ضميري واجعني و الرجوع للحق فضيله

[hany63]

يا جماعه أنا عاوز اعترف أني كنت غلطان لما هاجمت السيفيك ٢٠١٢ من حيث الشكل
بصراحه الواحد حكم عليها من الصور و قال دي عامله زي m11 انما لما ابتدأت تمشي في الشارع و تعدي جنب الواحد شكلها جميل على الطبيعه و منفرد وده عشان الشنطه عريضه و الانحناءات و الانسيابيه ودقه الفوانيس و كمان تحسها متينه و محمله وكان معاي مره واحد صاحبي شافها معرفهاش فقولتله دي السيفيك الجديدة قال لي جميله جداً قلت له دي الناس بتقول على شكلها وحش راح ولا بلاش
و بعدين لما نشوف انها عليت و فرامل أقوى و أوسع يبقى الجماعه بيفهموا برضه
و بالنسبة لموضوع التشطيب الداخلي أنا شايف انه فرعي و ممكن يعدلوه
مش عارف حاسس اننا خلينا الماركات التانيه تفرد قلوعها بسبب حتة الشكل زي الهيونداي اللي شكلها من قدام وحش جدا
وده رأيي و ارجو ان حد مايزعلش

[SAMEH_FOUAD]

على فكرة نفس الاحساس اللى حسيتة لما شوفتها اكتر من مرة وبأشكال مختلفة وخصوصا فى الليل مع الاضواء بجد جميلة جدا وشوفت منها ال vti شكلها روعة الصراحة وتحس بيها بالفخامة عن اللالنترا اللى تصميمها جميل بس

وعلى فكرة بدأت تنتشر انتشار رهييييييب انا بقيت بشوفها كتييييييييييير جدا

احنا بس 90% من عدم حبنا للسيارة هو بسبب ( عدم التحديث فى المحرك + بعض الاوبشن اتلغى وكان موجود فى الموديل السابق - ثمن العربية زاااااااد - الخامات اصبحت بلاستيك وحش جدا - اوبشن قليل على السعر )

لكن والله لو الحاجات دية اتعالجت انسى هتلاقى اى حد ممكن يتغاطى عن شكل الشنطة اللى فى نظرى هو بس اللى مش محبب

[shaddadfalcon1]

نفس الحوار حصل ولسه بيحصل مع الصني الجديده

هما بس الجماعه اليابنيين بيفكرو بطريقه مختلف عننا شويه

[hany63]

على فكرة نفس الاحساس اللى حسيتة لما شوفتها اكتر من مرة وبأشكال مختلفة وخصوصا فى الليل مع الاضواء بجد جميلة جدا وشوفت منها ال vti شكلها روعة الصراحة وتحس بيها بالفخامة عن اللالنترا اللى تصميمها جميل بس

وعلى فكرة بدأت تنتشر انتشار رهييييييب انا بقيت بشوفها كتييييييييييير جدا

احنا بس 90% من عدم حبنا للسيارة هو بسبب ( عدم التحديث فى المحرك + بعض الاوبشن اتلغى وكان موجود فى الموديل السابق - ثمن العربية زاااااااد - الخامات اصبحت بلاستيك وحش جدا - اوبشن قليل على السعر )

لكن والله لو الحاجات دية اتعالجت انسى هتلاقى اى حد ممكن يتغاطى عن شكل الشنطة اللى فى نظرى هو بس اللى مش محبب

