طيب موديل 97 دى سهل الاقيها ؟
2-المتور ال 1500 ده كام حصان و عمره الافترادى هيبقى تقريبا اد ايه معايا (امتوسط العمر يعنى)؟
3-وانا عايزها اوتو هيبقى فيه مشاكل ؟

السوال الاخير هتبقى عربيه مريحه ولا هبات عند الميكانيكى ؟ يعنى السعر ده يجيب عربيه نضيفه

[fedo171]

معلش الاسأله كتييره بس اعزرونى تحويشه برضه وكمان اول عربيه نضيفه اجيبها

[M_Nabil]

السعر ده يجيب سيفيك 97 فئة EXi كاملة اوتوماتيك ماتور 1.5 بقوة 107 حصان والعربية موجودة

والاوتو في الهوندا مافيهوش مشاكل طلما بتغير الزيت في الميعاد ومبتعملش كيك دون بصفة مستمرة والماتور بيعيش سنين وطبعاً الكشف عليه عن طريق الكبس هيبين حالته اية

بالتوفيق

[Ahmed Nasr]

انا عندى نفس المشكلة ومحتار زى حضرتك
والله المستعان
بالاضافة ان المعروض من الهوندا اكتر من السعر ده شويه

[fedo171]

طيب عاوز اعرف لو سمحت كود الموتور بتاع الموديل ده كام ؟؟
وقطع الغيار موجوده و سعراها ايه ؟

[SAMEH_FOUAD]

كود ماتور السيفيك الجيل السادس فئة ال lxi - exi بيكون المحرك قوتة 105 حصان واحد كامة , 1500 سى سى انجيكشن
كود المحرك d15z4

ال vti محركها 1600 سى سى واحد كامة قوتة 127 حصان انجيكشن , كود المحرك d16y8 وفية d16y6 حسب البلد بس اللى بينزل عندنا هنا هو ال d16y8

قطع الغيار موجودة ومتوافرة ماتقلقش ( اصلى - يابانى - تايوانى ) (تايلاندى بالنسبة لاى كاوتش فى السيارة ) وفية استيراد كمان سعرة ممتاز

[hany63]

عن تجربه الكريستاله ٤ سنوات لا وجه للمقارنه نهائي لدرجة كنت بسال نفسي مش ممكن تكون ياباني صاح ضعيف لو حكيت عليه صباعك هيعلم عفشه زفت صليبة دركسيون فوتت و مكانتش موجوده و اضطريت الحمها في مشرشر العلبة بالمناسبة أنا بتكلم على عربيه جايبها زيرو و كنت شايلها في عيني لدرجة أني ندمت أني ما جبتش أيامها كورولا عيون اللي كانت مع أختي و لسه معاها لحد النهار ده

[A7medelfe2y]

هاراسود سيفيك مع كريستاله/مقارنه غير عادله بالمره

كدا حضرتك راكب سي بي ار 919 وروحت لدايون تقوله تشد معايا