تعال نمسك الملاحظات واحده واحده
عدم تحديث المحرك
المحرك الاصلي ١٨٠٠ مش ذنبهم ان بلدك بتفكر بطريقة السبعينات وبعدين لو عدلوا المحرك ال ١٦٠٠ سعر العربيه هيغلى تاني و هيقفل على ال ١٨٠٠ ثم ان الفيتك مخلب العربيه تنافس مع المواتير الاكبر
بعض الاوبشن اتلغى قصاد مميزات زادت زي الvsa
و البلوتوث و كمبيوتر المعلومات
تمن العربيه
اعتقد يا سمسم لو حسبت فرق العمله سنة ٢٠١٠ هتعرف انها رخصت مش غليت و نروح بعيد ليه ما الكوري بقى ب ١٦٠ الف
و الاوروبي جمركه رخص ٤٠ في الميه و سعره زاد إحنا بنزيد فقر ولو حسبت كيلو اللحمه من سنتين مقارنه بدلوقت هتفهم قصدي
خامات بلاستيك عندك حق
الاوبشن قصاد السعر اعتقد ناقشناه
وعلى فكره شكل الشنطه طلع حلو آمال تقول ايه يا راجل على الصني

[Sindibad]

الهوندا هوندا برضه ستظل عظيمه وناجحه - لكن شركات أخرى مثل هيونداى وكيا قفزت قفزات كبيره نحو الأمام واصبحت ناجحه جدا فى بلاد العم سام واوروبا وغيرها من الدول
التنافس بقى حقيقى وكبير وقوى وكنت اعتقد ان هوندا وتويوتا سوف تستنفر كل مالديها من امكانيات لكى تحقق طفره فى كل شىء التصميم الخارجى والداخلى والأبتكارات الجديدة سواء فى نظم التشغيل او السلامه او الكماليات لكن جاءت الريح بما لا تشتهى السفن مازالت تويوتا محتفظه بشكل الكورولا اللى فشلت بيه من اول ماظهرت لدرجة ان موديل 2006 و2007 بيتباع باسعار اعلى من 2009 و 2010 و2011 كمان
ايضا هوندا 2009و 2010 مازالت على القمة لكن 2007 و2008 علشان واطيه وفيها عيب الفرامل اقل شويه
الهوندا الجديده جاءت بالنسبه لى مخيبه لأمالى من ناحية الشكل الخارجى والخامات الداخليه - مازالت تحتفظ بأشياء مثل فخامة التابلوه وشياكته والقعده والكراسى المريحة والموتور الموفر لكن كل ده المفروض انه اساسى من زمان وعلشان كده كنت مستنى الطفره القادمه لكن بالشكل ده هيونداى قربت المسافات جدا خاصة بالالنترا الجديده - تحس انها سابقه بخمس سنين على الأقل فى الشكل - على الرغم من انها من الداخل مش بنفس الخارج من الفخامه لكن على الأقل هما بدأوا وحاولوا وانا معجب جدا بهذه المحاولات والأصرار على التقدم والتطور وتحيه للكوريين لابد من ان ارسلها لهم

نفس الكلام على الجيتا والباسات الجداد مش عارف ليه الشكل ده اللى بيفكرنى بموديلات التسعينات الخطوط المحافظه والمستقيمه المعتدله الفوانيس المستطيله الى حد كبير والتابلوه الأنيق الكلاسيكى الشكل اللى زى مايكونوا خايفين يغيروا او معندهومش الجرأه للتغيير - معظم المواقع فى تقييماتها للشكل الجديد مش مبسوطه لأنهم كانوا متوقعين حاجات ثوريه وخطوط جريئه زينا بالظيط

ولكم تحياتى

[lanos2004]

يا جماعه أنا عاوز اعترف أني كنت غلطان لما هاجمت السيفيك ٢٠١٢ من حيث الشكل
بصراحه الواحد حكم عليها من الصور و قال دي عامله زي m11 انما لما ابتدأت تمشي في الشارع و تعدي جنب الواحد شكلها جميل على الطبيعه و منفرد وده عشان الشنطه عريضه و الانحناءات و الانسيابيه ودقه الفوانيس و كمان تحسها متينه و محمله وكان معاي مره واحد صاحبي شافها معرفهاش فقولتله دي السيفيك الجديدة قال لي جميله جداً قلت له دي الناس بتقول على شكلها وحش راح ولا بلاش
و بعدين لما نشوف انها عليت و فرامل أقوى و أوسع يبقى الجماعه بيفهموا برضه
و بالنسبة لموضوع التشطيب الداخلي أنا شايف انه فرعي و ممكن يعدلوه
مش عارف حاسس اننا خلينا الماركات التانيه تفرد قلوعها بسبب حتة الشكل زي الهيونداي اللي شكلها من قدام وحش جدا
وده رأيي و ارجو ان حد مايزعلش

طالما ضميرك تعبك يبقه استغفر ربنا وتوب و ان شاء الله ربنا يتقبل

[hany63]

طالما ضميرك تعبك يبقه استغفر ربنا وتوب و ان شاء الله ربنا يتقبل

عقبال توبتك انت كمان

[hany63]

الهوندا هوندا برضه ستظل عظيمه وناجحه - لكن شركات أخرى مثل هيونداى وكيا قفزت قفزات كبيره نحو الأمام واصبحت ناجحه جدا فى بلاد العم سام واوروبا وغيرها من الدول
التنافس بقى حقيقى وكبير وقوى وكنت اعتقد ان هوندا وتويوتا سوف تستنفر كل مالديها من امكانيات لكى تحقق طفره فى كل شىء التصميم الخارجى والداخلى والأبتكارات الجديدة سواء فى نظم التشغيل او السلامه او الكماليات لكن جاءت الريح بما لا تشتهى السفن مازالت تويوتا محتفظه بشكل الكورولا اللى فشلت بيه من اول ماظهرت لدرجة ان موديل 2006 و2007 بيتباع باسعار اعلى من 2009 و 2010 و2011 كمان
ايضا هوندا 2009و 2010 مازالت على القمة لكن 2007 و2008 علشان واطيه وفيها عيب الفرامل اقل شويه
الهوندا الجديده جاءت بالنسبه لى مخيبه لأمالى من ناحية الشكل الخارجى والخامات الداخليه - مازالت تحتفظ بأشياء مثل فخامة التابلوه وشياكته والقعده والكراسى المريحة والموتور الموفر لكن كل ده المفروض انه اساسى من زمان وعلشان كده كنت مستنى الطفره القادمه لكن بالشكل ده هيونداى قربت المسافات جدا خاصة بالالنترا الجديده - تحس انها سابقه بخمس سنين على الأقل فى الشكل - على الرغم من انها من الداخل مش بنفس الخارج من الفخامه لكن على الأقل هما بدأوا وحاولوا وانا معجب جدا بهذه المحاولات والأصرار على التقدم والتطور وتحيه للكوريين لابد من ان ارسلها لهم

نفس الكلام على الجيتا والباسات الجداد مش عارف ليه الشكل ده اللى بيفكرنى بموديلات التسعينات الخطوط المحافظه والمستقيمه المعتدله الفوانيس المستطيله الى حد كبير والتابلوه الأنيق الكلاسيكى الشكل اللى زى مايكونوا خايفين يغيروا او معندهومش الجرأه للتغيير - معظم المواقع فى تقييماتها للشكل الجديد مش مبسوطه لأنهم كانوا متوقعين حاجات ثوريه وخطوط جريئه زينا بالظيط

ولكم تحياتى

كلام كله صح و موزون
بس لازم نراعي ان الكوريين ابتدوا من حيث انتهى الآخرون و دخلوا بتقلهم في موضوع الشكل و الكماليات انما نادر ما اخترعوا حاجه
وده عامل أدى بلإضافة لرخص العماله الى الانتشار الرهيب بس فيه حاجه مهمه محدش قادر يقف عندها هو سر الصنعه وده اللي ليفرق صانع عن اخر
ايه اللي يخلي اله موسيقيه مصنوعه من نوع خشب معين ٥ أضعاف تمنها لو صنعها واحد خبرته قليله رغم استخدامه نفس الخامات و هتلقى فرق رهيب في جودة الصوت
وهوضح اكتر بمثال
مين مش فاكر سنة ٩٨ الاكستاح الرهيب لللانسر كريستاله و لما اتحطت في مقارنه مع الكورولا العيون طبعا اتفوقت بمراحل كان كل واحد شايفها أحلى من مرسيدس بمراحل إدي الشكل و أقوى بسبعه حصان و كمان الموتور و أريح و أوسع قمت شاريها و حاولت اقنع جوز أختي يجيبها لقيته صمم على الكورولا
بعد استعمال سنتين مفيش غيرهم سقت الكورولا لقيتها لسه بإحساس الزيرو و عربيتي كانت اتبهدلت عفشه و ميكانيكا رغم ان اللي راكب الكورولا متعلم جديد و رجليه غشيمه
اللي عايز اقول له ان خبرة السنين لا تختزل في شكل او كماليات عشان نبعد عن مواضيع الشد و الذي منه

[ahmedeihab]

لازلت غير مقتنع بيها بسبب ارتفاعها عن الارض و شكل الفوانيس الخلفى

^_^

[hany63]

لازلت غير مقتنع بيها بسبب ارتفاعها عن الارض و شكل الفوانيس الخلفى

^_^

ازيك الاول يابو حميد
كويس اننا ابتدينا نحصر الملاحظات عشان الكلام يكون محدد
بالنسبه لشكل الفوانيس الخلفيه دي طبعا مسألة ازواق لان في ناس شايفاها روعه و دي الناس العاديه اللي شافوها لاول مره و هي ماشيه يعني على الطبيعه مش اللي شافوها على النت وقالوا m11 و انا منهم
نيجي للنقطه الجوهريه و هي ارتفاعها عن الارض هل ده ادى مثلا لعدم ثبات؟ ولا عشان افقدها احدى سمات التصميم و هي انها لازم تبقى لازقه في الارض

على فكره يا جماعه العربيه دي لو وحشه خير و بركه ليا باعتبار اني معايا الجيل التامن فسعر اعاده البيع هيعلا بس الواحد لازم يكون موضوعي

[ahmedeihab]

ازيك الاول يابو حميد
كويس اننا ابتدينا نحصر الملاحظات عشان الكلام يكون محدد
بالنسبه لشكل الفوانيس الخلفيه دي طبعا مسألة ازواق لان في ناس شايفاها روعه و دي الناس العاديه اللي شافوها لاول مره و هي ماشيه يعني على الطبيعه مش اللي شافوها على النت وقالوا m11 و انا منهم
نيجي للنقطه الجوهريه و هي ارتفاعها عن الارض هل ده ادى مثلا لعدم ثبات؟ ولا عشان افقدها احدى سمات التصميم و هي انها لازم تبقى لازقه في الارض

على فكره يا جماعه العربيه دي لو وحشه خير و بركه ليا باعتبار اني معايا الجيل التامن فسعر اعاده البيع هيعلا بس الواحد لازم يكون موضوعي

انا الحمد لله يا باشا

اولا بلنسبه للفوانيس طبعا دى ازواق بس الشكل العام مش ظريف و ده رأيي

ثانيا بقا و دى الاهم الثبات

اوعا تقنعنى ان لما عليت العربيه الثبات بتاعها متأثرش

بقت شبيها بلالنترا و الار بى و الكلام الكورى ده فى عدم الثبات

انا اه مجربتش العربيه لحد دلوقتى

بس انا واثق انها هتبقى ثابتها زى الكورى ( فى الحماده )

و ده كله راجع للسوق المصرى الزباله اللى بيطلب العربيات عاليه نظرا لشوارعنا الجميله

و ده غير طبعا الخامات

^_^

[Sindibad]

كلام كله صح و موزون
بس لازم نراعي ان الكوريين ابتدوا من حيث انتهى الآخرون و دخلوا بتقلهم في موضوع الشكل و الكماليات انما نادر ما اخترعوا حاجه
وده عامل أدى بلإضافة لرخص العماله الى الانتشار الرهيب بس فيه حاجه مهمه محدش قادر يقف عندها هو سر الصنعه وده اللي ليفرق صانع عن اخر
ايه اللي يخلي اله موسيقيه مصنوعه من نوع خشب معين ٥ أضعاف تمنها لو صنعها واحد خبرته قليله رغم استخدامه نفس الخامات و هتلقى فرق رهيب في جودة الصوت
وهوضح اكتر بمثال
مين مش فاكر سنة ٩٨ الاكستاح الرهيب لللانسر كريستاله و لما اتحطت في مقارنه مع الكورولا العيون طبعا اتفوقت بمراحل كان كل واحد شايفها أحلى من مرسيدس بمراحل إدي الشكل و أقوى بسبعه حصان و كمان الموتور و أريح و أوسع قمت شاريها و حاولت اقنع جوز أختي يجيبها لقيته صمم على الكورولا
بعد استعمال سنتين مفيش غيرهم سقت الكورولا لقيتها لسه بإحساس الزيرو و عربيتي كانت اتبهدلت عفشه و ميكانيكا رغم ان اللي راكب الكورولا متعلم جديد و رجليه غشيمه
اللي عايز اقول له ان خبرة السنين لا تختزل في شكل او كماليات عشان نبعد عن مواضيع الشد و الذي منه

كلامك صحيح لكن لا تنسى ان الكوريون ابتداوا منذ زمن ليس بالقليل - محاولاتهم فى تطور مستمر لدرجة ان الألنترا القديمه تأخد جائزة افضل سياره فى فئتها يرضى عنها مقتنوها فى امريكا وما ادراك بالتنافس هناك - ايضا هيونداى اى 30 هاتشباك واخده ايضا أفضل سياره فى فئتها من حيث رأى مقتنوها متفوقه على سيارات عريقه مثل الفولكس والهوندا والسكودا - الكورى وصل لأوروبا - الكيا أفضل وكيل وخدمة فى انجلترا السنه اللى فاتت - لأ الكورى فجر وانطلق وسوف يسبق بهذه المعدلات اليابانى - وتذكر الأمريكانى كان له شنه ورنه مثل الكرايسلر والدودج و شيفروليه وفورد فى الخمسينات والستينات لكن مع ظهور اليابانى بدأ الأمريكانى التراجع وهو فين دلوقتى؟؟؟ حتى الأوروبى يتراجع امام اليابانى ولولا الرسوم الجمركيه الباهظه لحماية منتجهم والتسهيلات التى تمنح لمن يقتنى من منتج البلد لأكتسحت اليابان أوروبا .

الشاهد ان الكورى الأن مثل اليابانى زمان لما كنا نعيب على من يشترى سياره يابانى لأنهم اول من بداوا بالهندسه بالراجع (reverse engineering) زى الكوريون بالضبط والأن هم على القمه واتوقع للكوريون نفس النتيجه

سلام

[hany63]

انا الحمد لله يا باشا

اولا بلنسبه للفوانيس طبعا دى ازواق بس الشكل العام مش ظريف و ده رأيي

ثانيا بقا و دى الاهم الثبات

اوعا تقنعنى ان لما عليت العربيه الثبات بتاعها متأثرش

بقت شبيها بلالنترا و الار بى و الكلام الكورى ده فى عدم الثبات

انا اه مجربتش العربيه لحد دلوقتى

بس انا واثق انها هتبقى ثابتها زى الكورى ( فى الحماده )

و ده كله راجع للسوق المصرى الزباله اللى بيطلب العربيات عاليه نظرا لشوارعنا الجميله

و ده غير طبعا الخامات

^_^

طب خد المعلومه دي
واحد معرفه لسه جايبها خلاصة حق
كان عنده 2007 و بيعمل صيانة 90000 كم في التوكيل و غابوا عليه لحد الظهر وبعدين قالوا له معلش عايزينك في مشوار قاموا خدوه على القسم اتاري و هما بيجربوها على الدايري و اللي سايقها طاير راح مشيع في عربيه تانيه و طلعوا القسم المهم بعد ما اثبت ان العربيه في عهدة التوكيل قالوا انهم هيصلحوها كانت الاير باج اتفتحت و جابت شاسيه و النص القداماني بالسلامه طبعا رفض و وصل معاهم انه ياخد الجديده اللي كان كارهها و يدفع فرق قعد يضغط لحد ما دفع 22000 جنيه على اساس هو ما كانش عايز يغير و دي مسئوليتهم
المهم لما سألته عن موضوع تأثير العلو على الثبات من ضمن كام حاجه قال لي العربيه زي الفل الثبات هو هو و لقيته فكرته اتغيرت عن العربيه لما ركبها
على العموم هاخدها منه لفه لما اقابله في النادي و اتأكد بنفسي

[bob12345]

انا الحمد لله يا باشا

اولا بلنسبه للفوانيس طبعا دى ازواق بس الشكل العام مش ظريف و ده رأيي

ثانيا بقا و دى الاهم الثبات

اوعا تقنعنى ان لما عليت العربيه الثبات بتاعها متأثرش

بقت شبيها بلالنترا و الار بى و الكلام الكورى ده فى عدم الثبات

انا اه مجربتش العربيه لحد دلوقتى

بس انا واثق انها هتبقى ثابتها زى الكورى ( فى الحماده )

و ده كله راجع للسوق المصرى الزباله اللى بيطلب العربيات عاليه نظرا لشوارعنا الجميله

و ده غير طبعا الخامات

^_^

ياباشا السيفك بلارتفاع ده في كل الدول في العالم مش نزلة كده مخصوص

[hany63]

كلامك صحيح لكن لا تنسى ان الكوريون ابتداوا منذ زمن ليس بالقليل - محاولاتهم فى تطور مستمر لدرجة ان الألنترا القديمه تأخد جائزة افضل سياره فى فئتها يرضى عنها مقتنوها فى امريكا وما ادراك بالتنافس هناك - ايضا هيونداى اى 30 هاتشباك واخده ايضا أفضل سياره فى فئتها من حيث رأى مقتنوها متفوقه على سيارات عريقه مثل الفولكس والهوندا والسكودا - الكورى وصل لأوروبا - الكيا أفضل وكيل وخدمة فى انجلترا السنه اللى فاتت - لأ الكورى فجر وانطلق وسوف يسبق بهذه المعدلات اليابانى - وتذكر الأمريكانى كان له شنه ورنه مثل الكرايسلر والدودج و شيفروليه وفورد فى الخمسينات والستينات لكن مع ظهور اليابانى بدأ الأمريكانى التراجع وهو فين دلوقتى؟؟؟ حتى الأوروبى يتراجع امام اليابانى ولولا الرسوم الجمركيه الباهظه لحماية منتجهم والتسهيلات التى تمنح لمن يقتنى من منتج البلد لأكتسحت اليابان أوروبا .

الشاهد ان الكورى الأن مثل اليابانى زمان لما كنا نعيب على من يشترى سياره يابانى لأنهم اول من بداوا بالهندسه بالراجع (reverse engineering) زى الكوريون بالضبط والأن هم على القمه واتوقع للكوريون نفس النتيجه

سلام

الواحد مش عارف يصدق عينه و لا يصدق التقارير
انا كنت في امريكا من 10 سنين وطول الشهر اللي كنته هناك ما شفتش غير عربيه واحده شبه الاكسنت من وسط مية الف عربيه و طبعا كان الهوندا و التيوتا و النيسان مكتسح
هل لحقوا الكوريين في العشر سنين دول يبقوا على القمه من لا شىء؟
لو كده تبقى معجزه
ولسه واحد صاحبي عايش هناك جايب لبنته سيفيك عشان عمليه و رخيصه تروح بيها الجامعه